Mbeeñil 22:9 - NQAARIIT NE ROOG

⁹ Kaa koy, malaaka fee a layaxam ee: «Ba o fi’in! O tag refum nen a wo, refin itam nen fog of we ndefna duleer fo nen we na ngeekaa fa lay fee bindeena no safe lene. Roog soom helu o faɗooxel!»

Mbeeñil 22:9 Referans Kwoze

Mbeeñil 19:10

Dalfooxaam o naag giriƥriƥ na caf um ndax um faɗooxin, ndaa a layaxam ee: «Jaɓino o fi! O tag rek refum nen a wo fo nen we fogtoona o ngim na seede’anaa a Yeesu. Roog soom helu o faɗooxel!» Ndigil ne Yeesu a feeñilna na laynooraa duleer we.

Mbeeñil 14:7

Kaa layoogu fo o ñuxur o maak ee: «Saɗaryo a Roog, too ƥoxotin o ndam, yaam waxtu fee na hate fee ten a fadiida. Fat nu mbaɗoox oxe sakna asamaan fee fo lanq ke fo o maag ole fo xa quluɓ axe.»

1Saŋ 5:20

I anda itam ee o Ƥeenqe Roog a gara, too a ci’a a in o and, ndax i and o Tiindigil oxe refna Roog. In wey no Tiindigil oxe na pexey o Ƥeem Yeesu Kiristaa. Yeesu feene koy refu Roog fa ndiindigil fee fo o ñoow o fagkeer ole.

Mbeeñil 4:10

maak qarɓeen ƭik fo maak nahuk we a ndalfooxooga o ngooknoox mbaambir no xe moof’ina took gamb no maad le, a mbaɗooxaa oxe na ñoowaa bo na moos boo moos, a mbolaa fo ndip ne den mbaambir gamb no maad le, soo a layaa yee:

A sutax ale 34:14

Nu ngungkee mbaambir roog fa lakas, yaam mi o Yaal oxe, gon es refu ‹o Naalu xe›, soo um ref Roog fa naalu itam.

Mbeeñil 22:10

Cinj kaaga, Yeesu a layaxam itam ee: «Ba o ɗasin muk fa lay fee no nduleer ne Roog bindeena no safe lene, yaam waxtu fee keene a hapaneena fop a matiida.

Mbeeñil 15:4

O Yaal oxe, an saɗarkeerong boog? Ndi an na fañkang o ɓoxot o ndam? Wo soom tedu. Qeet ke fop xan a mbaɗooxiidong, yaam a pi a cofu ke wo a mbeeñle a qool qac.»

Mbeeñil 9:20

We yoq’ina no wiin we too nqonee no taamaala keene koy, mbes’ee a cinj xa taaƴ axe da mbi’’ina Roog den. Kaa ngen’u no mbaɗooxaa cini ke fo xa taaƴ wurus fo xa taaƴ xaaliis fa nqoolu fo xa taaƴ xanjar fo xa taaƴ ɓil fo xa taaƴ a teex axaa mbaageerna a ka, mbaagee fa nan, mbaagee a ñaaƈ.

A kim a tedu ke 45:11

Ndoog, rungi nof of, ɗeet too nan-giloox a paax. Weecti xeet of fo mbind faap of.

A cangatin ale 4:19

Nu ndaxaaƴooxangaa na asamaan fee, nga njeeƈ ne fo o nqool onqe fo xa qoor axe, tig oo tig ke na asamaan fop daal, baa riñ a nuun nu ngungaa mbaambir den, mbaɗooxaa a den. O Yaal oxe Roog kaa xaƴan qeet lakas ke fop no lanq ke a pi akeene.

Mbeeñil 22:18

Mi Saŋ, mexe maƭooxaa fop we na nanaa fa lay fee no nduleer ne Roog bindeena no safe lene yee: Oxuu ɓaatna teen tig, xan Roog a ɓaat na qaw um taamaala ke layteena kam safe leeke.

YEGIL MBAAX NE YEESU ne Lik a bindtuuna 4:7

O faɗooxangaam, xan o jeg keene fop.»

2 Maad we 17:36

Mi o Yaal oxe doŋ nu mbaru o mbaɗoox, mi fee sutitna a nuun no saax laa Misira fa katil maak ne mi fo o ɓay o jegu doole le mi. Mbaambir es nu mbaru ngungaa soo ƥoxotaxam sadax.

Mace 4:9

soo a layin ee: «O gooknooxangaa mbaambir es too faɗooxaam, xam ci’ong keene fop.»

Mbeeñil 1:1

Safe leeke refu ke Yeesu Kiristaa a feeñilna. Roog ci’un o ten, ndax ta lal dag we ten ke na xewkaa no miñeer. Keene koy, Kiristaa a andnooraan a Saŋ fee o tag um, ye ta luliidna malaaka um me ten.

Mbeeñil 1:11

Kaa layoogu yee: «Ke o ga’aa, bindeen no safe, lultin pokatax ɓetuu ƭik kaa ndefna kam teeru keeke: Efees fa Ismir fa Pergaam fa Tiyatiir fa Sardes fa Filadelfi fa Lawodise.»

Mbeeñil 22:7

Maaga, Yeesu a laya yee: «Nan-gilooxi! Mexe garaa no miñeer! We na ngayaa fa lay fee no nduleer ne Roog bindeena no safe lene, a ƭaaya.»