Mbeeñil 22:8 - NQAARIIT NE ROOG

⁸ Mi Saŋ, mi nanu keene, too ga’in. Ye nananuuma, ga’in, naagaam giriƥriƥ na caf ake na malaaka fee lal’axama a den, ndax um faɗooxin.

Mbeeñil 22:8 Referans Kwoze

Mbeeñil 19:10

Dalfooxaam o naag giriƥriƥ na caf um ndax um faɗooxin, ndaa a layaxam ee: «Jaɓino o fi! O tag rek refum nen a wo fo nen we fogtoona o ngim na seede’anaa a Yeesu. Roog soom helu o faɗooxel!» Ndigil ne Yeesu a feeñilna na laynooraa duleer we.

Mbeeñil 1:1

Safe leeke refu ke Yeesu Kiristaa a feeñilna. Roog ci’un o ten, ndax ta lal dag we ten ke na xewkaa no miñeer. Keene koy, Kiristaa a andnooraan a Saŋ fee o tag um, ye ta luliidna malaaka um me ten.

Mbeeñil 19:19

Cinj kaaga, ga’aam a Ɓaanoor fo maad we na adna fee fo a yaj no yaal kumnax den a mbokatoor, ndax da ñoxor fo Xe ŋaay’ina bari ne fo yaal kumnax um.

Dañel 2:46

Maaga, o maad Nebukadnesaar a deɓooxa na caf Dañel, a gung mbaambir um soo a simit ta ɓoxotel sadax fo qeeñe-xeeñe.

A pi ake 10:26

Kaa koy, Piyeer a inaan, soo a layin ee: «Inooxi, yaam mi itam, o kiin soom refum.»

Mbeeñil 1:4

Mi Saŋ na bindaa a nuun, nuun pokatax ɓetuu ƭik ke ndefna kam o jegel olaa Asi: Yaasam nu ndaawit yirmande fa jam na Roog, ten fee na maadaa, a ref oxe reeƭna too a ref oxe na garaa, fo na yiif ɓetaa ƭaq ake ndefna mbaambir gamb no maad le ten,