Mbeeñil 22:6 - NQAARIIT NE ROOG

⁶ Cinj kaaga, malaaka fee a layaxam ee: «Fa lay feeke ndigil kak oo, too a dey o jaɓel. Maaga, o Yaal oxe Roog fee na ɓekaa duleer we Yiif um, a luliida malaaka um, ndax ta lal dag we Roog ke warna o xew no miñeer.»

Mbeeñil 22:6 Referans Kwoze

Mbeeñil 1:1

Safe leeke refu ke Yeesu Kiristaa a feeñilna. Roog ci’un o ten, ndax ta lal dag we ten ke na xewkaa no miñeer. Keene koy, Kiristaa a andnooraan a Saŋ fee o tag um, ye ta luliidna malaaka um me ten.

Mbeeñil 21:5

Maaga, oxe moof’ina no gamb no maad le a laya yee: «Ndiiki koy, xam fi’atin fop ta ref qas.» Cinj kaaga, a layaxam ee: «Bindi kene, yaam fa lay es ndigil kak oo, too a jare o hooloox.»

Mbeeñil 19:9

Malaaka fee a layaxam ee: «Bindi yee: We nqureena na put ngulook ale no Mbaal onqe a ƭaaya!» Cinj kaaga, a ɓaata teen ee: «Fa lay feeke ndigil kak oo, Roog layun.»

2 Piyeer 1:21

A ƭelem ake no duleer we Roog mosee o ngat no bug no kiin. Yiif Tedu le reeƭu oxe ɗoxoogna a den boo da layaa a ƭelem akaa inoorna na Roog.

A pi ake 3:18

ndaa Roog fadnitu neene ke ta yegnit’ina yaaga xewafulee na xa ton no duleer we fop, ye da layna yee o Muumucil oxe ten regteena a wara o coono.

YEGIL MBAAX NE YEESU ne Lik a bindtuuna 1:70

a reefandin no ke duleer tedu we ten a layna no camaane kaana mbaafna.

Mbeeñil 18:20

Ten taxu wo asamaan, felakinooxi! Nuun we mbogna na Roog fo apootar we fo duleer we, kaam ee mbelakinooxyo, no ne Roog a hate’na teeru feene yaam ɗom le ta fi’na a nuun.»

2 Piyeer 3:2

boo nu mbaag o mbetandoox yegnit padafuleer ke no duleer tedu we yaaga, mbetandoox itam kebil ne no Yaal oxe fo o Muumucil oxe, apootar we nuun a njanginna.

Hebre 12:9

Mee ndax i njega paap kaa na yaraa a in na adna feeke, too kaa i niwaa a den. Xar na taxkaa boog i nanankee a Faap in fee refna na asamaan, ndax i njeg o ñoow.

O leetar ole Pool a bindna GIMU WE NGENNA ROM 1:2

Yegil mbaax neene, Roog kaa regit’un yaaga kam a Pind a Tedu ke, a reefandin no duleer um.

Mbeeñil 22:7

Maaga, Yeesu a laya yee: «Nan-gilooxi! Mexe garaa no miñeer! We na ngayaa fa lay fee no nduleer ne Roog bindeena no safe lene, a ƭaaya.»

1 Korint 14:32

We na njo’tanaa a Roog ngame’u ci’it ne Roog a daawinna a den.

Mace 13:41

O Ƥeenqe no kiin oxe xan a luliid malaaka um, ndax da ƈas kam Maat um we na tolofnooraa wiin we fo we na mbi’aa cofaƭaru.

Mberaand 41:32

O nanangaa Firawon fee a ɗaaɗin boo a caf a ƭak, tige kaa ref kaa Roog a geenooxna no fi’in, too xan a fadnin ndiiki.

YEGIL MBAAX NE YEESU ne Lik a bindtuuna 16:16

Kebil ke Moyiis fo duleer we a maad’a boo na Saŋ o Paabatiise xe. Cinj kaaga, Yegil mbaax ne no Maat ne Roog kaa waare’eel, too o kiin oo kiin kaa jeemaa fa doole um, ndax ta rok teen.

Dañel 6:22

Dañel a doona o maad oxe yee: «Daali maad, yaasam o xuuɗ!

Dañel 3:28

Nebukadnesaar a laya yee: «Roog fee Sadrak fa Mesak fa Abed-Nego a hela o simatel, ten fee luliidna malaaka um, ta mucil dag we ten ngoolooxuuna! Kaa ƭap kebil es, mi fee o maad, yaam o ƥoxot cer den a moƴan a den o faɗoox a roog fa lakas faa refeerna Roog den.

2 Tesalonik 1:7

soo nuun we toroxandeena, ta ci a nuun a ñootnax, a ci’in a in itam. Xan Roog a fadin keene fop, yaa o Yaal oxe Yeesu a inooritkaa na asamaan, a yoon fo malaaka cegu katil ke ten,

1 Korint 7:29

Keeke rek bugum o lay: Jamaane fee miñatee dara, ten taxu fat we njegna rew, a ñoowit nen jegee rew,

A pi ake 12:11

Maaga, Piyeer a nomtooxiida na sagu um, too a laya yee: «Ndiiki koy andaam no ndigil ee o Yaal oxe luliidu malaaka um, ndax ta muclaam na xa ƥay axe Herood fo no paaxeer ke xeet fee no Yaawuur we a salanoogaxama.»

Mbeeñil 4:1

Yaa kaaga a faafna, ga’ahinaam begax naa wetooxna kam asamaan. O ñuxur ole eet’uuma o nan, kaa fangoortoogu nen a luuƥ. Kaa lay ee: «Ŋaayiidi mene, too xam lalong ke warna o xew a cinj keene.»

Mbeeñil 21:9

Cinj kaaga, fa leng no malaaka ke saq’ina fo ndog ɓetuu ƭik ne yip’ina taamaala ɓetuu ƭik palakaand ke, a gara a layaam ee: «Gari boo um lalong o toog oxe refna o Kulook no Mbaal onqe.»

Mbeeñil 22:1

Naaga, malaaka fee a lalaxam o xuluɓ ole no foofi le na ñoownaa. Kaa mir-mirnoogna nen galam fo jem a sutoorooga no gamb no maad le, Roog fo o Mbaal onqe a njegna,

Mbeeñil 22:16

«Mi Yeesu, mi lulu malaaka es, ndax ta yegin a nuun keene fop kam pokatax ke no gimu we. O ndaan Dawid refum fo o xoor o maak ole ne’eena o Mbuŋa.»