Mbeeñil 22:4 - NQAARIIT NE ROOG

⁴ Xan a nga mukit um, too gon um xan a bindel took a tagid den.

Mbeeñil 22:4 Referans Kwoze

Mbeeñil 14:1

Cinj kaaga, ɗeetaam, too ga’aam o Mbaal onqe a geenoox took o Joong ole Siyoŋ, soo wiin cuni teemeed we fo wiin cuni qarɓeen nahik we fo wiin cuni nahik we a ndef fo ten, gon le no Mbaal onqe fo gon Faap um a mbindel na tagid den.

Mace 5:8

We njegna xeeñ xoolu a ƭaaya, yaam xan a nga a Roog!

Mbeeñil 3:12

Oxe na maafkaa koy, xam geennin nen a toodook ta jaƭ Mbind ne na Roog fee mi, too sutooxkatee teen. Xam bind took a tagid um gon le na Roog fee mi, bind teen itam gon le na teeru fee Roog, refna Yeerusaleem fa nqas fee na fudoortiidkaa na asamaan, a inoor na Roog es. Xam bind teen itam gon xas le jeguuma.

Ke bindeena no xe ne’eena YOB 33:26

A xeɗangaa a Roog, xan a jaaɓin. Xan a faɗooxan fo xa ƈeel, yaam ne Roog a daknuuna no sagu um.

Hebre 12:14

Ngoorgoorlooxyo, ndax nu ndef na jam fo wiin we fop, too o ñoow nuun a ted, yaam oxuu o ñoow um a tedeerna, jasnoorkee fo o Yaal oxe.

Mbeeñil 7:3

«Ba nu ndaaɓ lanq ke mbaat o maag ole mbaat taxar ke boo yaa i ñaaskaa a tagid ake no we na ndagooxaa a Roog in!»

1 Korint 13:12

Ke i nga’aa ndiiki, kaa nand nen no ɗeendoor i nga’aa, xoolee qac, ndaa a koom xan i njasnoor fo xe i ƈookna no ɗeendoor ole. Xaye, a seek a leng rek um ga’aa, ndaa na bes faaga, xam and ne Roog a andtaxama.

YEGIL MBAAX NE YEESU ne Saŋ a bindtuuna 17:24

Faap, kaam bug muu refuuma we lasaxamoona a moof fa mi, ndax da nga o ndam es, refna onqe ci’axamoona, yaam kaa o fexaam yaaga adna ferooxafulee.

YEGIL MBAAX NE YEESU ne Saŋ a bindtuuna 12:26

Oxuu na dagooxaxam, fat a reefaam. Muu refuuma, maaga o tag es a refkaa. Oxuu na dagooxaxam, xan Faap es a niwin.»

Esayi 33:17

A kid of xan a naang jak fo o maad oxe kam o mosel um fop. Xan a nga saax yaaju le ne ta fodeena fop.

A kim a tedu ke 17:15

Mi o mat, o cofel xan a tax um ga mukit of, too um yokooxangaa, xam ɗeetaa o mem of boo deyƭoox.

Esayi 40:5

O ndam onqe no Yaal oxe xan a feeñ, too o kiin oo kiin xan a ga’in. Neene a refkaa, yaam no don no Yaal oxe a hatu.»

A kim a tedu ke 4:6

Ƥoxotyo sadax o cofel too ngooloox o Yaal oxe.

Esayi 35:2

Xan a may fo piɗ mosu, a mbecoox fo o ɗaay, a mbelakinoox soo a soroxole. Xan a cooxel o ndam onqe Libaŋ fo o mosel ole no joong ole Karmel fa Saron. Xan a nga o ndam onqe no Yaal oxe, o mosel Roog in.

Heseki’el 33:23

Maaga, o Yaal oxe a daawnaxam fa lay um na xa ƭelem axene:

A kim a tedu ke 42:2

Ne njaf a duñnoortaa xur foofi, neen o laaw es a duñnoortang, wo Roog.