Mbeeñil 22:3 - NQAARIIT NE ROOG

³ A kalak Roog njegkatee. Gamb no maad le Roog fo o Mbaal onqe a njegna kam teeru fee a refkaa, too dag we Roog xan a mbaɗoox a Roog.

Mbeeñil 22:3 Referans Kwoze

Mace 25:21

O yaal mbind um a layaan ee: ‹Jook a njal, o paɗ o paax o kore’u xe! Gore’aa no tig neewu, ten taxu xam doxnong mayu. Rokiidi too felakinoox fo o yaal mbind of!›

YEGIL MBAAX NE YEESU ne Saŋ a bindtuuna 12:26

Oxuu na dagooxaxam, fat a reefaam. Muu refuuma, maaga o tag es a refkaa. Oxuu na dagooxaxam, xan Faap es a niwin.»

YEGIL MBAAX NE YEESU ne Saŋ a bindtuuna 14:3

Boo retuuma, boo nu njeg maa nu moofna, xam nomtooxiid, xot a nuun, ndax me um refkaa, nu ndef maaga nuun itam.

Sakari 14:11

Yeerusaleem xan a genel, too yaq ɓeedkatiran, ta ref no woor.

Heseki’el 37:27

Xam gen fa den, ref Roog den soo da ndef xeet es.

A kim a tedu ke 17:15

Mi o mat, o cofel xan a tax um ga mukit of, too um yokooxangaa, xam ɗeetaa o mem of boo deyƭoox.

A kim a tedu ke 16:11

Kaa o lalaxam a ƭat ale no ñoow ole, o ɗaay o deyu sik na xotteel mbaambir of, o sawar o fagkeer a ref na ñamaak of.

Esayi 12:6

Nuun we ngenna Siyoŋ, njibinyo xa ƈeel too mbelakinoox, yaam o Tedu xe Isra’el refna a ndeer nuun kaa magin.

Mace 25:41

Cinj kaaga, xan a lay we ndefna na janoon um ee: ‹Ngoƭaamoo, wiin halakooxu we! Ndetyo kam fiɗel fo ñufkeer muk ole jagandan’eena o ƈiƴ oxe fo malaaka um,

YEGIL MBAAX NE YEESU ne Saŋ a bindtuuna 17:24

Faap, kaam bug muu refuuma we lasaxamoona a moof fa mi, ndax da nga o ndam es, refna onqe ci’axamoona, yaam kaa o fexaam yaaga adna ferooxafulee.

A cangatin ale 27:26

‹Oxuu reefeerna kebil keene fop, a fañ o ñoowit ne da njangnituuna, a halakooxa!› Fat xeet fee fop a ndoon ee: ‹Amiini!› »

Heseki’el 48:35

Saŋe ne widna teeru fee xan a ref xa noonoong cuni xarɓaxay fo xa noonoong cuni ɓetuu tadik. No kaa xotitna a koom, teeru fee xan a xoyateel ee: ‹O Yaal oxe xey mene.› »

Esayi 51:11

Neene, we o Yaal oxe a watna, xan a nomtooxiid. Xan a mbadtiid a kim baneex kam Siyoŋ. O ɗaay o fagkeer xan a meleƈin mukit den, baneex fo o ɗaay a ndokiid, soo naqad fo xa iin a ndiƈatoox.

Mbeeñil 7:9

Cinj kaaga, ɗeetaam too ga’aam faan maak laa o leng a waag’eerna o lim. Wiin weene kaa inoor na xeet fuu refna, no tim oluu refna, no saax luu refna fo na lak fuu refna. Kaa ngeenoox’u mbaambir gamb no maad le, a njasnoor fo o Mbaal onqe, a ndokoox tikoorik tan, a ndeegoox a naaq ngeec.

Mbeeñil 7:10

Maaga, kaa mbalalooxoogu yee: «A muc ale in kaa inoor na Roog in, ten fee moofna no gamb no maad le, a inoor no Mbaal onqe itam.»

YEGIL MBAAX NE YEESU ne Saŋ a bindtuuna 13:32

A soƥangaa koy ee no ten Roog a ɓoxotte o ndam, xan Roog a ɓoxotin o ndam na xoox um itam, too miñkatee sax.