Mbeeñil 22:2 - NQAARIIT NE ROOG

² a ɓaxooxaa a ndeer ee ndeer a qal ale na teeru fee. No saax oluu refna no xuluɓ ole koy, a jeg’a ndaxar ne no ñoow ole. Kaa ndimaa a caf xarɓaxay fo a caf a ƭak o hiid oluu refna, ta ref jaf leng o nqool onquu refna. A naf ake den koy, kaa mbaadnitoogel jiru we no qeet ke.

Mbeeñil 22:2 Referans Kwoze

Mbeeñil 22:1

Naaga, malaaka fee a lalaxam o xuluɓ ole no foofi le na ñoownaa. Kaa mir-mirnoogna nen galam fo jem a sutoorooga no gamb no maad le, Roog fo o Mbaal onqe a njegna,

1 Piyeer 2:24

Ten roxondooxu pakaad in no cer um took a teex ale, ndax bakaad a xon na in, soo i ñoowaa no cofel. Na pexey a uut akaa ten nu mbodtu.

Mbeeñil 2:7

Oxuu jegna nof, fat a nan-giloox ke Yiif le a layaa pokatax ke no gimu we: Oxe na maafkaa, xam ci’in ta ñaam no ndaxar ne no ñoow ole refna kam a ƭing ale Roog.› »

Mberaand 2:9

O Yaal oxe Roog a saxna maaga xa qos taxar fop, da njeg a safaan, a mbel o ñaamel, ndaxar ne no ñoow ole fo ndaxar ne na andnooraa paax fo paaxeer a ndef a ndeer ale.

Mbeeñil 22:14

We na ndapaa toki den, ndax da ci’el a ñaam o rim ole no ndaxar ne no ñoow ole, a ndoktaa na xa ton-maax axe na teeru fee, a ƭaaya.

Xa peƭit axe 3:18

Kaa ref ndaxar o ñoow no we ndamuuna, we pokooxuuna a ƭaaya.

Mbeeñil 22:19

Oxuu watinna tig na fa lay fee no nduleer ne Roog bindeena no safe lene, xan Roog a watin a las um no ndaxar ne no ñoow ole fo na teeru fee layteena no safe lene.

Mbeeñil 21:24

Qeet ke fop na qoolaand um a mbugko ñaaƴaa, soo maad we na adna fee a ƥisiidaa teen kalal den.

Mbeeñil 21:21

Begax xarɓaxay fo begax ƭik ke koy, xa peme xarɓaxay fo xa peme xa ƭaq a ndeeƭu. Begax nuu refna o feme o leng a fi’te. A qal ale na teeru fee koy, wurus tigi faa na ɗeetooraa nen o weer a reeƭu.

YEGIL MBAAX NE YEESU ne Lik a bindtuuna 4:18

«Yiif le no Yaal oxe xe took es. Kaa ɗuumaam ndax um yegnik rool we Yegil mbaax ne, a lulaam ndax um yegin faɗ we a bat ale, yegin we mbuulna o ga ole, soo wokit we toroxandeena,

Heseki’el 47:1

O koor oxe a ɓisaxam farna fo ndokand ne no Mbind Roog ne. Maaga, ga’aam foofi laa sutoortoogna ɗuga peg ne no Mbind Roog ne, a sagaa no batand, yaam mbaambrand ne no Mbind Roog ne kaa faambir’u no batand. Foofi le kaa fudooxoogu ɗuga o saax o ñamaak ole no Mbind ne, a reef no ɓemb-roog o ñamaak ole no sadaxand ole.

A kim a tedu ke 147:3

O Yaal oxe na wodandaa we a qeeñ den a naqadilooxna, a laxasaa kaañax den.

Hoose 14:4

Asuur mucilkee a in, i ngoolooxkatee pis too i laykatee ke xa ƥay in a njalna yee: ‹Roog in!›, yaam me wo soom o waan ole a daawtaa o mbeq.»

Yeremi 17:14

Wodandaam, o Yaal oxe, too xam wod, muclaam, too xam muc, yaam wo soom um simataa.

Esayi 6:10

Ŋajnoori xeet feene, sux nof den soo mup a kid den, yaam ndik da nga’it a kid den, a nanit nof den, a andit a qeeñ den, soo a saktooxiid me mi, a mbodandel.»

Sakari 14:8

A koom, xan poofi kaa na ñoownaa a sutoor Yeerusaleem, kene a nqot no maag o Xanju laa, kaana no laa Mediterane. Naaga a refitkaa ndiig fo ƈiid.