Mbeeñil 22:12 - NQAARIIT NE ROOG

¹² Yeesu a layahina yee: «Nan-gilooxi! Mexe garaa no miñeer! Xam ɓislooxiid tabid ke, o kiin oo kiin, um ɓoxotin ke ta fi’na.

Mbeeñil 22:12 Referans Kwoze

Mace 16:27

O Ƥeenqe no kiin oxe xan a gar kam o ndam Faap um, a yoon fo malaaka um, soo a ɓoxot o kiin oo kiin a pi um.

Esayi 62:11

Keeke o Yaal oxe a yegnitu boo no cat adna: layyo a Siyoŋ o ndoog onqe yee: «O Muumucil of oxe garaa, a yoontiid tabid um, soo ke ta jalna a adooxanin.»

Esayi 40:10

O Yaal oxe na refkaa boo faw oxey a garaa, a yoon fa katil, too xan o ɓay um a maadoox. Xan a yoontiid tabid um, soo ke ta jalna a adooxanin.

1 Korint 3:14

Oxuu andoona yee ke ta maxitna saƭku yoo, fiɗel le waagkee teen dara, too oxaaga xan a rabdel calel um.

1 Korint 3:8

Oxe jimbna fo xe soorna mbodu, too oxuu refna ndabid calel um a daawkaa.

Mbeeñil 22:7

Maaga, Yeesu a laya yee: «Nan-gilooxi! Mexe garaa no miñeer! We na ngayaa fa lay fee no nduleer ne Roog bindeena no safe lene, a ƭaaya.»

O leetar ole Pool a bindna GIMU WE NGENNA ROM 14:12

Maaga, o kiin oo kiin na in xan a jangtoox a Roog ke ta mosna o fi fop.

Mbeeñil 11:18

Qeet ke fop kaa mbuux’u boo a mbuɓaa, ndaa waxtu fee waroona o fuux fa waxtu fee waroona o hate we nqonna a fadiida. Waxtu fee waroona o saɗig dag we wo na njo’tanang, waxtu fee o saɗigkaa we mbogna na wo, a saɗarong, ta ref yaal toole ke mbaat we neewna doole, a fadiida. Waxtu fee waroona o gef we na ngefaa adna fee a fadiida.»

Mbeeñil 20:12

Maaga, ga’aam xon we, yaal toole fo we neewna doole, da ngeenoox mbaambir gamb no maad le. A jega a safe kaa mbeteena. Safe lakas a wet’e itam, refna ref safe le no ñoow ole. Xon we a ngate’e no ke bind’eena kam a safe ke, oxuu refna na pi um.

Mbeeñil 22:20

Oxe feedinna kene a laya yee: «Ii, mexe garaa no miñeer!» Amiini! Gari, o Yaal oxe Yeesu!

Sofoni 1:14

Bes fa maak fee no Yaal oxe a matiida. A matiida, too oxe fadiidaa no ñofu. Bes fee no Yaal oxe xe fangooxaa, soo a salma-koor ake sax a njibin xa paɗax.

Ke bindeena no xe ne’eena YOB 34:11

Kaa rabdaa o kiin oo kiin a pi um, a ɓoxotaa oxuu refna a pesoorooƭ um.

A kim a tedu ke 28:4

Rabdi a den mbef den, paaxeer ke da mbi’na a sagoox a den, da muudoor jale den, a ndaaw ndabid ne helna a den.

Yeremi 17:10

Mi o Yaal oxe, kaam ga’aa boo kam xeeñ soo horooxaa a pug ake, ndax um dakin oxuu refna a pesoorooƭ um, reefandin no ke a pi um a njagitna.

Mbeeñil 2:23

Kaa jolna keene, xam xawit xa ƥeem fa nqon. Neene, xan pokatax ke no gimu we fop a and ee mi refu oxe na horooxaa a pug fo a qalaat a ƭasu ke no wiin we, too xam ɓoxot o kiin oo kiin ke ta jalna.

Mbeeñil 3:11

Mexe garaa no miñeer! Pokooxi ke jegoona, ndax o leng jangkee o ndip onqe daawtoona no njom ne.