Mbeeñil 22:11 - NQAARIIT NE ROOG

¹¹ Fat o paaxaƭaru xe a gen no fi’aa paaxeer, o qoolaƭaru xe a gen no fi’aa qooleer. Kaam ee fat o cofu xe a gen no fi’aa cofu, o tedu xe a gen no ñoowaa kam o tedel.»

Mbeeñil 22:11 Referans Kwoze

Dañel 12:10

Xan wiin mayu a nqoolandel, a ndan-ginel soo a ƥogdel. Kaa koy, faaxaƭaru we xan a mbi’aa paaxeer too o leng na den andkee keene, ndaa we njegna a yiif xan a andin.

Xa peƭit axe 4:18

A ƭat ale no jofu we kaa nand nen a qoolaand mbeet, meleƈ um a ɓaatooxaa boo njoloor o mbuc.

Heseki’el 3:27

Kaa koy, a mbanuu jeguuma kaa layoonga, xam waagnoorong fa lay. Maaga xan o lay a den ee: ‹Keeke o Yaal oxe na refkaa boo faw a layu: Fat oxe bugna o nan-giloox, a nan-giloox, soo oxe bugeerna o nan-giloox, a fañ o nan-giloox›, yaam xeet fa mbaafañ a ndefu.»

2 Timote 3:13

Soxodu we fo fan we koy kaa mbugko moƴ o loofaa na bakaad, a mo, a mo’andaa lakas we.

Mace 15:14

Nqaƴyo a den, fuul waa na ƭoxaa fuul gend den a ndefu. O puul a ɗoxangaa o puul o kend um koy, den ɗik fop xan a njimboox kam a kamb.»

Mace 5:6

We nqeexeena too a ngoɗomel o cofel ole Roog a ƭaaya, yaam xan a ngiñ!

Ke bindeena no xe ne’eena YOB 17:9

Kaa da layaa yee: «O cofu xe kaa damaa a ƭat um nuu ta saxitna saxit, oxe xa ƥay um a nqoolna a moƴ a moƴ o saƭkaa.»

Yudaa 1:24

Roog oxe refna o leng, a ref o Muumucil in na pexey o Yaal in Yeesu Kiristaa, ten soom waagu o saytoox a nuun no njom nuu refna. O ten waagu o geenin a nuun itam no ndam um, nu ñak sik, ndef no ɗaay o maak. Yaasam ta ɓoxotel o ndam fo maat fa doole fa sañ-sañ no kaa xotitna no mberaand naa, a gar ndiiki bo na moos boo moos! Amiini.

Mace 25:10

Yaa da njikkaa, o kor-no-kulook oxaa a fadiida. Waa njagandoox’ina a ndoka fo ten na ndok alaa no ngulook naa, too begax naa a wege.

Xa peƭit axe 14:32

O soxodu xe, kañaan um na maafan, o cofu xe mat a jega a koolax boo na fa nqon.

Efees 5:27

yaam kaa bug’u o feeñil mbaambir um o fog ole no gimu we kam o mosel um fop, a bug ta xool, a ñak sik, too jegkee gak leng.

Mace 21:19

A ƴooka ndun paam a ƭat ale, a matiidin, ndaa soƥee taaga o jala leng a refangee a naf a ƥor, too a layaan ee: «Yaasam baa o rim o leng sax a feeñat took of boo faw!» Ndak fo ndak, ndun naa a naaga ŋayam a weer.

A kim a tedu ke 81:12

Kaa koy, xeet es nan-gilooxee o ñuxur es, Isra’el a fañaam faƥit.

YEGIL MBAAX NE YEESU ne Saŋ a bindtuuna 8:21

Yeesu a dakooxa o lay a den ee: «Mexey retaa, too xan nu mbaaƭaam, ndaa pakaad nuun nu nqonitkaa. Nu mbaagkee o ngar me um jofaa.»

Mbeeñil 16:21

Maaga, a kalam a ƥuuɓu kaa andoona yee o meɗel den a fi’’a ngap kilo qarɓeen nahik, a yentiidooga na asamaan, a ndalaa took no wiin we. Weene a ndefata no mbenaa a Roog, yaam taamaala fee a teƥ aleene a fi’oogna. Taamaala feene koy, a ɗom’a lool.

O baawaare xe 11:3

A eel ake a mayangaa fa foofi, ta deɓ, too ndaxar a yenangaa, ta ref farna fo ɓemb-roog o ñamaak mbaat no janoon, me ta yenna a yoqaa.

Mbeeñil 22:3

A kalak Roog njegkatee. Gamb no maad le Roog fo o Mbaal onqe a njegna kam teeru fee a refkaa, too dag we Roog xan a mbaɗoox a Roog.

Kolos 1:22

Ndiiki koy, Roog a jofooranda a nuun fa xoox um na pexey fa nqon Kiristaa no cer um, ndax ta geenin a nuun mbaambir um, nu ted, nqool, ñak ŋañel.

Mace 5:45

Nu mbi’angaan, xan nu ndef xa ƥiy Faap nuun fee na asamaan, yaam kaa seeƈanaa faaxeer we fo faaxu we, a deɓanaa jofu we fo jofeer we.