Mbeeñil 22:10 - NQAARIIT NE ROOG

¹⁰ Cinj kaaga, Yeesu a layaxam itam ee: «Ba o ɗasin muk fa lay fee no nduleer ne Roog bindeena no safe lene, yaam waxtu fee keene a hapaneena fop a matiida.

Mbeeñil 22:10 Referans Kwoze

Dañel 8:26

Ke layee’oona no mbeeñil ne, ta jagin no sadax ke kirand fo nqes, ndigil kak oo. Kaa koy, tiimtafuleen, yaam bo ta fadnooxaa xan a miñ.›

Mbeeñil 1:3

We na njangkaa safe lene a ƭaaya. We na nankaa fa lay fee no nduleer ne ten, soo a ngeek ke bindeena teen a ƭaaya itam. Yaam waxtu fee keene fop a warna o xew a matiida.

1 Piyeer 4:7

Muukandoong ne no kuu refna a matiida. Saqyo boog yiif jagandooxu, soo yetoox, ndax nu mbaag o nqeɗaa.

Mbeeñil 10:4

Ye ƭuuɗ ɓetuu ƭik ke a mbangooxna, bug’aam o bind, ndaa nanaam na asamaan o ñuxur olaa layaxama yee: «Dami ke ƭuuɗ ɓetuu ƭik ke a layna rek, too fañ o bind.»

Mace 10:27

Ke um layaa a nuun no niɓaan, layeenoo njoloor. Ke nu nde’eena, yegniteenoo no qel ke!

Dañel 12:9

A doonaxam ee: ‹Wo Dañel, reti na jam, yaam fa lay feene xan a ɗasnel, a ref kunpa boo na jamaane faa no muukandoong naa.

Dañel 12:4

Wo Dañel, ɗasni yegnit neene, too wegit safe lene o ñaasir boo yaa jamaane fee no muukandoong ne a fadiidna. A koom, xan wiin mayu a njangin, too xan o and den a ɓaatoox.»

Heseki’el 12:23

Layi a den boog ee: Keeke o Yaal oxe na refkaa boo faw a layu: Xam ñuf oleene feƭit, o don ne’katiran muk kam Isra’el. Layi a den kañ ee: Ñaal ke a matiida, kaa peeñil ke fop a mbadnooxkaa.

O leetar ole Pool a bindna GIMU WE NGENNA ROM 13:12

O yeng ole xe faafaa, too mbeet ne xey a leeliidaa. Fat i mbaas boog a pi a niɓaanu ke, too nqot ƥonax ke Roog a cooxna a in, ndax i ñoow na qoolaand ale.

Mbeeñil 22:16

«Mi Yeesu, mi lulu malaaka es, ndax ta yegin a nuun keene fop kam pokatax ke no gimu we. O ndaan Dawid refum fo o xoor o maak ole ne’eena o Mbuŋa.»

Mbeeñil 5:1

Cinj kaaga, ga’aam no ɓay o ñamaak ole no xe moofna took gamb no maad le a kayit alaa doreena, a bindel o saax oo saax, soo a wegtel xa ñaas ɓetaa ƭaq.

2 Tesalonik 2:3

Ba nu njaɓ o kiin a nax a nuun no kuu ta waagna o ref. Boo ñaal neene a helko fo garaa koy, xan a soƥ wiin mayu a siiknoor fa Roog, soo mbir ne no njofaƭar ne a feeñ, ten fee jagandaneena a saŋkax ale.

Esayi 13:6

Ƭomatooxyo, yaam ñaal ne no Yaal oxe a matiida. Oxe garaa, a ref yaq faa hatiidna no Cegu katil oxe.

Esayi 8:16

Humni o laxas seede leene, geekin, soo wegit a cangin aleene o ñaasir a ndeer daalbe es.

Mbeeñil 22:20

Oxe feedinna kene a laya yee: «Ii, mexe garaa no miñeer!» Amiini! Gari, o Yaal oxe Yeesu!

O leetar ole Pool a bindna GIMU WE NGENNA ROM 13:11

Mbi’yo neene boog, too kaa jolna keene sax, nu anda me jamaane fee a tolooxna. Waxtu fee nu mbarna o yokoox a fadiida. A muc ale a moƴa o matiid a in ndiiki ee ne i ngimit’uuna yaaga.

Mbeeñil 1:11

Kaa layoogu yee: «Ke o ga’aa, bindeen no safe, lultin pokatax ɓetuu ƭik kaa ndefna kam teeru keeke: Efees fa Ismir fa Pergaam fa Tiyatiir fa Sardes fa Filadelfi fa Lawodise.»

Mbeeñil 22:7

Maaga, Yeesu a laya yee: «Nan-gilooxi! Mexe garaa no miñeer! We na ngayaa fa lay fee no nduleer ne Roog bindeena no safe lene, a ƭaaya.»

Mbeeñil 22:9

Kaa koy, malaaka fee a layaxam ee: «Ba o fi’in! O tag refum nen a wo, refin itam nen fog of we ndefna duleer fo nen we na ngeekaa fa lay fee bindeena no safe lene. Roog soom helu o faɗooxel!»

Mbeeñil 22:18

Mi Saŋ, mexe maƭooxaa fop we na nanaa fa lay fee no nduleer ne Roog bindeena no safe lene yee: Oxuu ɓaatna teen tig, xan Roog a ɓaat na qaw um taamaala ke layteena kam safe leeke.