Mbeeñil 22:1 - NQAARIIT NE ROOG

¹ Naaga, malaaka fee a lalaxam o xuluɓ ole no foofi le na ñoownaa. Kaa mir-mirnoogna nen galam fo jem a sutoorooga no gamb no maad le, Roog fo o Mbaal onqe a njegna,

Mbeeñil 22:1 Referans Kwoze

Mbeeñil 7:17

yaam o Mbaal onqe refna ndeer gamb no maad le na refkaa o Kaynaak den. Xan a ɗox a den na cur foofi le na ñoownaa, soo Roog a forit xa kooniit den.»

YEGIL MBAAX NE YEESU ne Saŋ a bindtuuna 4:14

Kaa koy, oxe na yerkaa foofi le um cooxkan, hoɗomkataand boo muk. Foofi leene um cooxkan xan a fi kam um a mbeel alaa a cur ake a nqawraa, a cooxin itam o ñoow o fagkeer ole.»

Mbeeñil 21:6

Naaga, a doona teen ee: «Fop a fadnooxa! Mi refu Alfa fa Omega, mberaandoong ne fo muukandoong ne. Oxuu hoɗomeena, xam ci’in no fud o letu ta yer na cur foofi le na ñoownaa.

Sakari 14:8

A koom, xan poofi kaa na ñoownaa a sutoor Yeerusaleem, kene a nqot no maag o Xanju laa, kaana no laa Mediterane. Naaga a refitkaa ndiig fo ƈiid.

A kim a tedu ke 46:4

mbaat a yag-ee-yag ake a ndititaa, a palaƈaa, a yoɗooxaa boo xa coong axe a sendaa. A maaf

Mbeeñil 22:17

Yiif le Roog fo o Kulook oxe kaa layaa yee: «Gari!» Oxuu nanna kene fat a lay itam ee: «Gari!» Oxuu hoɗomeena fat a gar, a yer. Oxuu bugna foofi le na ñoownaa, fat a jangin! Ci’it oo!

Yeremi 17:13

O Yaal oxe, wo refu yaakaar Isra’el! Fop we na mbaasang xan a sed, we mbesoonga a cinj xan a sooƴ nen a kon akaa mbindeena a lanq, yaam kaa mbaasong, wo o Yaal oxe, a cur foofi fo ñoow ole.

Yeremi 2:13

Xeet es a tooña a caf a ƭak: a mbaasaxam, mi fee refna a cur foofi fo ñoow ole, ndax da maxan a qoox den pand, pand kaa mbeɗidna boo mbaagee o ngarin foofi.»

Esayi 41:18

Xam suqit xa quluɓ took a ƈoong ake naangna hundang, balin a cur ndeer a qooɗ ake. Xam fi peel a may na koƥ-a-ƥor ale, soo a cur foofi yee gañ no lanq beeru ke.

Mbeeñil 3:21

Oxe na maafkaa, xam ci’in ta moof fa mi took gamb no maad le mi, ne maaftuuma mi fa xoox es boo moof fa Faap fee no gamb no maad le ten.

A pi ake 2:33

Roog a yoɗaan fo a ñamaak um, ta daawit na Faap fee Yiif Tedu le regit’eena. Yeesu a fudniidaan, ne nu nga’tan fo ne nu nantan.

Mbeeñil 21:11

Teeru feene koy, o ndam onqe Roog a taxa ta meleƈaa. O mosel um kaa nandtoogu nen ɓil jafeñu hoƥu laa ne’eena yaspe, a mirmirnaa nen galam fo jem.

YEGIL MBAAX NE YEESU ne Saŋ a bindtuuna 15:26

Boo o Yaayaal oxe um luliidkaa me nuun, yaa retuuma maa na Faap faa a garna, xan a lalit oxe refuuma. O Yaayaal oxeene refu Yiif le saqna ndigil ne, too na Faap fee a hatu.

Mbeeñil 5:13

Maaga, ke sakeena fop, ta ref na asamaan fo took lanq ke fo ɗuga lanq ke fo no maag ole, pindel ke kam adna fee fop, nanaam a den da ngimaa yee: «Yaasam Oxe moofna no gamb no maad le, o ten fo o Mbaal onqe a ndaaw a simat fo o niwel fo o ndam fa katil, bo na moos boo moos!»

Esayi 48:18

Ey, o nan-gilooxangaa a paax ke hebloonga, yaaga jam of a ref nen o xuluɓ, o cofel of a ref nen a yag-ee-yag ake no maag ole,

Mbeeñil 5:6

Yaa kaaga a faafna, ga’atinaam o Mbaal onqaa geenooxna a ndeer ee ndeer gamb no maad le, pindel nahik ke fo maak we a ndeerin. O Mbaal onqe kaa nandtoogu nen kaa war’eena. Xa can ɓetaa ƭaq fo a kid ɓetaa ƭaq a saq’u, ndefna ndef a yiif ɓetaa ƭaq ake Roog, luliideena took lanq ke fop.

Esayi 66:12

Keeke o Yaal oxe a layu deŋ: «Xam ɓakandiid farna fa Yeerusaleem jam fee nen o xuluɓ fo o ndam onqe na saax ake nen a ƈufnand alaa balna. Xan nu numnel, mbaxooxel soo ƥopel.

Mbeeñil 1:1

Safe leeke refu ke Yeesu Kiristaa a feeñilna. Roog ci’un o ten, ndax ta lal dag we ten ke na xewkaa no miñeer. Keene koy, Kiristaa a andnooraan a Saŋ fee o tag um, ye ta luliidna malaaka um me ten.

Mbeeñil 21:9

Cinj kaaga, fa leng no malaaka ke saq’ina fo ndog ɓetuu ƭik ne yip’ina taamaala ɓetuu ƭik palakaand ke, a gara a layaam ee: «Gari boo um lalong o toog oxe refna o Kulook no Mbaal onqe.»

Mbeeñil 22:6

Cinj kaaga, malaaka fee a layaxam ee: «Fa lay feeke ndigil kak oo, too a dey o jaɓel. Maaga, o Yaal oxe Roog fee na ɓekaa duleer we Yiif um, a luliida malaaka um, ndax ta lal dag we Roog ke warna o xew no miñeer.»

YEGIL MBAAX NE YEESU ne Saŋ a bindtuuna 13:32

A soƥangaa koy ee no ten Roog a ɓoxotte o ndam, xan Roog a ɓoxotin o ndam na xoox um itam, too miñkatee sax.