Mbeeñil 21:8 - NQAARIIT NE ROOG

⁸ Kaa koy, kaa farna no wiin weeke: Saɗar we fo gore’aƭaru we fo we na mbi’aa cednooxu fo waawar we fo we na seeqaa fo fan we fo juujuur we fo maamaaɓ we fop, a las den na refkaa a mbeel fiɗel alaa no nqeen saasu kaa. Keene na refkaa fa nqon fa ƭikandeer fee.»

Mbeeñil 21:8 Referans Kwoze

Mbeeñil 2:11

Oxuu jegna nof, fat a nan-giloox ke Yiif le a layaa pokatax ke no gimu we: Oxe na maafkaa, ñimkee fa nqon fa ƭikandeer faa.› »

Mbeeñil 22:15

Kaa koy, we na mbi’aa cednooxu fo fan we fo we na seeqaa fo waawar we fo juujuur we fo fop we mbexna o maaɓaa na fa lay fo na pi, o leng na den rokkee na teeru fee muk.

Xa peƭit axe 19:9

O seede maamaaɓ oxe ñakkaand o xaw, oxe na layaa cegeer xan a saŋkoox.

1Saŋ 3:15

Oxuu na sibaa o pog um, o baawar oo, too nu anda yee o baawar o leng jegee o ñoow o fagkeer ole kam um.

Malaki 3:5

O Yaal oxe Hupna fop kaa tee: Mexey garaa, ndax um hate a nuun, too xam ñof o jamb we saɗareeraxama, a ñango’aa mbaat da seeqaa mbaat da ngaañtaa cegeer mbaat da naxaa jaajal we no ndabid den mbaat da toroxandaa ñaaw we fo xa baan axe mbaat da tooñaa xa kataakoon axe.

Mbeeñil 19:20

Naaga, Ɓaanoor a naage nuus a damnoorel, ten fo o tuleer o maamaaɓ oxe fi’’ina xa anddiloor mbaambir um. Xa anddiloor axeene a naxtoogu we ndaaw’ina o ñaas ole Ɓaanoor, soo a mbaɗooxaa nitaal um. Maaga, den ɗik fop a ndeɓe na mbeel fiɗel alaa no nqeen ke moƴna o saas.

Hebre 13:4

Fat fop a niw ndolnir ne, we ngiɓoorna no ndolnir ne a njeg ngor a ndeer den, yaam xan Roog a hate a cuut ake fo we na seeqaa.

1 Timote 4:2

Xan a ndeɓoox no jaajangin yememaar maamaaɓ we na mo’noorkaa a den. Jaajangin weene koy, a yiif den kaa nqon, nen kaa doxteena njelem saasu.

Mace 8:26

Yeesu a laya a den ee: «Xar taxu nu ndiid? Nuun soo neew o ngim!» Cinj kaaga, a inooxa, a ŋal nqeñ ne fo o maag ole, too fop a naag’ata yereŋ.

Mbeeñil 9:21

Wiin weene koy, mbes’ee a cinj barir fo pan fo ceeq fo kuuƭ.

YEGIL MBAAX NE YEESU ne Saŋ a bindtuuna 8:44

Saytaane o mat refu faap nuun, too nu mbugee o mbadin dara, a refangee ke faap nuun a diirooxaa. No mberaand naa boo ndiik o baawar oo, too geenooxkee no ndigil muk, yaam ndigil leng refee no ten. A naagangaa o maaɓaa koy, no ndap xeeñ um a suttan, yaam o maamaaɓ oo, too ten refu faap o maaɓ.

Mace 10:28

Ba nu mbit we mbaagna o mbar cer, too mbaagee o mbar o laaw. Oxe jarna o fitel refu Roog fee waagna o saŋik cer fo o laaw kam fiɗel laa ñufkeerna.

Xa peƭit axe 19:5

O seede maamaaɓ oxe ñakkaand o xaw, oxe na layaa cegeer daɗkee.

A cangatin ale 20:8

Fat aa-adax we a ndoon teen ee: ‹Ndax a jega a ndeer nuun oxaa ñakna njambaar soo a saɗar? A soƥangaa yee a jega, fat o yaal um a nomtoox no mbind um, yaam ndik ta foosnoor lakas we.›

1Saŋ 2:22

An refu o maamaaɓ koy? Ten refu o podandoor oxe na xañaa yee Yeesu refu Kiristaa fee, o Muumucil oxe regteena. O maamaaɓ oxeene refu o podandoor oxe Kiristaa na xañaa a Faap fee fo o Ƥeenqe.

Esayi 9:15

Ɗooɗox we na xeet fene kaa mo’and’un, soo a nduuxnoor a den a koƥ.

1Saŋ 5:10

Oxe gimna no Ƥeenqe Roog, a jega seede feene kam um. Oxe gimeerna na Roog, a fi’aan o maamaaɓ, yaam gimee seede fee Roog a seede’anna o Ƥeem.

Esayi 57:11

Ndi an saɗaroogo boog, an fit’o boo a tax o maaɓaxam, fañ o xalaatataam soo weecaam? Andum ne maar’uuma o don es yaaga boo fa ndiik taxu saɗariraamo.

Haahate we 7:3

Yegni xiixire we boog kene: ‹Oxuu saɗarna, a yooɓ o send, fat a goƭ o joong ole Galaad, a naag col a xaad.› » A ndeer no xiixire we goor cuni qarɓeen ƭik fo goor cuni ƭik a nomtooxa bo ta yoqat goor cuni xarɓaxay na den.

Mbeeñil 2:2

Kaa tee: Andaam a pi of fop fo calel ƭomu of fo o saƭkel ole jegoona. Andaam itam ee waagiro o fi’ir fo hañaan we, yaam ɗeetlooxaa we na layooxaa apootar, too ndefiran, boo ga ee maamaaɓ a ndefu.

Esayi 51:12

«Mi yoo, mi refu oxe na yaalaa a nuun. An refo boo saɗaraa o kiin oxe na xonkaa, o ƥiy Aadama fee muj um a refkaa nen fee no daaƭ le?

2 Tesalonik 2:9

Boo andoona yee mbir ne no njofaƭar ne Saytaane a luliidkaa a gara, xan a feeñit a pi katil fo xa anddiloor fo comlaand, too keene fop koy, xa maaƥ soom a ndefu, ndax ta nax we na mo’kaa.

Hebre 12:24

Kaam ee, nu matiida a Yeesu fee refna o ndok-a-ndeer onqe no ngiɓoor nqas ne, matiid fo’oy le ten ɓaxeena, too a regaa a nuun kaa moƴna le Abel.

Tiit 1:16

Kaa ne’ooxaa andu a Roog, too yaaga fop oo a pi den a ñufaa gon Roog. Wiin faaxaƭaru a ndefu, a nanaƭar, a pi a paax a xox a den sup.

Mbeeñil 9:17

No ga es, neeke mat ƴooktum pis ke fo ŋaaŋaay say den: Kaa saq’u toki celem kaa yaxgitna nen fiɗel, a nqiiyiiyit nen njan-ginaar, too a yaayit nen nqeen. A qoox ake no pis ke kaa nand’u nen a qoox njogoy, fiɗel fo fo suun fo nqeen a sutooraa no don den.

Mbeeñil 14:10

oxaaga kiin xan a yer na biiñ fee no fuux le Roog. Biiñ feene koy julaand tus, too Roog kaa yipan no feeƭ ole saqna fuux le ten. We na mbesooraa neene koy, xan a toroxandel kam fiɗel laa fo nqeen kaa mbaambir malaaka tedu ke fo mbaambir no Mbaal onqe.

Mbeeñil 21:27

Kaa koy, qoolaƭaru leng mbaat o kiin oxaa na fi’aa cednooxu mbaat oxaa na maaɓaa rokkee na teeru feene. We a kon den a mbindeena no safe le no ñoow ole o Mbaal onqe a jegna rek na ndokkaa teen.

Mace 25:25

Kaam diid’u boo ten taxu ye retoona, um dalfoox o ɗasnik ke doxin’axamoona kam lanq ke. Am, jangi ke jegoona!›

Mark 9:44

Maaga max ke na yaqaa cer ke nqonkee, too fiɗel le ñufkee muk.]