Mbeeñil 21:4 - NQAARIIT NE ROOG

⁴ Xan a forit xa kooniit a kid den, too fa nqon refkatee meen. Ñaawax mbaat ƭomatax mbaat o ƭomel refkatee meen, yaam tig eetaand ke xan a mbaaf.»

Mbeeñil 21:4 Referans Kwoze

Esayi 25:8

Xan a ñuf fa nqon boo kili. O Yaal oxe na refkaa boo faw xan a forit xa kooniit axe no mukit no fop, too xan a watin gaci fee dalna xeet um took lanq ke fop. Keene o Yaal oxe a regtu.

Mbeeñil 7:17

yaam o Mbaal onqe refna ndeer gamb no maad le na refkaa o Kaynaak den. Xan a ɗox a den na cur foofi le na ñoownaa, soo Roog a forit xa kooniit den.»

1 Korint 15:26

Oxe na falakkeel o duguñaa no fañ um, refu fa nqon,

Esayi 60:20

A qooland ale inooxkatee me wo, nen yaa njeeƈ ne a mudaa mbaat nen yaa a qoor ale a mudaa, yaam mi o Yaal oxe, xam xoolandang kili. Xan ñaawax of a fag.

Esayi 35:10

Neene, we o Yaal oxe a wokitna xan a nomtooxiid, a mbadtiid a kim baneex kam Siyoŋ. O ɗaay o fagkeer xan a meleƈin mukit den, baneex fo o ɗaay a nqetiid fa den, soo naqad fo xa iin a ngoƭ a den.

1Saŋ 2:17

Adna feene koy fo a yaaw um, kaa mbaafaa, ndaa oxe na fi’aa ke Faap fee a bugna, xan a maadaa boo kili.

Esayi 51:11

Neene, we o Yaal oxe a watna, xan a nomtooxiid. Xan a mbadtiid a kim baneex kam Siyoŋ. O ɗaay o fagkeer xan a meleƈin mukit den, baneex fo o ɗaay a ndokiid, soo naqad fo xa iin a ndiƈatoox.

Yeremi 31:13

Maaga, roog we xan a mbecoox fo o ɗaay, mbes ke fo a koorgi ke a mbelakinooxandoor. «Xam supit naqad den o ɗaay, yaal a den, felakin a den a cinj ɗom den.

Mace 24:35

Xan asamaan fo lanq a mbaaf, ndaa fa lay es faafkee boo muk.»

Esayi 30:19

Wo xeet fee Siyoŋ, wo fee na ñoowaa Yeerusaleem, loolkatiro boo muk. A mbanuu ƴufginooxoona o Yaal oxe, xan a yirmong, ten fa naneerong yaqanu ta jaaɓong.

Mbeeñil 21:1

Cinj kaaga, ga’aam asamaan fa nqas fo lanq qas. Asamaan fa eetaand fee fo lanq eetaand ke kaa mooc’u, too o maag jeg’atee.

Mbeeñil 20:14

Fa nqon fa jaaniif a njoore kam a mbeel fiɗel ale. A mbeel fiɗel aleene koy refu fa nqon fa ƭikandeer fee.

Esayi 61:3

Kaa ñaawooxaa a Siyoŋ, ndaa o jaf es refu um supit naqad den o ɗaay o jegee hap, ndaw ke na qoox den, um suptin tañalax mosu, ñaawax den, um suptin diwliin o mbelakinax, soo yiif naqadilooxu le den, um suptin ndoki simatir. Maaga, xan a nqoyeel pudaay ke no cofel ole fo a ƭing ale no Yaal oxe na feeñlaa o ndam um.

Mbeeñil 22:3

A kalak Roog njegkatee. Gamb no maad le Roog fo o Mbaal onqe a njegna kam teeru fee a refkaa, too dag we Roog xan a mbaɗoox a Roog.

2 Piyeer 3:10

Bes fee no Yaal oxe xan a gar nen o kuuɗ oxaa na ɓeedaa. Na bes feene, xan asamaan fee a ñuf, a yoon fo fangax maak. Ke Roog a fokatna fop, xan a sooynel na fiɗel fa saasu, too lanq ke fo ke refna teen fop, xan a yaqel.

1 Korint 7:31

we na njiriiñooraa tig adna, nen waa njiriiñooreeruuna, yaam kaa ke na adna feeke a ref a liim.

Hoose 13:14

Ndax xam suqit a den na katil fee jaaniif, wat a den na fa nqon fee? Cey fa nqon, taa taamaala of? Wo jaaniif, taa yaq fee wo? Kaam koon yirmande fee.

A kim a tedu ke 144:4

O kiin nqeñ soom a refu, a pe um a nand fo yook ne na faafaa.

2 Korint 6:17

Ten taxu o Yaal oxe a lay ee: «Nu mbara njangoox a den, soo nqaajoor fa den. Ba nu nduq dara kaa xoolaƭarna, too yaaga xam dalin a nuun.

Yeremi 31:12

Xan a mbadtiid xa soroxole took o joong ole Siyoŋ. Xan a ƥaxooxiid farna fo paax ke o Yaal oxe a jagandanna a den: bele fee, biiñ fa nqas fee, diwliin fee, a ked ake fo xa siir axe. Den fa qoox den xan a nand nen a ƭing alaa sooreena, ŋeesooxkatee.

2 Korint 5:17

O kiin a fogangaa na Kiristaa, mbindel nqas a refatu. Ke hiidna a wata, soo fop a refat qas.

Hebre 12:27

Xa ƭelem axeene ndefna «jaf leng ahin», kaa laltaa yee ke sakeena fop xan a jiƭtoox, a sooƴ, ndax ke waagaandeena o yo’in a sax boo faw.

Mbeeñil 20:13

O maag ole a ɓoxota xon we ndeeƭna no ten, fa nqon fa jaaniif a ƥoxot xon we ndeeƭna na den. Den fop a ngate’e, oxuu refna na pi um.