Mbeeñil 21:3 - NQAARIIT NE ROOG

³ Nanaam o ñuxur o maak ta inoor no gamb no maad le, a lay ee: «Ndiiki koy, ngenand ne Roog oxey a ndeer no wiin we! Xan Roog a gen a ndeer den, soo wiin we a ndef xeet um. Roog fa xoox um xan a ref fa den, a ref Roog den.

Mbeeñil 21:3 Referans Kwoze

Heseki’el 37:27

Xam gen fa den, ref Roog den soo da ndef xeet es.

2 Korint 6:16

Ndi nam ngenand ne Roog a waagu o yoonit fo pangool ke? Yaam in o mat ndefu ngenand Roog fa ñoow jok fee, ne Roog fa xoox um a laytuuna: «Xam gen fa den, i ñaaƴandoor. Mi na refkaa Roog den, da ndef xeet es.»

YEGIL MBAAX NE YEESU ne Saŋ a bindtuuna 14:23

Yeesu a doonaan ee: «Fexaxama, xan a gay fa lay es, too xan Faap es a fexin itam. Yaaga xan i ngar, ngen no ten.

Sakari 8:8

Xam nomtiid a den, too xan a ngen kam Yeerusaleem. Xan a ndef xeet es, soo um ref Roog den, no ngor fo no cofel. Mi o Yaal oxe Hupna fop layun.»

Hebre 8:10

A doona teen ee: Keeke refu ngiɓoor ne um dalnatinkaa fa xeet fee Isra’el cinj ñaal keene: Xam ɓek kebil es kam a yiif den, bind a den kam a qeeñ den. Xam ref Roog den, da ndefat xeet es.

Yeremi 31:33

Kaa koy, keeke refu ngiɓoor ne um dalnatinkaa fa xeet fee Isra’el cinj ñaal keene: Xam ɓek kebil es kam a yiif den, bind a den kam a qeeñ den. Maaga, xam ref Roog den, da ndefat xeet es. Mi o Yaal oxe layun.

Hebre 11:16

Kaa koy, no ndigil, kaa yaakaaroogu mbaafaap naa moƴna o faax, ta ref ne refna na asamaan. Ten taxu, Roog naagee o jegaa gaci fa leng yaa ta xoyeena Roog fee den, yaam o ten fa xoox um o mat jagandanu a den teeru feene.

Sakari 13:9

Aleene seek koy, xam ɓekin na fiɗel, jawtin ne xaaliis a jawteel, xoolandin ne wurus a xoolandteel. A koom, xan a ƈufginoor gon es, um jaaɓ a den, lay a den ee: ‹Nuun ndefu xeet es!› Xan a ndoonaam ee: ‹Wo o Yaal oxe, wo refu Roog in.› »

Yeremi 32:38

Maaga, xan a ndef xeet es, soo um ref Roog den.

Mbeeñil 7:15

Ten taxu da ndef mbaambir gamb no maad le Roog, a ndagooxan ñaal fo o yeng kam mbind um. Oxe moofna took gamb no maad le xan a yookaa a den.

2 Korint 6:18

Xam ref faap nuun, soo nu ndef xa ƥees, goor fo rew.» Keene o mat o Yaal oxe jegna katil a layu.

Mbeeñil 21:7

Oxe na maafkaa, xan a lamit na mi ci’it neene. Xam ref Roog um, soo ta ref o ƥees.

YEGIL MBAAX NE YEESU ne Saŋ a bindtuuna 1:14

Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.

Esayi 12:6

Nuun we ngenna Siyoŋ, njibinyo xa ƈeel too mbelakinoox, yaam o Tedu xe Isra’el refna a ndeer nuun kaa magin.

Mbeeñil 12:10

Cinj kaaga, nanaam o ñuxur o maak olaa inoorna na asamaan, a layaa yee: «Ndiiki koy, a muc ale a fadiida, yaam Roog in a feeñla katil ne no Maat um. O Muumucil oxe ta regitna a feeñla sañ-sañ fee ta jegna, yaam o caajamb oxe geenoox’ina mbaambir Roog, a jambaa fog gimu we in ñaal fo yeng a foore tafil.

Heseki’el 43:7

O Yaal oxe a layaxam ee: «Wo fee o ƥiy no kiin, meeke refu o mbiñ onqe no uum-maamaad es, o mbiñ onqe um dakkaa o jaf es. Xam gen teen boo faw a ndeer Ii-isra’el we. Mbind Isra’el fo maad we ten ndoɗganditkatee muk gon tedu le mi njaga ne den fo xa tal axe no maad we den took a ñaang a sadaxand ake den.

1 Maad we 8:27

Kaa koy, ndax no ndigil xan Roog a gen took lanq ke? O xeƈangee na asamaan fee took-ee-took, nam o xeƈitkaa no Mbind neeke maxanoonga!

2 Caloori ke 6:18

Kaa koy, ndax no ndigil xan Roog a gen took lanq ke a ndeer no wiin we? O xeƈangee na asamaan fee took-ee-took, nam o xeƈitkaa no Mbind neeke maxanoonga?

Mbeeñil 10:8

Cinj kaaga, o ñuxur ole nan’uuma na asamaan a layahinaxam ee: «Reti xot o njafe nqe weteena no ɓay ole na malaaka fee geenooxna no maag ole fo na jeeri fee.»

Mbeeñil 10:4

Ye ƭuuɗ ɓetuu ƭik ke a mbangooxna, bug’aam o bind, ndaa nanaam na asamaan o ñuxur olaa layaxama yee: «Dami ke ƭuuɗ ɓetuu ƭik ke a layna rek, too fañ o bind.»

A sutax ale 25:8

Fat Ii-isra’el we a mbi’anaam o faɗoorand, ndax um waag o gen a ndeer den.

A sutax ale 29:45

Xam gen a ndeer Ii-isra’el we soo ref Roog den.

Heseki’el 48:35

Saŋe ne widna teeru fee xan a ref xa noonoong cuni xarɓaxay fo xa noonoong cuni ɓetuu tadik. No kaa xotitna a koom, teeru fee xan a xoyateel ee: ‹O Yaal oxe xey mene.› »

1 Tesalonik 3:11

Yaasam Roog Faap in fa xoox um fo o Yaal in Yeesu a ƭox a in boo me na nuun.

Hebre 8:2

Kaa fadnaa calel no saasadax o maak no mbiñ o tedu nqaa, ten refu no Ƭiif ndiindigil naa. Ƭiif neene koy, o Yaal oxe o mat geennun, refee o kiin.

Mbeeñil 22:3

A kalak Roog njegkatee. Gamb no maad le Roog fo o Mbaal onqe a njegna kam teeru fee a refkaa, too dag we Roog xan a mbaɗoox a Roog.

A lim ale 9:16

Neene a reftoogatu kili: A ñaal’angaa, eel le kaa muuroogu Ngenand ne, soo a yengangaa ta fi nen aal fiɗel.