Mbeeñil 21:25 - NQAARIIT NE ROOG

²⁵ Begax keene mbegooxkatee ñaal muk. Maaga, o yeng jegkatee sax.

Mbeeñil 21:25 Referans Kwoze

Esayi 60:11

Pegax ke wo xan a mbetel cay, mbegkataand ñaal o yeng a jalan, ndax kalal ke na saax ake a ndokniidel me wo, soo maad we den a adniriid.

Mbeeñil 22:5

O yeng jegkatee, too wiin we soxla’katee a qoolaand o jam mbaat ale no njeeƈ ne, yaam o Yaal oxe Roog xan a fudin took den a qoolaand um, da maadooxaa boo faw.

Sakari 14:7

Bes faaga o Yaal oxe soom andun, too kaa taarkaa o marin. Ñaalkatee, yengkatee, too a yaarangaa sax oo, xan fop ee dañ.

Esayi 60:20

A qooland ale inooxkatee me wo, nen yaa njeeƈ ne a mudaa mbaat nen yaa a qoor ale a mudaa, yaam mi o Yaal oxe, xam xoolandang kili. Xan ñaawax of a fag.

Mbeeñil 21:23

Teeru fee soxla’ee a qoolaand njeeƈ mbaat a qoor. O ndam onqe Roog na xoolandan, soo o Mbaal onqe a ref o jam um.

Mbeeñil 21:12

A jega saŋe ngoƭu took naa widna teeru fee, a jeg xa ton-maax xarɓaxay fo xa ton-maax xa ƭaq, malaaka xarɓaxay fo malaaka ƭik a yetooxaa a den. A kon ake na carind xarɓaxay fo a carind a ƭak ake Isra’el a mbind’e took xa ton-maax axe.

Mbeeñil 21:15

Malaaka fee layoogna fa mi a saqa o siind wurus olaa ta fi’na o liiƥir, ndax ta liiƥtin teeru fee fo xa ton-maax axe fo saŋe ne ten.