Mbeeñil 21:22 - NQAARIIT NE ROOG

²² Ga’iim Mbind Roog leng kam teeru fee, yaam o Yaal oxe Roog fa njegu katil fee refu Mbind Roog um, ten fo o Mbaal onqe.

Mbeeñil 21:22 Referans Kwoze

YEGIL MBAAX NE YEESU ne Saŋ a bindtuuna 4:23

Kaa koy, waxtu fee oxe garaa, too a fadiida sax. Ndiiki, faafaɗax tigi we xan a mbaɗooxaa a Faap fee no yiif fo ndigil, too faafaɗax nandu naaga soom Faap fee a laamtu.

2 Caloori ke 2:6

Ndiiki koy, lultiidaam o kiin o baane’u na qaw wurus fa xaaliis fa xanjar fo njelem ƥaal, a waag nqaaƭ yaxgu coy fo ndaalde’u fo nqiiyiiyu, a waag o sex itam ceq mosu ndax ta jalandoor fo wiin waane’u we mi ngenna Yeerusaleem mbaat o mbiñ o lakas kam Yudaa too faap es Dawid a jil a den.

1 Maad we 8:27

Kaa koy, ndax no ndigil xan Roog a gen took lanq ke? O xeƈangee na asamaan fee took-ee-took, nam o xeƈitkaa no Mbind neeke maxanoonga!

Mbeeñil 1:8

O Yaal oxe Roog kaa tee: «Mi refu Alfa fa Omega, o eetaand oxe fo o palakaand oxe, ref oxe na maadaa fo xe reeƭna fo xe na garaa, o Cegu katil oxe.»

Mbeeñil 16:7

Cinj kaaga, nanaam o ñuxur olaa inoorna no sadaxand ole a lay ee: «O Yaal oxe Roog fee jegna katil, kate ke wo ndigil kak oo, too a njofa.»

Mbeeñil 5:6

Yaa kaaga a faafna, ga’atinaam o Mbaal onqaa geenooxna a ndeer ee ndeer gamb no maad le, pindel nahik ke fo maak we a ndeerin. O Mbaal onqe kaa nandtoogu nen kaa war’eena. Xa can ɓetaa ƭaq fo a kid ɓetaa ƭaq a saq’u, ndefna ndef a yiif ɓetaa ƭaq ake Roog, luliideena took lanq ke fop.

Kolos 2:9

No ten o mat Roog fo o yaajel um a xawoortu, a refat o kiin.

YEGIL MBAAX NE YEESU ne Saŋ a bindtuuna 4:21

Yeesu a layaan ee: «Tew oxe, dooni nqol no ke um layang, yaam waxtu fee nu mbarateerna o mbaɗoortaa a Faap fee no joong oleene mbaat Yeerusaleem a fadiida.

Esayi 66:1

Keeke o Yaal oxe a layu: «Asamaan fee refu uum es, soo lanq ke a ndef o dakand es. Mbind nandu num nu maxankaxam? Ndi mam na refkaa o ñootnoorand es?

Mbeeñil 15:3

Kaa nqaanoogu a kim ale Moyiis fee o tag Roog, a nqaanaa itam a kim ale no Mbaal onqe Roog. Kaa nqaanoogu yee: «O Yaal oxe Roog fee jegna katil, a pi of kaa magin, too a mos! Wo daali maad no qeet ke! Mee ndax yuuƥ ke wo kaa njof, too ndigil kak a ndefu.

Mbeeñil 11:17

«Wo o Yaal oxe Roog o Cegu katil oxe, in we ngidmang, wo fee refna oxe na maadaa fo xe reeƭna, yaam ne pokooxoona katil maak ne wo soo maadooxaa.

Mbeeñil 4:8

Pindel nahik keene fop koy, oxuu refna na den a nafir ɓetaa fo leng a sax’u. Muu refna na nafir akeene kaa sax’u a kid, took fee fo yoora fee. Ñaal fo o yeng mbindel nuu refna kaa gimoogu yee: «O Yaal oxe Roog o Cegu katil oxe reeƭna fo xe na maadaa fo xe na garaa, kaa ted! Kaa ted! Kaa ted!»

Kolos 1:19

No ten Roog a genu fo o yaajel um fop.

YEGIL MBAAX NE YEESU ne Saŋ a bindtuuna 10:30

Mi fa Faap fee o leng i ndefu.»

2 Caloori ke 6:18

Kaa koy, ndax no ndigil xan Roog a gen took lanq ke a ndeer no wiin we? O xeƈangee na asamaan fee took-ee-took, nam o xeƈitkaa no Mbind neeke maxanoonga?

Mbeeñil 19:15

Laƥ mbeelu a sutoortooga no don um, ndax ta xawtin qeet ke. Xan a xurit a den o samb njelem, a mokand xa biiñ axe kam o nirir ole refna fuux ɗomu le Roog fa njegu katil fee.

Mbeeñil 16:14

Cini keene koy na mbi’aa xa anddiloor, kaa ndet farna fo maad we na adna fee fop, ndax da mbokat a den, da ñoxorkel no ñaal maak ne Roog fee jegna katil.

Mace 24:2

Maaga, Yeesu a laya a den ee: «Nu nga’a nga keene fop de? No ndigil, mexe layaa a nuun ee: Yoqkee muul leng took muul gend um laa yenkeerna.»

Mbeeñil 7:15

Ten taxu da ndef mbaambir gamb no maad le Roog, a ndagooxan ñaal fo o yeng kam mbind um. Oxe moofna took gamb no maad le xan a yookaa a den.

Mbeeñil 7:17

yaam o Mbaal onqe refna ndeer gamb no maad le na refkaa o Kaynaak den. Xan a ɗox a den na cur foofi le na ñoownaa, soo Roog a forit xa kooniit den.»

Mbeeñil 14:4

Den ndefu we njegeerna soɓe, yaam mosee o yoon fo o tew. Kaa ndeefoogu o Mbaal onqe muu ta jofoogna. Kaa mbat’el ndeer no wiin we, a ndefan a Roog fo o Mbaal onqe nen taawlax.

YEGIL MBAAX NE YEESU ne Saŋ a bindtuuna 13:32

A soƥangaa koy ee no ten Roog a ɓoxotte o ndam, xan Roog a ɓoxotin o ndam na xoox um itam, too miñkatee sax.