Mbeeñil 21:21 - NQAARIIT NE ROOG

²¹ Begax xarɓaxay fo begax ƭik ke koy, xa peme xarɓaxay fo xa peme xa ƭaq a ndeeƭu. Begax nuu refna o feme o leng a fi’te. A qal ale na teeru fee koy, wurus tigi faa na ɗeetooraa nen o weer a reeƭu.

Mbeeñil 21:21 Referans Kwoze

Mbeeñil 21:18

Saŋe ne koy, a ƥil a cafeñu a koƥu kaa ne’eena yaspe a maxit’e, soo teeru fee a ref wurus tigi, a ɗeetooraa nen o weer.

Mbeeñil 17:4

O tew oxe koy kaa rokoox’u ndoki daalde mosu, soo a yipoox wurus fo a ƥil a cafeñu a mosu fo xa peme. A deegoox’a itam o mbeeƭ wurus onqaa mayna fo cednooxu ƥor ke ta seeqtaa.

Mbeeñil 22:2

a ɓaxooxaa a ndeer ee ndeer a qal ale na teeru fee. No saax oluu refna no xuluɓ ole koy, a jeg’a ndaxar ne no ñoow ole. Kaa ndimaa a caf xarɓaxay fo a caf a ƭak o hiid oluu refna, ta ref jaf leng o nqool onquu refna. A naf ake den koy, kaa mbaadnitoogel jiru we no qeet ke.

Mbeeñil 18:16

a lay ee: «Sabab! Koo ndaw sabab na teeru fa maak fee! Kaa rokoox’u sooy fo daalde mosu, a yipoox wurus bo, a may fo a ƥil a cafeñu fo xa peme!

1 Maad we 6:20

O cigdel ole na ndok-kam ale a reeƭa xa noonoong qarɓeen ƭik, o yaajel ole a ref xa noonoong qarɓeen ƭik, soo geel le a ref xa noonoong qarɓeen ƭik itam. A laar’e wurus fa nqoolu. A jeg’a mbaambrand a ndok aleene o sadaxand olaa fi’it’eena a teex ndaxar seedar, a laarel wurus.

Mbeeñil 4:6

Mbaambir gamb no maad leene, a jeg’ahina kaa nandna nen o maag o wendu laa mir-mirnoogna nen galam fo jem. A ndeer ee ndeer gamb no maad le fo me widuuna koy, a jeg’a pindel nahik kaa mayna a kid mbaambir den fo a cinj den.

Mbeeñil 21:15

Malaaka fee layoogna fa mi a saqa o siind wurus olaa ta fi’na o liiƥir, ndax ta liiƥtin teeru fee fo xa ton-maax axe fo saŋe ne ten.