Mbeeñil 21:2 - NQAARIIT NE ROOG

² Ga’aam teeru fa tedu fee refna Yeerusaleem fa nqas fee Roog a fudnitiidna na asamaan. Kaa jagandoox nen o toog oxaa bugeena o ɓoxot o kor um.

Mbeeñil 21:2 Referans Kwoze

Hebre 11:10

Abraham kaa cungoogu teeru faa sinjeena no saƭku. Teeru feene koy, Roog fiisun, too o ten o mat jaloodun.

Mbeeñil 3:12

Oxe na maafkaa koy, xam geennin nen a toodook ta jaƭ Mbind ne na Roog fee mi, too sutooxkatee teen. Xam bind took a tagid um gon le na Roog fee mi, bind teen itam gon le na teeru fee Roog, refna Yeerusaleem fa nqas fee na fudoortiidkaa na asamaan, a inoor na Roog es. Xam bind teen itam gon xas le jeguuma.

Mbeeñil 21:10

Yiif le Roog a gifaxam, too malaaka fee a ɓisaxam took o joong o maak o jigdu. Maaga, a lalaxam teeru fa tedu fee refna Yeerusaleem fee Roog a fudnitiid’ina na asamaan.

Esayi 61:10

Kaam felakinooxaa no Yaal oxe, o laaw es a may fo o ɗaay na Roog es, yaam kaa rokaam ndoki ne na muc ale soo a muuraam sabadoor ne no cofel ole, um nandtaa o kor-no-kulook oxaa rokooxna tañalax xew um mbaat o kulook oxaa mosandooritna kumooxel um.

Hebre 13:14

Kaa i mbaaƭaa ngenand ne na garaa, yaam ngenand in na adna feeke miñkee.

Hebre 12:22

Nuun koy, nu matiida o Joong ole Siyoŋ, matiid teeru fee Roog fa ñoow jok fee, refna Yeerusaleem aa-asamaan, matiid malaaka cuni-cuni. Nu matiida faan ɗaayu

Mbeeñil 22:19

Oxuu watinna tig na fa lay fee no nduleer ne Roog bindeena no safe lene, xan Roog a watin a las um no ndaxar ne no ñoow ole fo na teeru fee layteena no safe lene.

2 Korint 11:2

Yaam kaam naal a nuun, too naal neene na Roog a inooru. Kaam ceemreemaa a nuun, nu mbog o kor o leng kut, ta ref Kiristaa. Kaam bug o ɓoxot a nuun o ten nen o toog o qoolu.

Esayi 54:5

Oxe sakoonga refu o kor of, oxe gon um a refna o Yaal oxe Hupna fop. O Tedu xe Isra’el refu o baawat of, ten fee na xoyeel Roog fee no lanq ke fop.

Esayi 52:1

Wo Siyoŋ, yokooxi, ñofi yokoox, jegatin doole. Wo Yeerusaleem, teeru fa tedu fee, rokooxi toki of ke moƴna o mos, yaam o qucooxeer mbaat o qoolaƭaru dakkatee me wo.

Esayi 62:4

Xoykataandee «o baase xe», too saax of ne’kataand «o qatu xe». Ndaa kañ xan o xoyeel «oxe um xonwanaa», soo lanq of a ne’el «o yaal a tolax a pelu», yaam no ndigil, xan o ref oxe o Yaal oxe a bugna, soo lanq of a ndoloox.

A kim a tedu ke 87:3

Wo teeru fee Roog, ke layeena na wo fop kaa niwnoox: A maaf

Mbeeñil 11:2

Fat o xaƴ o maax-tafil ole no Mbind Roog ne koy, ba o liiƥin, yaam kaa ci’el qeet ke ndefeerna Yaawuur, too xan a nduut teeru fa tedu fee boo a qool qarɓeen nahik fo a qool a ƭak.

Mbeeñil 1:9

Mi refu Saŋ fee o pog nuun no ngim onqe. Yaam ne i mbogna na Yeesu Kiristaa kaam fog fa nuun na coono fee fo no maat ne fo no ke i cungtaa o muñ. Reeƭaam no fimb laa ne’eena Patmos yaam ne waare’ooguuma fa lay fee Roog, soo seede’anaa a Yeesu.

Mbeeñil 1:4

Mi Saŋ na bindaa a nuun, nuun pokatax ɓetuu ƭik ke ndefna kam o jegel olaa Asi: Yaasam nu ndaawit yirmande fa jam na Roog, ten fee na maadaa, a ref oxe reeƭna too a ref oxe na garaa, fo na yiif ɓetaa ƭaq ake ndefna mbaambir gamb no maad le ten,

Mbeeñil 1:1

Safe leeke refu ke Yeesu Kiristaa a feeñilna. Roog ci’un o ten, ndax ta lal dag we ten ke na xewkaa no miñeer. Keene koy, Kiristaa a andnooraan a Saŋ fee o tag um, ye ta luliidna malaaka um me ten.

YEGIL MBAAX NE YEESU ne Saŋ a bindtuuna 3:29

O kor-no-kulook oxe jegu o kulook oxe, ndaa xaariit fee ten na diikooxan soo a geenoox, a naaga o jegaa o ɗaay o maak, yaa ta nanna o ñuxur um. Neene koy, o ɗaay ole mi a nandu, too ten taxu ta may boo a ɓaxoox.

Yeremi 31:23

Keeke o Yaal oxe Roog fee Isra’el Hupna fop a layu: «Keeke na laykahineel kam saax le Yudaa fo kam teeru ke ten, yaa um nomtiidkaa we ƥiseena gilaa saax took o hup doole na den: ‹Yaasam o Yaal oxe a barke’ong, wo o joong o tedu le Siyoŋ, ngenand o cofel ne.›

Esayi 1:21

Ey! Nga’yo rek, teeru fa ngore’u fee a suptoox a caga! Wargal rek and’e teen, o cofel a gen teen, ndaa ndiiki, ngol no saasaay a refatu.

Hebre 11:16

Kaa koy, no ndigil, kaa yaakaaroogu mbaafaap naa moƴna o faax, ta ref ne refna na asamaan. Ten taxu, Roog naagee o jegaa gaci fa leng yaa ta xoyeena Roog fee den, yaam o ten fa xoox um o mat jagandanu a den teeru feene.

Mbeeñil 21:9

Cinj kaaga, fa leng no malaaka ke saq’ina fo ndog ɓetuu ƭik ne yip’ina taamaala ɓetuu ƭik palakaand ke, a gara a layaam ee: «Gari boo um lalong o toog oxe refna o Kulook no Mbaal onqe.»

Mbeeñil 22:17

Yiif le Roog fo o Kulook oxe kaa layaa yee: «Gari!» Oxuu nanna kene fat a lay itam ee: «Gari!» Oxuu hoɗomeena fat a gar, a yer. Oxuu bugna foofi le na ñoownaa, fat a jangin! Ci’it oo!