Mbeeñil 21:15 - NQAARIIT NE ROOG

¹⁵ Malaaka fee layoogna fa mi a saqa o siind wurus olaa ta fi’na o liiƥir, ndax ta liiƥtin teeru fee fo xa ton-maax axe fo saŋe ne ten.

Mbeeñil 21:15 Referans Kwoze

Sakari 2:1

Yoɗaam a kid es too ga’aam kam mbeeñil xa can xa nahaq.

Heseki’el 40:3

A ɓisaxam maaga too ga’aam o kiin oxaa o mem um a nandtoogna o mem xanjar. Kaa pokoox’u no ɓay um o ƥaak o liiƥir fo o siind o liiƥir soo a geenoox paam o don-maax ole.

Sakari 2:2

Laamtaam a malaaka fee layoogna fa mi yee: «Xa can axene, xar a tektu?» A doonaxam ee: «Den ndefu xa can axe pasarna we ngenna Yudaa fa Isra’el fa Yeerusaleem.»

Mbeeñil 21:12

A jega saŋe ngoƭu took naa widna teeru fee, a jeg xa ton-maax xarɓaxay fo xa ton-maax xa ƭaq, malaaka xarɓaxay fo malaaka ƭik a yetooxaa a den. A kon ake na carind xarɓaxay fo a carind a ƭak ake Isra’el a mbind’e took xa ton-maax axe.

Mbeeñil 21:16

Teeru fee koy, kooñ nahik a jegu. O cigdel um fo o yaajel um mbodir’u. Malaaka fee a liiƥta teeru fee o siind ole ten. O cigdel ole a fi’’a kilomeet cuni ƭik fo kilomeet teemeed nahik. Ne ta jigdit’ina a lanq a jigdit’u took, soo a yaajit neene.

Mbeeñil 21:21

Begax xarɓaxay fo begax ƭik ke koy, xa peme xarɓaxay fo xa peme xa ƭaq a ndeeƭu. Begax nuu refna o feme o leng a fi’te. A qal ale na teeru fee koy, wurus tigi faa na ɗeetooraa nen o weer a reeƭu.

Mbeeñil 21:25

Begax keene mbegooxkatee ñaal muk. Maaga, o yeng jegkatee sax.