Mbeeñil 21:10 - NQAARIIT NE ROOG

¹⁰ Yiif le Roog a gifaxam, too malaaka fee a ɓisaxam took o joong o maak o jigdu. Maaga, a lalaxam teeru fa tedu fee refna Yeerusaleem fee Roog a fudnitiid’ina na asamaan.

Mbeeñil 21:10 Referans Kwoze

Mbeeñil 21:2

Ga’aam teeru fa tedu fee refna Yeerusaleem fa nqas fee Roog a fudnitiidna na asamaan. Kaa jagandoox nen o toog oxaa bugeena o ɓoxot o kor um.

Heseki’el 11:24

No mbeeñil, Yiif le a gifaxam soo a nomtiidaam Kalde paam no we ƥiseena took o hup doole. Cinj kaaga, mbeeñil ne lal’eema a naaga mes.

Mbeeñil 17:3

Yiif le Roog a gifaxam, soo malakaa fee a ɓisaam na koƥ-a-ƥor alaa. Ga’aam maaga o tew oxaa moofna took Ɓaanoor fa daalde’u fee, a may fo a kon a benir a Roog bo, a saq a qoox ɓetaa ƭaq fo xa can xarɓaxay.

Mbeeñil 1:10

Yiif le Roog a gif’axam na bes fee no Yaal oxe, too nantaam a cinj es o ñuxur o maak olaa na jibaa, a fangoortaa nen a luuƥ.

A pi ake 8:39

Ye da sutooxna foofi laa, Yiif Tedu le a gifa a Filip. Jawdiin faa ga’atiran, ndaa a xota a ƭat um, a ɗaay bo.

Heseki’el 11:1

Yiif le a gifaxam soo a ɓisaam no don-maax batand olaa no Mbind ne no Yaal oxe, no laa jasnoorna fo batand. A jeg’a no ndokand naa no don-maax ole goor qarɓeen ƭik fo goor ɓetuk. A ndeer den, ga’aam a Yaasaniya fee o ƥiy Asur fa Pelatiya fee o ƥiy Benaya, gelwaar we na xeet fee.

Heseki’el 8:3

A letna kaa saxitna nen o ɓay, a pok joƥ wiil no xoox es. Yiif le a gifaxam, a yoɗaam ndeer asamaan fo lanq, soo a ɓisaam Yeerusaleem no peeñil katu na Roog, farna fo ndokand ne no don-maax kam ole faambirna fo o ɓemb-roog o janoon, me nitaal roog fa naalu fee a sipeena, ten oxe na gartaa naal ne.

Mbeeñil 4:2

Ndak fo ndak, Yiif Tedu le a gifaxam, a ɓisaam. Maaga koy kam asamaan, a jeg’a gamb no maad. Took gamb leene koy, a jeg’a oxaa moof’ina teen.

Heseki’el 3:14

Maaga, Yiif le a gifaxam, a ɓisaam. Retaam, kam es a fag tak, um fuux boo buɓaa, ndaa o ɓay ole no Yaal oxe a pokaxam fa katil.

1 Maad we 18:12

Cinj yaa um retkaa xaƴong, xan Yiif le no Yaal oxe a gifong, a ɓisong maa andeeruuma. Um retkaa koy, yegnin a Ahab, too ga’kirang soo ta waraam. Yaag oo toox de, no kaa xotitna no ndeƥandoong es boo ndiik kaam saɗar o Yaal oxe.

2 Maad we 2:16

A layaan ee: «Ga’angi, a jega mene a ndeer no dag of goor qarɓeen ƥetik waa ndefna cambaar. Fat i lul a den, da mbaaƭik o yaal mbind of. Xeƈa Yiif le no Yaal oxe kaa gifin, a deɓkin no joong o leng mbaat na yulanq.» Eliise a doona a den ee: «Ba nu lul a den.»

Galati 4:26

Yeerusaleem faa took koy, refee o paɗ, too ten refu ya in,

Mbeeñil 3:12

Oxe na maafkaa koy, xam geennin nen a toodook ta jaƭ Mbind ne na Roog fee mi, too sutooxkatee teen. Xam bind took a tagid um gon le na Roog fee mi, bind teen itam gon le na teeru fee Roog, refna Yeerusaleem fa nqas fee na fudoortiidkaa na asamaan, a inoor na Roog es. Xam bind teen itam gon xas le jeguuma.

Mbeeñil 11:2

Fat o xaƴ o maax-tafil ole no Mbind Roog ne koy, ba o liiƥin, yaam kaa ci’el qeet ke ndefeerna Yaawuur, too xan a nduut teeru fa tedu fee boo a qool qarɓeen nahik fo a qool a ƭak.