Mbeeñil 20:8 - NQAARIIT NE ROOG

⁸ Maaga, xan a sutoox ndax ta nax qeet ke kam adna fee fop. Den ndefu Gog fa Magog. Xan a fokat a den, da mayit nen pep lanq na ƥeeraamb o maag, da ndet a ngomrikel.

Mbeeñil 20:8 Referans Kwoze

Mbeeñil 16:14

Cini keene koy na mbi’aa xa anddiloor, kaa ndet farna fo maad we na adna fee fop, ndax da mbokat a den, da ñoxorkel no ñaal maak ne Roog fee jegna katil.

Heseki’el 38:1

O Yaal oxe a daawnaxam fa lay um na xa ƭelem axene:

Mbeeñil 20:10

Maaga, o ƈiƴ oxe naxoogna qeet keene a joore kam a mbeel fiɗel alaa no nqeen saasu kaa, maa Ɓaanoor fo o tuleer o maamaaɓ oxe a njoor’eena. Xan a toroxandeel ñaal fo o yeng boo faw.

Mbeeñil 20:3

Malaaka fee a deɓaan kam a ngas fiɗel ale, a wegin fo o jaafu, a fi teen o ñaas, ndax naxkatee qeet ke boo yaa xa kiid juni xe a mbaafkaa. Cinj kaaga, xan a wetel boo a pe a mayeer.

Hebre 11:12

Neene o mat xa taan xa maytu nen xa qoor axe na asamaan fo nen pep lanq na ƥeeraamb o maag a ndimte na pexey o koor o leng kut, oxaa mat’atna fa nqon bo.

Yeremi 33:22

Ne xa qoor axe na asamaan a mbaagaandeena o limit mbaat ne lanq ke no maag ole a mbaagaandeena o eedit, neene um mayƭanditkaa xa taan Dawid fee o tag es fo Leelewi we na ndagooxaxam.»

Esayi 10:22

Maaga koy wo Isra’el, a soƥangaa sax ee wiin of kaa mayit’u nen pep lanq ke na ƥeeraamb ale no maag ole, o yoqatin o ndutuuñ soom na nomtooxiidkaa. Fa yaq fee a fosooxe, o cofel ole a dalnel.

1 Sami’el 13:5

Fiifilista we a mbokatoora ndax da ñoxor fo Ii-isra’el we. A njeg’a a sareet-xire cuni qarɓeen tadik fo ŋaaŋaay pis cuni ɓetuu fa leng fo xiixire ñaañaaƴ waa mayitna nen pep lanq na ƥeeraamb o maag. A ngara, a ndal Mikmas, no batand naa Bet-Awen.

Haahate we 7:12

Maamajan we, Aa-amalek we fo molaan lakas we no batand fop kaa naang’u gañ kam a yulanq alaa nen tooroog pagkatar, too keeleemb ke den mbaagaand o lim, yaam a mayit nen pep lanq na ƥeeraamb o maag.

1 Maad we 4:20

Wiin we Yudaa fo we Isra’el kaa mayit’u nen pep lanq na ƥeeraamb o maag. Kaa ñaamoogu, a yeraa, a mbelakinooxaa.

Heseki’el 7:2

«Wo fee o ƥiy no kiin, keeke o Yaal oxe na refkaa boo faw a layu lanq ke Isra’el: Muukandoong ne yoo! Muukandoong ne xey a garaa no cat nahik ke no saax le.

Heseki’el 38:2

«Wo fee o ƥiy no kiin, geleerooxi farna fa Gog, no saax le Magog, o kelwaar o maak oxe Mesek fa Tubal, soo jo’tanaam o ten!

Heseki’el 39:1

«Wo fee o ƥiy no kiin, jo’tanaam a Gog ee: Keeke o Yaal oxe na refkaa boo faw a layu: Xam ɓekong o ɓay, wo Gog fee o kelwaar o maak oxe Mesek fa Tubal.

Heseki’el 39:6

Xam hebliid fiɗel kam Magog fo ndeer no we ngenna na pimb ake mboorna, too xan da and ee mi refu o Yaal oxe.

Mbeeñil 7:1

Yaa kaaga a faafna, ga’aam malaaka nahik kaa ngeenooxna na xa saax xa nahaq axe no lanq ke, a pokoox qeñ nahik ke, ndax nqeñ leng wuuɗkatee took lanq ke mbaat no maag ole mbaat took ndaxar.

Mbeeñil 12:9

Maaga, Niŋki-naŋka maak ne a foor’e tafil. Ten refu Mbangool ne yaaga na xoyeel o ƈiƴ oxe mbaat Saytaane. Ten oxe na naxaa adna fa muum a jooriide a lanq, ten fo malaaka ke ten.

2 Caloori ke 18:21

A doonaan ee: ‹Xam ret, laynoor duleer we ten fop xa maaƥ.› O Yaal oxe a layaan ee: ‹Kaaga pexey mbaax oo ndax o naxin. Reti o fi naaga!› »