Mbeeñil 20:6 - NQAARIIT NE ROOG

⁶ We na njegkaa a las na qontax a eetaand ale a ƭaaya, too xan a mbarke’el. Fa nqon fa ƭikandeer fee waagkee na den tus, too xan a ndef waa na ƥoxotanaa a Roog fa Kiristaa sadax, a maadoox fa Kiristaa boo xa kiid juni.

Mbeeñil 20:6 Referans Kwoze

Mbeeñil 1:6

Kaa fi a in saasadax no maat um, ndax i ndagoox a Roog Faap um. Yaasam ta ɓoxotel o ndam fo ngelfa bo na moos boo moos! Amiini.

Mbeeñil 2:11

Oxuu jegna nof, fat a nan-giloox ke Yiif le a layaa pokatax ke no gimu we: Oxe na maafkaa, ñimkee fa nqon fa ƭikandeer faa.› »

Mbeeñil 20:14

Fa nqon fa jaaniif a njoore kam a mbeel fiɗel ale. A mbeel fiɗel aleene koy refu fa nqon fa ƭikandeer fee.

Mbeeñil 5:10

Fi’aa a den da ndef saasadax no maat of, ndax da ndagooxaa a Roog, a maadoox took lanq ke.»

1 Piyeer 2:9

Nuun o mat, kaa nu ndef xeet fa njile fee, saasadax no Maad oxe, ƥasil tedu ne, xeet fee Roog a watna. Roog kaa jil a nuun, ndax nu yegnitik calel mosu ke ten, ten fee xoyitna a nuun no niɓaan ole, a ɓek a nuun na qoolaand a maak ale ten.

2 Timote 2:12

i nqijangaa fo ten, xan i maadook fo ten. I layangaa yee i mosiran o and, too andin, xan a xañ ee andee a in itam.

O leetar ole Pool a bindna GIMU WE NGENNA ROM 8:17

Kaa i ndef xa ƥeem, ten taxu i njega a las no lam ne Roog a regna xeet um. Xan i lasrin fa Kiristaa, yaam i naangangaa o coono’aa fo ten, xan i mbog fo ten no ndam um itam.

Dañel 12:12

Oxe na saƭikkaa no cungaa boo ñaal juni fo ñaal teemeed tadik fo ñaal qarɓeen tadik fo ñaal ƥetik a ɗaaya.

Mbeeñil 22:7

Maaga, Yeesu a laya yee: «Nan-gilooxi! Mexe garaa no miñeer! We na ngayaa fa lay fee no nduleer ne Roog bindeena no safe lene, a ƭaaya.»

Mbeeñil 14:13

Cinj kaaga, nanaam o ñuxur olaa inoorna na asamaan, a layaam ee: ‹Bindi keeke: We na nqonaa no Yaal oxe no ke xotitna ndiiki a ƭaaya! Yiif le Roog a yegnita yee keene ndigil oo: Xan a mbaagat o ñootnoox no calel ƭomu ke da ngomoogna, yaam a pi den xan a ndeefan a den.› »

O leetar ole Pool a bindna GIMU WE NGENNA ROM 12:1

Fog we, ne Roog a letinna yirmande um took in, mexey xeɗaa a nuun, nu ƥoxotin cer nuun nen sadax faa na ñoowaa, a ted too a felin bo. Neene nu mbaru o mbaɗoortaa a Roog.

Mbeeñil 21:8

Kaa koy, kaa farna no wiin weeke: Saɗar we fo gore’aƭaru we fo we na mbi’aa cednooxu fo waawar we fo we na seeqaa fo fan we fo juujuur we fo maamaaɓ we fop, a las den na refkaa a mbeel fiɗel alaa no nqeen saasu kaa. Keene na refkaa fa nqon fa ƭikandeer fee.»

1 Piyeer 2:5

Nu mbi’angaan, xan nu njokel, nuun fa qoox nuun, nen a ƥil a ñoow a maxir, ndefik ngenand Yiif le Roog. Kaa nu ndef saasadax Roog, ndax nu mbaag o ƥoxotan sadax katu na yiif nuun, da mbelin na pexey Yeesu Kiristaa.

YEGIL MBAAX NE YEESU ne Lik a bindtuuna 14:15

O leng no waa ndeer’ina fa Yeesu a nana a ƭelem akaaga, too a layaan ee: «Oxe na ci’keel o ñaamaa no Maat ne Roog a ɗaaya!»

Esayi 61:6

Xan nu nqoyeel saasadax no Yaal oxe soo ne’el jaajal we Roog in. Xan nu ñoowtaa kalal ke na saax ake soo nqaaƴoor o ndam den.

Esayi 4:3

Maaga, yoqatin we Siyoŋ fo onqe mucna Yeerusaleem xan a nqoyeel tedu. Den ndefu fop we o Yaal oxe a bindna no safe um, ndax da ñoowaa Yeerusaleem.

Mbeeñil 3:21

Oxe na maafkaa, xam ci’in ta moof fa mi took gamb no maad le mi, ne maaftuuma mi fa xoox es boo moof fa Faap fee no gamb no maad le ten.

Mbeeñil 22:5

O yeng jegkatee, too wiin we soxla’katee a qoolaand o jam mbaat ale no njeeƈ ne, yaam o Yaal oxe Roog xan a fudin took den a qoolaand um, da maadooxaa boo faw.