Mbeeñil 20:2 - NQAARIIT NE ROOG

² A songa a Niŋki-naŋka, Mbangool ne yaaga refna o ƈiƴ oxe mbaat Saytaane, soo a humin boo xa kiid juni.

Mbeeñil 20:2 Referans Kwoze

2 Piyeer 2:4

Yaam Roog wuusee malaaka ke mbakaadna, ndaa a deɓa a den kam fiɗel laa. Maaga a ngeekkeel kam o niɓaan ole boo no ñaal naa na hate faa.

Mbeeñil 12:9

Maaga, Niŋki-naŋka maak ne a foor’e tafil. Ten refu Mbangool ne yaaga na xoyeel o ƈiƴ oxe mbaat Saytaane. Ten oxe na naxaa adna fa muum a jooriide a lanq, ten fo malaaka ke ten.

Yudaa 1:6

Mbetandooxyo malaaka ke ngeek’eerna sañ-sañ fee da cooxeena, soo a nqaƴ kenand ke da njegoodna. Roog a dura a den kam o niɓaan ole na refkaa bo na moos boo moos. Xan a ndef maaga boo na hate fee na bes fa maak faa.

YEGIL MBAAX NE YEESU ne Saŋ a bindtuuna 12:31

Ndiiki koy, adna feeke a hate’e, o maad adna feeke a deɓel tafil.

Esayi 27:1

A koom, xan o Yaal oxe a xot laƥ maak mbeelu njegu doole ne ten, a xaw a Lewiyatan, mbangool ne na ƴufaa too a xuyaa, a war a Niŋki-naŋka feene kam o maag ole.

Mberaand 3:15

Xam ɓek njofooraƭar ndeer of fo o tew oxe, ndeer we mbaqaqoorna na wo fo we mbaqaqoorna no ten. Xan oxe faqaqoorna no ten a gef xoox of bo tee rip, soo wo o gaañin no faaɗ.»

1 Piyeer 5:8

Njagandooxyo, kaam ee yetooxyo! O ƈiƴ oxe refna o pañ nuun, kaa widaa nen njogoy nqeexe, a waaƭaa oxaa ta saŋikna.

Hebre 2:14

Yaaga koy, ne xa teɓandoong axeene a ndefna cer fo fo’oy, Yeesu fa xoox um a refaan nen a den, a fog fa den o mem no kiin. A fi’aan, ndax na pexey fa nqon um ta saŋik o ƈiƴ oxe jegna doole fa nqon.

O leetar ole Pool a bindna GIMU WE NGENNA ROM 16:20

Roog fee na ci’taa jam, xan a duguñ a Saytaane ɗuga a caf nuun no miñeer. Yaasam yirmande fee no Yaal in Yeesu a ref fa nuun.

YEGIL MBAAX NE YEESU ne Saŋ a bindtuuna 16:11

a lal a den hate, yaam o maad adna feeke a hate’e boo a ƴut.

Mbeeñil 13:2

Ɓaanoor fee ga’uuma koy kaa nandtoogu o ƴaxal, a caf um a nandtaa a caf ursu, o don um a nandtaa o don njogoy. Niŋki-naŋka a doxnaan katil um fo maat um fa sañ-sañ fa maak fee ten.

Mbeeñil 12:17

Maaga, Niŋki-naŋka a fuuxana o tew oxe, too a reta a ñoxorik fo we yoq’ina na xa taan um, ndefna we na ngeekaa kebil ke Roog, too a ndam no ndigil ne Yeesu a feeñilna.

Mbeeñil 12:15

Maaga, Mbangool a xuqta foofi no don um, ta fi nen a paas a cinj o tew oxe, ndax a yaand ake a ƥisin.

Mbeeñil 12:13

Ye Niŋki-naŋka a ga’na yee a joore a lanq, a refa no ɓeedaa o tew oxe ñoot’ina o ƥiy o ngoor onqe.

Mark 5:7

too a wuuq a maak ee: «Wo fee refna o Ƥeenqe no xe Took-ee-took, xar i nqetu? Waay waay, ɗeeti a Roog, fañaam o xijil.»

Mace 8:29

A laya a maak ee: «Wo fee refna o Ƥeenqe Roog, xar bugo fi a in? Ndax kaa o xijliid a in boo waxtu fee a helko fo fadaa?»

Ke bindeena no xe ne’eena YOB 1:7

O Yaal oxe a laamta a Saytaane yee: «Ndi mam inooro?» A doona o Yaal oxe yee: «Kaam widoogu adna fee.»

Mbeeñil 13:4

Adna fee fop a mbaɗooxooga a Niŋki-naŋka, yaam ne ta doxin’ina a Ɓaanoor sañ-sañ um. Kaa mbaɗooxoogu a Ɓaanoor itam, too a layaa yee: «An nandu fa Ɓaanoor? Ndi an waagu o maafir fo ten?»

Mbeeñil 9:11

A njeg’a koy o maad oxaa fodanna a den no xoox le. Ten reeƭu malaaka fee na ngas fiɗel ale, ne’eena na hebre Abadon soo na gerek ta ne’el Apoliyon.

Mace 19:29

Oxuu xaƴna mbind um mbaat maag um mbaat xa teɓ um mbaat a faap um mbaat a ya um mbaat xa ƥeem mbaat xa qol um yaam gon es, xan a daawin a caf teemeed, too xan a lam o ñoow o fagkeer ole.

Mberaand 3:1

No muumeen ke o Yaal oxe Roog a sak’ina fop, da ndef na koƥ ale, fangool fee moƴ’u o ƴiƴ teen. A laamta o tew oxe yee: «Ndax no ndigil Roog kaa lay ee nu moɗkee xa tim axe no taxar ke na ƭing ale fop?»

Esayi 24:22

Xan a ndef faɗ waa mbokateena kam gamb, a ndamel, a ngumel, soo a cinj camaane miñu da layoorel.

Mark 4:15

Wiin leng-leng kaa nand fo a ƭat ale, me fa lay fee a samna. Ye da nanuuna, ndak fo ndak Saytaane a gara, soo a watin fa lay fee duufeena kam den.

Mbeeñil 12:3

O anddiloor o lakas a feeña na asamaan itam. Niŋki-naŋka maak yaxgu coy a reeƭu. Kaa jeg a qoox ɓetaa ƭaq fo xa can xarɓaxay, a rokoox o ndip took xoox luu refna.

Mbeeñil 12:4

A laca fo a las um na qaaj a tadkandeer ale na xa qoor axe na asamaan, a yurdiid a den a lanq. Niŋki-naŋka a geenooxa paam o tew oxe gaajooxoogna, ndax oxaa mucaa ta ƴax o nqeq onqe.

Mbeeñil 20:7

Boo xa kiid juni xe a mbaafna, xan Saytaane a sutel kaso.

Mbeeñil 20:10

Maaga, o ƈiƴ oxe naxoogna qeet keene a joore kam a mbeel fiɗel alaa no nqeen saasu kaa, maa Ɓaanoor fo o tuleer o maamaaɓ oxe a njoor’eena. Xan a toroxandeel ñaal fo o yeng boo faw.

Heseki’el 47:5

A liiƥahina xa noonoong juni too a reeƭata a ƈufnand alaa waag’eeruuma o joot, yaam foofi le kaa xooɗ’u boo kaa war’el o weƴ. A ƈufnand alaa waag’aandeena o joot a reeƭu.