Mbeeñil 20:11 - NQAARIIT NE ROOG

¹¹ Cinj kaaga, ga’aam gamb no maad maak ran fo xe moofna teen. Lanq ke fa asamaan fee a qicooxa boo a ngoƭ mukit um, nga’ataand boo xoo.

Mbeeñil 20:11 Referans Kwoze

Mbeeñil 21:1

Cinj kaaga, ga’aam asamaan fa nqas fo lanq qas. Asamaan fa eetaand fee fo lanq eetaand ke kaa mooc’u, too o maag jeg’atee.

2 Piyeer 3:7

Neene itam, fa lay fa leng kut fee a geektaa asamaan fee fo lanq ke ndiiki, boo na bes faa na hate faa. Maaga, a saŋkitkeel kam fiɗel le, den fo we mbañna a Roog fop.

Mace 25:31

«Yaa o Ƥeenqe no kiin oxe a garkaa kam o ndam um, a yoon fo malaaka ke fop, xan a moof no gamb no maad le ten jegna o ndam.

Dañel 2:35

Ndak fo ndak, njelem ne fo ɗok le fa xanjar fee fa xaaliis fee fa wurus fee a moxoñooxa, nqeñ ne a yetin a den nen ñaax laa na feeseel yaa fo ƈiid, boo tus teen ga’ataand. Ɓil le dal’uuna koy, a refata o joong o maak, a mayƭand lanq ke fop.

O leetar ole Pool a bindna GIMU WE NGENNA ROM 2:5

Kaa koy, ne bugeeroona o fes pakaad of a cinj yaam o saƭik xeeñ of, kaa o waajanaa a xoox of a qaw ale na moƴkaa o ɗom, yaa bes fee na hate fa njofu fee Roog fo fuux le ten a mbadiidkaa.

Mace 24:35

Xan asamaan fo lanq a mbaaf, ndaa fa lay es faafkee boo muk.»

Mbeeñil 16:20

A pimb ake fop a ƈufna, too xa coong axe nga’ataand boo xoo.

Mbeeñil 6:14

Asamaan fee a fokatooxa nen a kayit alaa doreena, xa coong axe fop fo a pimb ake fop a mbuuroox me da ndeeƭna.

Mbeeñil 20:2

A songa a Niŋki-naŋka, Mbangool ne yaaga refna o ƈiƴ oxe mbaat Saytaane, soo a humin boo xa kiid juni.

Mbeeñil 12:8

Kaa koy, Niŋki-naŋka a xawe, too ci’ataand ten fo malaaka ke ten sañ-sañ faa da ndefitna na asamaan.

A kim a tedu ke 97:2

Eel fo o niɓaan kaa mbidin, uum-maamaad um a diƈoox no cofel fo na ƭat.

A kim a tedu ke 89:14

A naax of doole fa ƥor a yipooxu, o ɓay of a jeg katil, a ñamaak of a garit fop took.

A kim a tedu ke 47:8

yaam Roog refu o maad oxe no lanq ke fop. Ngimaneenoo a cangtax!

Mbeeñil 4:2

Ndak fo ndak, Yiif Tedu le a gifaxam, a ɓisaam. Maaga koy kam asamaan, a jeg’a gamb no maad. Took gamb leene koy, a jeg’a oxaa moof’ina teen.

Ke bindeena no xe ne’eena YOB 9:6

Kaa yo’nitaa lanq ke na per ake den, a toodook ake njaƭna a den a sendaa.

Mbeeñil 19:11

Cinj kaaga, ga’aam asamaan fee a wetoox, too pis bari a feeña. Oxe ŋaay’uuna koy Gor fo Ndigil a ne’e. O cofel a hate’taa, a maafriteel o ten.

Mberaand 18:25

Fi’kiro kaaga koy! Doonkiro o cofu xe leng kut ke doonoona o soxodu xe, soo warnoor o cofu xe fo o soxodu xe jaf leng. Wo fee na hate’aa we no lanq ke, ndax fesoorkiro fo o cofel?»

A kim a tedu ke 102:26

Yaa sakoona lanq ke, a miña lool, too wo bindtu asamaan fee xa ƥay of.

Esayi 6:1

No hiid olaa o maad Usiya a xonna, ga’aam o Yaal oxe a moof took uum-maamaad goƭu took, soo xa noflax axe no sabadoor ne ten a may Mbind Roog ne.

Dañel 7:10

O xuluɓ fiɗel a balta mbaambir um. Wiin cuni-cuni ndagooxoogun, waa o leng a waageerna o lim a ngeenoox mbaambir um. Maaga, haahate we a moofa, too a safe ke a mbete.

Mace 11:22

Ten taxu mexe layaa a nuun ee na bes faa no nqel naa Roog, Tiir fa Sidoŋ na moƴkaa o yooɓiɗ a nuun hate.

Mbeeñil 21:5

Maaga, oxe moof’ina no gamb no maad le a laya yee: «Ndiiki koy, xam fi’atin fop ta ref qas.» Cinj kaaga, a layaxam ee: «Bindi kene, yaam fa lay es ndigil kak oo, too a jare o hooloox.»