Mbeeñil 2:3 - NQAARIIT NE ROOG

³ Andaam itam ee saƭkaa. Xijaa yaam gon es, too dakooxiro a cinj.

Mbeeñil 2:3 Referans Kwoze

Hebre 10:36

Kaa nu mbar o saƭik kañ, ndax nu mbadin o bug ole Roog soo mbaag o ndaaw ke ta regitna,

Hebre 12:1

Faan maak leene no weene ngimna kaa mbid a in o kurul-keƥ, a ndef seede no ngim den mbaambir in. Ten taxu, kaa i mbar o ndoxodoox ndoq meɗu ne na yaqanaa a in a ñaaƈ, mbaas itam bakaad fee yooɓna o dik a in. Fat i ngen no ƈufaa ne waritna no ndaƭatir ne i ndefitna.

Galati 6:9

Baa o fi paax a fas a in. I yapatilangee a pi a paax, i ñakkee o saxad muk, yaa hap fee a fadiidna.

Kolos 1:11

Kaa i nqeɗaa itam doole um fee jegna o ndam a fap a nuun o saax oo saax, ndax nu mbaag o saƭik too njeg o muñ,

YEGIL MBAAX NE YEESU ne Saŋ a bindtuuna 15:21

Gon es xan a tax da ndoon a nuun coono keene fop, yaam andee oxe luliidaxama.

1 Korint 13:7

Kaa waasantaa fop, a gim fop, a yaakaar fop, a muñ fop.

Mbeeñil 3:10

Yaam ne gayoona ke layuuma no kaa farna no saƭkel, ten taxu mi itam oo xam gaynaakong na jamaane fee Roog a toroxandkaa adna fee fop, ndax ta ɗeetloox we ngenna no lanq ke fop.

Hebre 6:15

Abraham a cungooga fo o muñ, too neene a daawa ke Roog a regit’ina.

Hebre 6:12

I mbugee nu tayil, ndaa fat nu laalaa we ngimna na Roog, too a muñ, yaam kaa ndaawaa ke Roog a regitna.

Hebre 6:10

Roog jofaƭaree. Weeckee calel ke nuun muk fo o mbeq onqe nu lalitna no gon um ye nu ndimle’aa fog gimu we nuun, too maad o mbi’an boo ndiik.

1 Timote 4:10

Andaa koy ee kaa i njalaa, ngomreel, yaam ne i ndoonna yaakaar in na Roog fa ñoow jok fee. O ten o mat refu o Muumucil no wiin we fop, a moƴin o ref koy sax no we ngimna.

2 Tesalonik 3:13

Nuun o mat fog we, ba nu lay muk ee: «I nqija no paax ke i mbi’aa.»

2 Korint 4:16

Ten taxu i mo’nee njambaar in, too sax ke refna ngiin tafil in a yaqooxangaa, xan ngiin kam ne a saxatinaa ñaal oo ñaal.

2 Korint 4:1

I ndeɓkee muk njambaar in, yaam ne Roog a lasna a in calel keene na pexey o paaxel um.

O leetar ole Pool a bindna GIMU WE NGENNA ROM 12:12

Fat o ɗaay a ref fa nuun yaam yaakaar ne nu njegna. Njegyo o muñ kam coono ke, too ngen no nqeɗaa.

O leetar ole Pool a bindna GIMU WE NGENNA ROM 8:25

Mee ndax boo i yaakaaraa ke i nga’eerna, kaa i cungtan o muñ.

YEGIL MBAAX NE YEESU ne Lik a bindtuuna 14:27

Oxuu gadooxeerna a kurwaa um, a reefanaam, waagkee o ref o taalbe es.

A kim a tedu ke 37:7

Naagi cel mbaambir no Yaal oxe, cungin fo o muñ. Baa oxe mayna muud a fuuxnoorong, ten oxe na fadnaa yuuƥ paaxeer um.

Mbeeñil 1:9

Mi refu Saŋ fee o pog nuun no ngim onqe. Yaam ne i mbogna na Yeesu Kiristaa kaam fog fa nuun na coono fee fo no maat ne fo no ke i cungtaa o muñ. Reeƭaam no fimb laa ne’eena Patmos yaam ne waare’ooguuma fa lay fee Roog, soo seede’anaa a Yeesu.

2 Piyeer 1:6

Ƥaatyo itam no and ole nuun o ɓuuɓ, no ɓuuɓ ole nuun o muñ, no muñ ole nuun o damoox na Roog,

1 Tesalonik 1:3

I ñakee o mbetandooxaa a nuun na qeƭ in mbaambir Roog Faap in yaam o ngim nuun o laltinooxu nqe fo o mbeq onqe nuun na jaflaxnooraa a nuun fo yaakaar mbooru ne nu njegna no Yaal in Yeesu Kiristaa.

2 Korint 11:23

Ndax kaa ndef jaajal Kiristaa? Um lay a nuun ƭof boog, yaam mi moƴun o ref a den. Kaam moƴ o jal a den, moƴ o ɓekel a den kaso, moƴ o xawel, boo kaam gen’u sax no ñaaƴaa took a semb es.

2 Korint 5:9

Ten taxu ke i moƴna o mbug refu i mbel o Yaal oxe, ta ref yaa i ñoowaa no cer keene mbaat i sutoox teen.

O leetar ole Pool a bindna GIMU WE NGENNA ROM 2:7

We ngenna no mbi’aa paax, soo a mbaaƭaa o ndam fo o niwel fo o ñoow o jegee hap, xan Roog a ci a den o ñoow o fagkeer ole.

YEGIL MBAAX NE YEESU ne Lik a bindtuuna 18:1

Yeesu a naxooxa a den, ndax ta lal a den ee a mbara o ngen no nqeɗaa, too a mbañ o mbaas.

YEGIL MBAAX NE YEESU ne Lik a bindtuuna 8:15

Ax ke nduufeena kam lanq paax ke tektu we na nanaa fa lay fee Roog, a njaɓin fo xeeñ letu fo o woor, a ndamin, soo a ndimaa.»

Hebre 13:13

Fat i njagin farna fo ten boog, ndet kaltaa saŋe ne, ndax i ndoxondoox toroxand leng kut ke ndaaw’uuna.

1 Timote 5:17

Maak we no mbokatax ne no gimu we ndefna aa-adax faax mbaru o ngup ndabid, moƴtaa sax we na mbaare’aa, a njangnaa,

2 Tesalonik 3:8

I sadaxnooxee o leng ke i ñoowtoogna, ndaa in we ndaawtoogaan no coono fo no xij, ta ref ñaal mbaat o yeng kaa i njaloogu, ndax i ƥarooxkee o leng na nuun a ñaam.

2 Tesalonik 3:5

Yaasam o Yaal oxe a ɗox a qeeñ nuun, nu mbex a Roog, too njeg o muñ ole na inooraa na Kiristaa.

1 Tesalonik 2:9

Fog es, ƥekyo na yiif nuun ne i njalitna kam coono ñaal fo o yeng, ndax i ndoxondkee o leng na nuun a toq in, ye nu mbaare’eel Yegil mbaax ne Roog.

Filip 4:3

Wo itam, wo fee o yoon es o kore’u xe, koo dimle’i rew weene, yaam kaa ngomrel bo, nen a mi yaam Yegil mbaax ne, fa Kelemaa fo lakas we um yoontaa no calel ke, too a kon den a mbindel no safe le no ñoow ole.

Filip 2:16

nu ƥisaa a den fa lay fee na ci’taa o ñoow. Yaaga, na bes faa Kiristaa a nomtooxiidkaa, xam waag o fakoox yaam nuun, and ee ke ƴufanooguuma fe’ee a koƥ, den fo calel es.

Galati 6:2

Ba nu ñak o ndoxondooxanraa toq ke nuun. Nu mbi’angaan, xan nu ndeef ke Kiristaa a hebilna.

2 Korint 10:15

I mbakooritkee jale no wiin lakas boo muk, too i njolkee a tet in, ndaa i yaakaara yee xan o ngim nuun a moƴ o ɓaatoox. Yaaga, xan i moƴ o mbadin calel cegu njiriiñ a ndeer nuun boo na tet in.

2 Korint 6:5

Kaa i nqawel, mbegel kaso, wiin mayu a sii’nel a in, i nqijlandel, ƭaanarel, nqeexel.

O leetar ole Pool a bindna GIMU WE NGENNA ROM 16:12

Fat nu simin a Tirifen fa Tirifos ndefna rew waa na njalanaa o Yaal oxe. Weeciim itam a Persiid fee fexuuma, o tew oxeene jalanna o Yaal oxe mayu.

YEGIL MBAAX NE YEESU ne Lik a bindtuuna 21:19

Na pexey o saƭkel nuun nu muclitkaa xa laaw nuun.»

Mark 15:21

A sera o koor oxaa joon’ina maaga, a inoor na koƥ alaa, ndax ta gadoox a kurwaa le Yeesu. O koor oxeene Simoŋ a ne’e, a gen Kireen, a ref faap Aleksaandar fa Rifis.

Mise 7:9

Feek kaa i mbakaad no Yaal oxe, xan i ngadoox fuux le ten, boo yaa ta layoorankaa a in soo a ɓoxot a in ɓur. Xan a ɓek a in na qoolaand ale, too xan i nga ee xan a mucil a in.

A kim a tedu ke 69:7

Yaasam ba um sednoor we yaakaaroonga, wo o Yaal oxe na refkaa boo faw, woxe Hupna fop. Koo ba um tax we na mbaaƭang a njeg naa ɗomna a den, wo Roog fee Isra’el,

1 Tesalonik 5:12

Fog we, in we nqeɗaa a nuun, nu niw we na njalaa fa nuun, a ƭoxaa, too a saƭakinaa a nuun no Yaal oxe.

1 Korint 16:16

Ngela nananyo wiin nandu neene fo fop we andoona yee kaa ndaaran calel leng kut ke.

YEGIL MBAAX NE YEESU ne Lik a bindtuuna 5:5

Simoŋ a layin ee: «O Caajangin oxe, no mbaal i mbe’u, too i ndamee tus. Kaa koy, feek layaano, xam deɓ mbaal ne.»