Mbeeñil 2:26 - NQAARIIT NE ROOG

²⁶ Neene, oxe na maafkaa koy, a gen no fi’aa ke buguuma boo no muukandoong naa, xam lasin qeet ke da ndef na sañ-sañ um,

Mbeeñil 2:26 Referans Kwoze

Mbeeñil 3:21

Oxe na maafkaa, xam ci’in ta moof fa mi took gamb no maad le mi, ne maaftuuma mi fa xoox es boo moof fa Faap fee no gamb no maad le ten.

Dañel 7:27

Maat ne fo ngelfa ne fo o magnel ole no maat ke fop ndefna took lanq ke xan a ƥoxotel xeet fee no tedu we no xe Took-ee-took. Maat um jegkee muukandoong, too yaal toole ke na adna fee fop xan a ndagooxin too a nananin.›

Mbeeñil 20:4

Yaa keene a faafna, ga’aam a kamb, soo we moofna teen a ci’el sañ-sañ faa da ngate’itna. Ga’ahinaam itam xa laaw axe no we mbarnoor’eena, yaam ne da seede’anoogna a Yeesu, a nqaynaa fa lay fee Roog. Den fa qoox den koy mos’ee o mbaɗoox a Ɓaanoor fo nitaal um, too ndaaw’ee itam o ñaas ole Ɓaanoor na tagid den fo no ɓay den. Weene a nqontooxa, a maadoox fa Kiristaa boo xa kiid juni.

Mbeeñil 2:7

Oxuu jegna nof, fat a nan-giloox ke Yiif le a layaa pokatax ke no gimu we: Oxe na maafkaa, xam ci’in ta ñaam no ndaxar ne no ñoow ole refna kam a ƭing ale Roog.› »

A kim a tedu ke 2:8

Xeɗaam, too xam lasong qeet ke fop da ndef lamel of, o deegoox fop boo no cat adna.

Mbeeñil 22:5

O yeng jegkatee, too wiin we soxla’katee a qoolaand o jam mbaat ale no njeeƈ ne, yaam o Yaal oxe Roog xan a fudin took den a qoolaand um, da maadooxaa boo faw.

1Saŋ 5:5

An refu oxe maafna adna fee, a refangee oxe gimna yee Yeesu refu o Ƥeenqe Roog?

YEGIL MBAAX NE YEESU ne Saŋ a bindtuuna 6:29

Maaga, Yeesu a doona a den ee: «A pi ale Roog a bugna refu yee nu ngim no xe ta luliidna.»

Mace 24:13

Kaa koy, oxe na saƭikkaa boo no muukandoong naa, xan a muc.

Dañel 7:22

boo neen a Koorgi le a garu, a ɓoxot ɓur tedu we no xe Took-ee-took, too waxtu a gara faa tedu we a njangna maat ne.

Mbeeñil 2:11

Oxuu jegna nof, fat a nan-giloox ke Yiif le a layaa pokatax ke no gimu we: Oxe na maafkaa, ñimkee fa nqon fa ƭikandeer faa.› »

Mbeeñil 3:12

Oxe na maafkaa koy, xam geennin nen a toodook ta jaƭ Mbind ne na Roog fee mi, too sutooxkatee teen. Xam bind took a tagid um gon le na Roog fee mi, bind teen itam gon le na teeru fee Roog, refna Yeerusaleem fa nqas fee na fudoortiidkaa na asamaan, a inoor na Roog es. Xam bind teen itam gon xas le jeguuma.

Mbeeñil 2:17

Oxuu jegna nof, fat a nan-giloox ke Yiif le a layaa pokatax ke no gimu we: ‹Oxe na maafkaa, xam ci’in maan fa ƭasu. Xam ci’in itam ɓil ran fur. Took ɓil leene koy, gon xas a binde teen. Gon le o mat, o leng andiran a refangee oxe na daawkan.› »

1Saŋ 3:23

Keeke refu kebil ne ten: Fat i ngim no gon no Ƥeem Yeesu Kiristaa, too mbexir a ndeer in ne ta heblituuna.

Saak 2:20

Wo soo ref kulfeñ! Andiro sax ee o ngim onqe yooneerna fo a pi kaa xon?

O leetar ole Pool a bindna GIMU WE NGENNA ROM 8:37

No keene fop koy, in mbaagu meen na pexey doole Kiristaa fee fexna a in.

O leetar ole Pool a bindna GIMU WE NGENNA ROM 2:7

We ngenna no mbi’aa paax, soo a mbaaƭaa o ndam fo o niwel fo o ñoow o jegee hap, xan Roog a ci a den o ñoow o fagkeer ole.

Dañel 7:18

Kaa koy, xan tedu we no xe Took-ee-took a ndaaw maat ne too xan a njegin boo faw, bo na moos boo moos.›

Mbeeñil 21:7

Oxe na maafkaa, xan a lamit na mi ci’it neene. Xam ref Roog um, soo ta ref o ƥees.

Hebre 3:6

Kiristaa koy, kaa gore’’u nen o Ƥiy onqaa dooneena kelfa no mbind ne Roog. In o mat ndefu mbind um, yaa i njegna a koolax a saƭku, too njeg o ɗaay no ke i yaakaaraa.

Mace 19:28

Yeesu a laya a den ee: «No ndigil, mexe layaa a nuun ee: Boo adna fee a sakatineena, soo o Ƥeenqe no kiin oxe a moof kam o ndam onqe no maat ne ten, nuun we ndeefanaxama, xan nu njeg a kamb xarɓaxay fo a kamb a ƭak, too xan nu ngate a carind xarɓaxay fo a carind a ƭak ake Isra’el.

A kim a tedu ke 49:14

Keeke refu muj den, peefeet no ɗof we fo we mbelnooxna na fa lay den. A maaf

Mbeeñil 3:5

Oxe na maafkaa, xan a rokoorit neene itam tikoorik tan, too foritkiim gon um no safe le no ñoow ole. Mbaambir Faap es fo mbaambir malaaka ke ten, xam lay ee andaanum nen oxaa fogna na mi.

1Saŋ 2:19

Kam in a sutooru, ndaa mbog’ee na in, yaam a mbog’angaa na in tigi, a yoqkooga fa in. Keene a xewa, ndax ta woor a in ee fop mbogee na in.

1 Tesalonik 3:5

Ten taxu, ye waag’ateeranuuma o muñ, luliidaam a Timote me nuun, ndax ta feednaam o ngim nuun, yaam kaam saɗaroogu yee xan o poofoog oxe a nax a nuun boo calel ƭomu in a ndef kasaara.

A kim a tedu ke 2:9

O samb o jelem o duguñitkaa a den, fereƴ a den nen nqaw maxte ƭok.»

Mace 10:22

Xan fop a sib a nuun yaam gon es, ndaa oxuu saƭikna boo no muukandoong naa xan a muc.