Mbeeñil 2:23 - NQAARIIT NE ROOG

²³ Kaa jolna keene, xam xawit xa ƥeem fa nqon. Neene, xan pokatax ke no gimu we fop a and ee mi refu oxe na horooxaa a pug fo a qalaat a ƭasu ke no wiin we, too xam ɓoxot o kiin oo kiin ke ta jalna.

Mbeeñil 2:23 Referans Kwoze

Mace 16:27

O Ƥeenqe no kiin oxe xan a gar kam o ndam Faap um, a yoon fo malaaka um, soo a ɓoxot o kiin oo kiin a pi um.

A kim a tedu ke 7:9

O Yaal oxe, wo xe na hate’aa qeet ke, ɓoxotaam ɓur, yaam kaam jof soo ñak ƥanjel.

O leetar ole Pool a bindna GIMU WE NGENNA ROM 8:27

Roog fee na ga’aa kam xeeñ, a anda ke Yiif Tedu le a bugna o xeɗ. Yiif le koy, kaa xeɗanaa we mbogna na Roog, ne Roog a bugtuuna.

A pi ake 1:24

Cinj kaaga, den fop a nqeɗa yee: «O Yaal oxe, wo fee andna a qeeñ ake no wiin we fop, lali a in o leng oxe jiloona no ɗik weeke,

1 Piyeer 1:17

Oxe na hate’kaa wiin we fop, oxuu refna no ke ta fi’na, too jegee camit, kaa nu nqoyan «Faap» kam a qeƭ nuun. Ten taxu koy, ñoowyo no saɗar a Roog, no ngap onqe nu maadkaa o ndefaa na adna fee.

Yeremi 11:20

Kaa koy, wo o Yaal oxe Hupna fop, kaa o hate’taa o cofel, horooxaa a pug fo a qalaat a ƭasu ke no wiin we. Xam ga ndabdinax of took den, yaam wo doxnum nqeloor es.

Yeremi 17:10

Mi o Yaal oxe, kaam ga’aa boo kam xeeñ soo horooxaa a pug ake, ndax um dakin oxuu refna a pesoorooƭ um, reefandin no ke a pi um a njagitna.

Yeremi 20:12

O Yaal oxe Hupna fop wo andu oxe jofna, horooxaa a pug fo a qalaat a ƭasu ke. Xam ga ndabdinax of took den, yaam wo doxnum nqeloor es.

A kim a tedu ke 62:12

Nanaam fa lay feeke na Roog kaa refeerna jaf leng: «Mi jegu katil.»

A kim a tedu ke 44:21

Boo i mbeecit’ina gon of, wo fee Roog in, mbaat i letin xa ƥay in a roog fa lakas,

2 Caloori ke 6:30

nan-giloorti a den na asamaan fee genoona too waasan a den, ɓek teen o ɓay of, rabid oxuu refna a pi um, yaam wo doŋ andu xeeñ no kiin oo kiin.

1 Sami’el 16:7

Kaa koy, o Yaal oxe a laya a Sami’el ee: «Baa ne ta jagna soo a jeg a keen a yul a ngid of, yaam jilinum. Naagiim o ɗeetaa no ke wiin we a ƭeetaa. O kiin oxe, ke yulna a kid um rek a ɗeetaa, ndaa mi fee o Yaal oxe o mat, kam ee kam xeeñ um ɗeetaa.»

Mbeeñil 20:12

Maaga, ga’aam xon we, yaal toole fo we neewna doole, da ngeenoox mbaambir gamb no maad le. A jega a safe kaa mbeteena. Safe lakas a wet’e itam, refna ref safe le no ñoow ole. Xon we a ngate’e no ke bind’eena kam a safe ke, oxuu refna na pi um.

Hebre 4:13

Jegee muk oxaa waagna o ɗas a Roog. Ke ta sakna fop kaa naag duŋ ee fuc mbaambir a kid um. Xan i njangtooxin ke i mbi’na fop.

2 Korint 5:10

Yaam in fop, kaa i mbar o ngeennel no nqel ne Kiristaa, ndax ta ɓoxot oxuu refna a pi um ye ta ñoowaa no cer um, ta ref paax mbaat paaxeer.

A kim a tedu ke 26:2

O Yaal oxe, horooxaam, ɗeetlooxaam a paax too ɓaal a qalaat a ƭasu es fo xeeñ es.

1 Caloori ke 29:17

Wo Roog es, andaam ee kaa o horooxaa a qeeñ ake fop soo fex o cofel. Fi’anaaxoong boog ci’it ke mi no fud o letu kam o cofel ole no xeeñ es, too ga’aam xaye fo o ɗaay xeet of feeke ndefna fa mi a mbi’anong leng kut ke fi’uuma.

1 Caloori ke 28:9

Wo Salomo fee o ƥees koy, andi a Roog fee na faap of too dagoortin xeeñ letu fo yiif jagandooxu, yaam o Yaal oxe kaa ɓaalaa a qeeñ ake fop, soo a jaqtaa a qalaat ake fop. O waaƭangaan, xan a ga’nooxong, ndaa o xaƴangaan xan a deɓong boo kili.

Mbeeñil 2:11

Oxuu jegna nof, fat a nan-giloox ke Yiif le a layaa pokatax ke no gimu we: Oxe na maafkaa, ñimkee fa nqon fa ƭikandeer faa.› »

Mbeeñil 2:7

Oxuu jegna nof, fat a nan-giloox ke Yiif le a layaa pokatax ke no gimu we: Oxe na maafkaa, xam ci’in ta ñaam no ndaxar ne no ñoow ole refna kam a ƭing ale Roog.› »

O leetar ole Pool a bindna GIMU WE NGENNA ROM 14:12

Maaga, o kiin oo kiin na in xan a jangtoox a Roog ke ta mosna o fi fop.

YEGIL MBAAX NE YEESU ne Saŋ a bindtuuna 21:17

A dakooxa o laamit jaf dadkandeer ee: «Simoŋ, o ƥiy Yoona, ndax fexaxamo?» Maaga, Piyeer a naqadilooxa yaam ke ta laamtuuna boo a caf a tadak ee «Ndax fexaxamo?», too a doonaan ee: «O Yaal oxe, dara kunpa’irang. Andaa xil ee fexaaxoong.» Yeesu a layaan ee: «Topatooxi paal es.

A cangatin ale 19:20

Neene, xan wiin lakas we a yegin soo a njeg caƭar, too a pi a paaxeer a nandu neene fi’kataand a ndeer nuun.

A cangatin ale 17:13

Neene, xan xeet fee fop a yegin soo a njeg caƭar, too o leng fesoorkatee a magnandax a nandu neene.»

A cangatin ale 13:11

Fat nu ndooman a kac boo yaa ta xonna, yaam kaa jeemoogu soobong o fes a cinj o Yaal oxe Roog nuun, sutitna a nuun Misira, maa nu ndeeƭna faɗ.

Mbeeñil 6:8

Ɗeetaam too ga’aam pis bari siindiin. Oxe ŋaayuuna, fa nqon a ne’e, soo jaaniif a reefanin. A coox’e sañ-sañ na qaaj a nahkandeer ale no lanq ke, ndax ta saŋkit wiin we laƥ fo biim fa piste fo na pexey ƥaaɓaan ke no lanq ke.

A cangatin ale 21:21

Maaga, fat goor we na teeru fee fop a ndooman a kac boo yaa ta xonna. Neene, xan nu mbatin paaxeer ke a ndeer nuun. Xan Ii-isra’el we fop a yegin soo a njeg caƭar.»

Galati 6:5

O kiin oo kiin koy a jega ke ta warna o gadooxan a xoox um.

Sofoni 1:11

Iinyo, nuun we ngenna na dik fee na xoyeel o faƥ ole, yaam jula we fop xan a saŋkel, jiijikax we a moocandel.

A kim a tedu ke 139:1

O yaal a ƭat ale no jeejeek we a xoolne yee a kim a tedu lene kaa fog na ke Dawid. O Yaal oxe, kaa o horooxaam, too andaxamo a paax.

YEGIL MBAAX NE YEESU ne Lik a bindtuuna 16:15

Yeesu a laya a den ee: «Kaa nu mbi’ooxaa wiin jofu mbaambir no wiin we, ndaa Roog a anda ke refna kam a qeeñ nuun. Ke wiin we a ƭeetaa nen tig maak, Roog a sibu.

Mbeeñil 20:13

O maag ole a ɓoxota xon we ndeeƭna no ten, fa nqon fa jaaniif a ƥoxot xon we ndeeƭna na den. Den fop a ngate’e, oxuu refna na pi um.

Mbeeñil 22:12

Yeesu a layahina yee: «Nan-gilooxi! Mexe garaa no miñeer! Xam ɓislooxiid tabid ke, o kiin oo kiin, um ɓoxotin ke ta fi’na.

1 Caloori ke 17:18

Mi Dawid, xar um ɓaatkaa no ndam onqe ci’axamoona, yaam andaxamo mi fee o tag of?

Ke bindeena no xe ne’eena YOB 24:23

Kaa ɗingaa a den, da njeg a koolax, a ref no gayaa a den na ƭat den.

YEGIL MBAAX NE YEESU ne Saŋ a bindtuuna 4:16

Yeesu a layaan ee: «Reti xoyiid o kor of.»