O Yaal oxe ñakkee o fadin muk a tegit um, ne leng-leng a mboogtuuna. Kaa koy, a jega o muñ na nuun, yaam bugee o leng a saŋkoox, ndaa kaa bug fop a mbes pakaad den a cinj.
A sumaan a ƭomu a doxa wiin we. A ndefata no mbenaa gon le Roog fee jegna sañ-sañ, too a pokoox taamaala keene. A mbañ’a o mbes pakaad den a cinj, a mbañ o ƥoxot a Roog o ndam.
ndefna we nanaƭar’ina yaaga ye Roog a maad’ina o muñaa, a soƥ Nowe a jalaa a kaal ale. Wiin mayeer waa ndeeƭna ɓetuu daduk soom ndok’ina na kaal ale mucil’e na pexey foofi le.
Yaaga boog, Roog kaa bug’u o lalit fuux um, soo a andnoor katil um. Yaqanee toox de, Roog a roxondoox’u fo o muñ o maak nqaw mbarƴu ne refna wiin we njag’ina fo fuux um, too dara hel’atee a den a refangeerna a saŋkax ale.