Mbeeñil 2:2 - NQAARIIT NE ROOG

² Kaa tee: Andaam a pi of fop fo calel ƭomu of fo o saƭkel ole jegoona. Andaam itam ee waagiro o fi’ir fo hañaan we, yaam ɗeetlooxaa we na layooxaa apootar, too ndefiran, boo ga ee maamaaɓ a ndefu.

Mbeeñil 2:2 Referans Kwoze

1Saŋ 4:1

Fog es we fexuuma, baa yiif luu garna gar nu ngimin! Kaa koy, ngorooxyo a yiif ake boo nga, ndax na Roog a inooru ndax nam, yaam kaa duleer maamaaɓ mayu a ndokiid na adna fee.

1 Tesalonik 5:21

ndaa naangyo o ngorooxaa tig oo tig, ngeek paax ke,

Mbeeñil 3:8

Kaa tee: Andaam ke o fi’aa fop. Andaam itam ee katil of mayee. Yaqanee o gayaa fa lay es, too xañiraamo. Kaam wet mbaambir of begax naa o leng a waageerna o weg.

2 Timote 2:19

Kaa koy, ke Roog a geeninna waagee o yen, yaam kaa siptin fa lay um feeke: «O Yaal oxe a anda wiin um» fo «Oxuu na ne’aa gon le no Yaal oxe, fat a fes paaxeer a cinj.»

1 Tesalonik 1:3

I ñakee o mbetandooxaa a nuun na qeƭ in mbaambir Roog Faap in yaam o ngim nuun o laltinooxu nqe fo o mbeq onqe nuun na jaflaxnooraa a nuun fo yaakaar mbooru ne nu njegna no Yaal in Yeesu Kiristaa.

Galati 1:7

Refee koy ee kaa jeg yegil mbaax lakas, ndaa kaa jeg wiin waa na njom’andaa a nuun, a mbug o yaq Yegil mbaax ne Kiristaa.

A kim a tedu ke 1:6

O Yaal oxe kaa yoonaa jofu we na ƭat den, soxodu we koy, a ƭat den a jagin na saŋkax.

Mbeeñil 3:1

«Bindanaam a malaaka fee na yetooxaa mbokatax ne no gimu we kam teeru faa Sardes ee: ‹Fa lay feeke kaa inoor no xe saqna a yiif ɓetaa ƭaq ake Roog, a deegoox xa qoor ɓetaa ƭaq axe. Kaa tee: Andaam ke o fi’aa fop. Kaa o nandtaa oxaa na ñoowaa, too yaaga fop oo kaa o xon.

Hebre 6:10

Roog jofaƭaree. Weeckee calel ke nuun muk fo o mbeq onqe nu lalitna no gon um ye nu ndimle’aa fog gimu we nuun, too maad o mbi’an boo ndiik.

Efees 4:14

Yaaga i ndefkatee xa teɓandoong axaa a yag-ee-yag ake a ƥisaa, soo a cangin a andand ake wiin naanax a ndalinna a ndiñaa a den mene fo maana. Wiin weene kaa mo’nooraa lakas we na pexey o ƴiƴ ole da nqalaatanna a qoox den.

Mbeeñil 2:9

Kaa tee: Andaam ne o toroxandteel, and itam ne rooltoona. Kaa koy, no ndigil o yaal halal refo. We na layooxaa Yaawuur too ndefiran, a ndef no layanang paaxeer, keene sax andaanum. Wiin weene, no mbind a qeƭ ne Saytaane o mat a mbogu!

Mbeeñil 2:6

Kaa koy, a jega kaa felaxama na wo: Nen a mi, kaa o sib a pi ake na qaaj ale na reefaa a cangin ale Nikolawus.

Mbeeñil 3:15

Kaa tee: Andaam ke fi’oona. Andaam ee o ngim of ñufee too kaƥee. Yaasam ta ñuf mbaat ta kaƥ!

Mace 7:23

A koom, xam faambir fa den, lay a den ee: Mosiim o and a nuun. Ngoƭaamoo, nuun we na mbi’aa paaxeer!»

YEGIL MBAAX NE YEESU ne Saŋ a bindtuuna 6:6

Kaa ɗeetlooxoogun soom, yaam a and’a xil ke ta fi’kaa.

Mbeeñil 2:5

Wetandooxi boog me toloftoona! Fesi pakaad of a cinj, reefatin o jaf o eetaand of. O fi’angiran, xam yen took of, too xam in a pagal xa lampa ale wo na seek um. Xam fi’in, o fesangee pakaad of a cinj.