Mbeeñil 2:19 - NQAARIIT NE ROOG

¹⁹ Kaa tee: Andaam a pi of fop. Andaam itam o mbeq of fo o ngim of fo a koorgoorlax of no dimle’aa lakas we fo o saƭkel of. Andaam koy o mat ee ke o jalaa ndiiki hupu ke jaloogoona no mberaandoong naa.

Mbeeñil 2:19 Referans Kwoze

1 Timote 1:5

Ke taxna koy um regdinooxaa keene refu ta rim o mbeq o ngatu no xeeñ xoolu qac fo yiif jeejooxeer dara fo o ngim o njegee yememaar.

2 Piyeer 1:7

no damoox na Roog ole nuun nu nqaariitooraa a ndeer nuun, soo no nqaariitoor ne nuun o mbeq.

YEGIL MBAAX NE YEESU ne Saŋ a bindtuuna 15:2

O par oluu saxna na mi, soo a fañ o rim, xan a ɗegin. Oluu na rimaa teen koy, xan a calasin, ndax ta moƴ o rim.

2 Tesalonik 1:3

Kaa i mbar o ngidmaa a Roog kili yaam nuun, nuun fog gimu we, too keene sax kaa warna o jeg oo, yaam o ngim nuun kaa moƴ o jofaa mbaambir rek, soo o mbeq onqe o kiin oo kiin a jegna no lakas we a xay no xuu refna na nuun.

2 Piyeer 3:18

Njofyo mbaambir boog kam yirmande fee fo kam o jeg o and no Yaal in fo o Muumucil in Yeesu Kiristaa. Yaasam ta ɓoxotel o ndam ndiiki, bo na moos boo moos. Amiini.

1 Piyeer 4:8

Eetyo mbexir a paax a ndeer nuun, yaam o mbeq onqe kaa muuraa pakaad mayu.

1 Tesalonik 3:6

Kaa koy, miñee dara, Timote a ɓisiida o nan o felu no ne nu ndamooritna no ngim onqe fo ne nu mbexritna. A doona teen, a lay ee kaa nu ngen no nqalaattaa a in jam soom, mbug o nga a in bo. Neene itam, i mbugtun na nuun.

Kolos 3:14

Kupu keene fop, mbapooryo o mbeq, yaam o mbeq refu ngumoor ne na ñaknaa a nuun sik.

Mbeeñil 2:13

Kaa tee: Andaam me genoona. Ten refu me gamb no maad le Saytaane a refna. Kaa o damoox no gon es, too fañiro o gim na mi. Fañino sax na jamaane fee o seede es o kore’u xe ne’eena Antipaas, a warit’eena me nuun, me Saytaane a genaa.

Mbeeñil 2:9

Kaa tee: Andaam ne o toroxandteel, and itam ne rooltoona. Kaa koy, no ndigil o yaal halal refo. We na layooxaa Yaawuur too ndefiran, a ndef no layanang paaxeer, keene sax andaanum. Wiin weene, no mbind a qeƭ ne Saytaane o mat a mbogu!

A kim a tedu ke 92:14

Kaa njimbel no Mbind ne no Yaal oxe, a neepaa no maax ole no mbind ne Roog in.

Xa peƭit axe 4:18

A ƭat ale no jofu we kaa nand nen a qoolaand mbeet, meleƈ um a ɓaatooxaa boo njoloor o mbuc.

Ke bindeena no xe ne’eena YOB 17:9

Kaa da layaa yee: «O cofu xe kaa damaa a ƭat um nuu ta saxitna saxit, oxe xa ƥay um a nqoolna a moƴ a moƴ o saƭkaa.»

YEGIL MBAAX NE YEESU ne Lik a bindtuuna 1:23

Yaa a pe akaa ta warna o faɗoox a mbaafna, a xaada no mbind um.