Mbeeñil 2:14 - NQAARIIT NE ROOG

¹⁴ Kaa koy, a jega onqaa ɗomaxama na wo: Ten refu yee kaa o jeg meene wiin waa ndamooxna na cangin ale Balam. Kaa jangnoogu a Balak yaaga, ta sip a panq alaa na baɓaa Ii-isra’el we, a maafnooraa a den na bakaad yaa ta koocaa a den da ñaam a tegeƴ a sadaxte akaa ne’teena pangool, soo a seeqaa.

Mbeeñil 2:14 Referans Kwoze

2 Piyeer 2:15

Cinj ye da nqaƴna a ƭat a cofu le a mo’a, soo a ndeef a ƭat ale Balam fee o ƥiy Bewoor, fex’ina o fi paaxeer, ndax ta cooxel xaaliis.

A lim ale 31:16

A woora a nuun toox de yee den o mat ndeef’u xa as axe Balam, a soob Ii-isra’el we bo da ngore’aƭar no Yaal oxe, a mbaɗooxataa a Baal-Pe’oor, boo a tax taamaala a dal xeet fee no Yaal oxe.

Mbeeñil 2:20

Kaa koy, a jega kaa ɗomaxama na wo: Kaa o waas o tew oxe ne’eena Isebel na layooxaa o tuleer Roog, soo a naxaa dag we mi. Kaa jangnaa a den ee da seeqaa, soo a ñaamaa a tegeƴ akaa sadaxeena pangool.

Yudaa 1:11

Ndaw sabab took den, yaam kaa ndeef a ƭat ale Kayin, a ndeɓoox na ƭat a naanax ale Balam yaam xaaliis, too xan a saŋkoox, yaam kaa mbañoogu a Roog nen a Koora.

A pi ake 15:29

Ten refu yee nu mbootoox ñaamel ke sadaxeena ke refeerna Roog mbaat fo’oy mbaat med mbaat ceeq. Nu mbootooxangaa keene, xan nu mbi paax. Na jam!»

Hebre 13:4

Fat fop a niw ndolnir ne, we ngiɓoorna no ndolnir ne a njeg ngor a ndeer den, yaam xan Roog a hate a cuut ake fo we na seeqaa.

Yosuwe 24:9

Balak fee o ƥiy Sipoor reeƭna o maad oxe Mowaab a songiid’a a nuun itam. A reta sax boo a xoynik a Balam fee o ƥiy Bewoor, ndax ta gar a saloox a nuun.

1 Piyeer 2:8

A refata itam «ɓil le na tolofnooraa wiin we fo ɓil maak le na fanqaa a den.» Kaa mbaɓan fo a caf den, yaa da nananeerna fa lay fee Roog, too no keene sax a njagandan’e.

A pi ake 21:25

We ndefeerna Yaawuur, too a ngimat koy, i mbind’a a den ke i ndalin’ina. Ten refu yee da mbootoox o ñaam a tegeƴ akaa sadaxeena ke refeerna Roog, a mbañ o ñaam fo’oy mbaat med, a mbañ o seeqaa itam.»

A lim ale 31:8

A mbara itam maad ɓetuk we Majan ndefna: Eewi, Rexem, Sur, Xuur fa Reba, soo a mbarit itam a Balam fee o ƥiy Bewoor laƥ.

Mbeeñil 22:15

Kaa koy, we na mbi’aa cednooxu fo fan we fo we na seeqaa fo waawar we fo juujuur we fo fop we mbexna o maaɓaa na fa lay fo na pi, o leng na den rokkee na teeru fee muk.

Mbeeñil 21:8

Kaa koy, kaa farna no wiin weeke: Saɗar we fo gore’aƭaru we fo we na mbi’aa cednooxu fo waawar we fo we na seeqaa fo fan we fo juujuur we fo maamaaɓ we fop, a las den na refkaa a mbeel fiɗel alaa no nqeen saasu kaa. Keene na refkaa fa nqon fa ƭikandeer fee.»

1 Korint 7:2

Kaa koy, ndax o leng rokkee no ceeq, fat o koor oo koor a jeg o tew, o tew oo tew a jeg o kor.

Mace 18:7

Ndaw sabab took adna fee yaam ke na tolofnooraa wiin we. Tolofnoorel waagee ñak, ndaa ndaw sabab took no xe na ɓisiidan!

Heseki’el 3:20

Boo o cofu xe a fesna a cinj o cofel um soo a fi’aa paaxeer, xam xaƴin ta yen, too xan a xon. O maƭooxangiran, xan a xonit bakaad um. A pi a cofu ke ta fi’’ina mbetandooxkataand, too xam laamtong fo’oy um.

A lim ale 24:14

Ndiiki koy, mexe dabaa xeet es, ndaa bo um helko fo retaa, cungi bo um maƭooxong ke Ii-isra’el we a mbi’kaa xeet of no camaane ke na ngaraa.»

O leetar ole Pool a bindna GIMU WE NGENNA ROM 14:21

Ke faaxna refu o tuub a tegeƴ fo a yer a qaaɗu, waas fop ke waagna o maafnoor o pog of na bakaad.

O leetar ole Pool a bindna GIMU WE NGENNA ROM 14:13

Ba i ngate’rat a ndeer in! Fat nu mbosoox o mbañ o mbi dara kaa waagna o tax o pog nuun a tolof mbaat ta yen na bakaad.

Heseki’el 44:12

Feek kaa njalanoogu xeet fee mbaambir pangool ke den soo a ndeeƭu no mbind Isra’el ɓil laa na tolofnooraa, a maafnooraa a den na bakaad, mexe daaɓooxan fa den o ɓay es took ee: Xan a ngadoox tooñ den. Mi o Yaal oxe na refkaa boo faw layun.

Yeremi 6:21

Ten taxu, mi o Yaal oxe, xam doon mbaambir xeet fene a panq. Xan a mbaɓoox teen soo a saŋkoox den fop, paap ke fo xa ƥiy xa koor den, gentand den fo qaariit den.»

Mbeeñil 2:4

Kaa koy, a jega kaa ɗomaxama na wo: Kaa fexatiraamo ne fexit’axamoona no mberaand naa.

1 Korint 1:23

ndaa in o mat, i mbaare’aa a Kiristaa fee rengeena took a kurwaa, a ref a panq no Yaawuur we, we ndefeerna Yaawuur a mbi’in ñaku xoox.

O leetar ole Pool a bindna GIMU WE NGENNA ROM 11:9

Dawid itam a lay’a yee: «Yaasam o rox den a ref mbog naa na damaa a den, ndax da yen, boo a qaw ale a dal took den.

O leetar ole Pool a bindna GIMU WE NGENNA ROM 9:32

Xar taxun koy? Kaa mbaaƭoogu o mbel a Roog na pexey a pi den, a mbañin o mbaaƭit na pexey o ngim onqe. Ten taxu yoo da mbaɓ ɓil le na tolofnooraa.

Esayi 57:14

O Yaal oxe kaa tee: «Nqendandyo a qal ale, ngolit a ƭat ale, ƭiqit a panq ake mbodna xeet es mbaambir.»