Mbeeñil 2:10 - NQAARIIT NE ROOG

¹⁰ Ba o diid no ke o ñagadilkeel. Nan-gilooxi: Xan o ƈiƴ oxe a ɗeetloox a nuun. Xan a ɓek leng-leng na nuun kam kaso, too xan nu toroxandel boo ñaal xarɓaxay. Fat o gore boog boo na fa nqon, too xam cooxong o ñoow ole, ta ref o ndip of.

Mbeeñil 2:10 Referans Kwoze

Saak 1:12

Oxe saƭikna, yaa ta ɗeetlooxeena, a ɗaaya. Ƭeetlax keene a mbaafangaa, xan a su’nel o ñoow ole Roog a regna we mbexuuna, ta ref o ndip um.

Mace 10:22

Xan fop a sib a nuun yaam gon es, ndaa oxuu saƭikna boo no muukandoong naa xan a muc.

1 Piyeer 5:4

Nu mbi’angaa keene fop, xan nu ndaaw o ndam onqe nen o ndip o yaqooxkeer, yaa o Kaynaak o maak oxe a feeñkaa.

Mark 13:13

Xan fop a sib a nuun yaam gon es, ndaa oxe na saƭikkaa boo no muukandoong naa xan a muc.»

Efees 6:12

Yaam i mbaree o maafir fo wiin we, ndaa fo kelfa ke fo sañ-sañ ke fo aa-adax we na yiif ake ndefna no niɓaan ole fo katil ke na yiif a paaxeer ake ndefna ndeer asamaan fa lanq.

Mbeeñil 2:9

Kaa tee: Andaam ne o toroxandteel, and itam ne rooltoona. Kaa koy, no ndigil o yaal halal refo. We na layooxaa Yaawuur too ndefiran, a ndef no layanang paaxeer, keene sax andaanum. Wiin weene, no mbind a qeƭ ne Saytaane o mat a mbogu!

Mace 24:13

Kaa koy, oxe na saƭikkaa boo no muukandoong naa, xan a muc.

1 Piyeer 5:8

Njagandooxyo, kaam ee yetooxyo! O ƈiƴ oxe refna o pañ nuun, kaa widaa nen njogoy nqeexe, a waaƭaa oxaa ta saŋikna.

1 Korint 9:25

Oxe bugna o ref mbir tigi a naaga o fesaa mayu a cinj, too keene fop kaa waagna o sooƴ soom a nqirooxanaa. In koy, fat i moƴ o ngumnoox yaam a laay a sooƴkeer muk refu mbaambir in.

Mace 10:28

Ba nu mbit we mbaagna o mbar cer, too mbaagee o mbar o laaw. Oxe jarna o fitel refu Roog fee waagna o saŋik cer fo o laaw kam fiɗel laa ñufkeerna.

Dañel 1:14

O koor oxaa a jaɓa kaaga, too a jeema fa Dañel fo yoon um boo ñaal xarɓaxay.

Mbeeñil 13:7

A ci’e o maafir fo we mbogna na Roog, ndax ta maaf a den. A ci’e sañ-sañ no tim oluu refna fo no saax luu refna fo na lak fuu refna fo na xeet fuu refna.

Efees 2:2

Kaa nu ndeefanoogu boog o ñoowooƭ ole na adna fene, nananaa oxe kelfa’na cini ke ndefna ndeer asamaan fa lanq. Ndiiki, yiif faaxeer leene kaa jalaa no wiin we nananeerna a Roog.

YEGIL MBAAX NE YEESU ne Saŋ a bindtuuna 13:2

O ƈiƴ oxe koy, a ɓek’a no xeeñ Yudaa o Iskariyot oxe fee o ƥiy Simoŋ xalaat faa ta jikoorna a Yeesu.

YEGIL MBAAX NE YEESU ne Saŋ a bindtuuna 12:25

Oxuu fexna o ñoow um xan a ñakin, ndaa oxuu fexeeruuna na adna feeke, xan a geekanin o ñoow o fagkeer ole.

YEGIL MBAAX NE YEESU ne Lik a bindtuuna 21:12

Kaa koy, boo keene fop a helko fo fadaa, xan wiin we a ndoon xa ƥay den took nuun, too xan nu ñagadilel. Xan nu ngate’el kam pind a qeƭ ke, soo ƥekel kaso. Xan nu ƥisel mbaambir no maad we fo gofornoor ke yaam gon es.

Mark 8:35

Oxe na bugkaa o mucil o ñis um, xan a ñakin, ndaa oxe na ñakkan yaam mi, a ñakin itam yaam Yegil mbaax ne, xan a muclin.

Habakuk 2:3

Waxtu fee mbeeñil neene a fadnooxkaa fadafulee. Waxtu fee oxey mbaambir too ñakkee o gar. A ñaalange sax oo, fat nu cungin, yaam a woora kañ ee xan a gar too gulooxkee muk.

Dañel 1:12

«Ngela jeemi topatoox a in, in we dag of, boo ñaal xarɓaxay kaa o cooxaa a in tuufe-duufe kaa i ñaamaa fo foofi laa i yeraa soom boo ga.

Mbeeñil 13:2

Ɓaanoor fee ga’uuma koy kaa nandtoogu o ƴaxal, a caf um a nandtaa a caf ursu, o don um a nandtaa o don njogoy. Niŋki-naŋka a doxnaan katil um fo maat um fa sañ-sañ fa maak fee ten.

A pi ake 21:13

ndaa Pool a doona yee: «Xar taxu nu loolaa, yaqaa xeeñ es? Ndax nu andee yee fañiim o humel soom, ndaa jaɓaam o warel Yeerusaleem sax yaam gon le no Yaal oxe Yeesu.»

A pi ake 20:24

Safiraam sax ee o ñoow es a jeganaxam o njiriiñ, a refangee um fadin calel ke fo o sep ole daawtuuma no Yaal oxe Yeesu: Ten refu um yegnitaa Yegil mbaax ne na yirmande fee Roog.

YEGIL MBAAX NE YEESU ne Saŋ a bindtuuna 13:27

Yaa Yudaa a daawna o ɗeg ole, Saytaane a muura yiif um. Maaga, Yeesu a layaan ee: «Ke naroona o fi, fi’een no ñofu.»

A kim a tedu ke 31:23

Kaam jaq’u boo layataa yee: «Kaam raxel maa goƭoonga.» Kaa koy, nanaa o ñuxur ole na qeƭax es, ye ƴufginooxoonga.

Mbeeñil 2:13

Kaa tee: Andaam me genoona. Ten refu me gamb no maad le Saytaane a refna. Kaa o damoox no gon es, too fañiro o gim na mi. Fañino sax na jamaane fee o seede es o kore’u xe ne’eena Antipaas, a warit’eena me nuun, me Saytaane a genaa.

Mbeeñil 13:14

Kaa mo’andoogu we ngenna na adna fee fo xa anddiloor axe ta ci’eena o fi’aa mbaambir Ɓaanoor fa eetaand fee. Naaga, a laya we ngenna na adna fee da mbi nitaal naa nandna fa Ɓaanoor fee laƥ a gaañ’ina, too yaqanee ta maad o ñoowaa.

Mbeeñil 17:14

Xan a song o Mbaal onqe, ndaa xan o Mbaal onqe a maaf a den, yaam ten refu o Yaal oxe no yaal we fo o Maad oxe no maad we. Ten fo we mbogna no ten, ndefna we nqoyeena fo we njileena fo we ngimna, xan a maafandoor a den.»

A ƭomatax ake 3:57

A koom alaa ƴufginooxoonga, matiidaa soo lay ee: «Ba o diid!»