Mbeeñil 2:1 - NQAARIIT NE ROOG

¹ «Bindanaam a malaaka fee na yetooxaa mbokatax ne no gimu we kam teeru faa Efees ee: ‹Fa lay feeke kaa inoor no xe deegooxna xa qoor ɓetaa ƭaq axe na ñamaak um, refna oxe na ñaaƴaa a ndeer a pagal ɓetaa ƭaq xa lampa akaa mbi’teena wurus.

Mbeeñil 2:1 Referans Kwoze

Mbeeñil 1:20

Keeke tektu kunpa fee na xa qoor ɓetaa ƭaq axe ga’oona no ɓay es o ñamaak fo a pagal ɓetaa ƭaq xa lampa akaa mbi’teena wurus. Xa qoor ɓetaa ƭaq axe ndefu malaaka ke na yetooxaa pokatax ɓetuu ƭik ke, soo a pagal ɓetaa ƭaq xa lampa ake a ndef pokatax ɓetuu ƭik ke.»

Mbeeñil 1:16

Kaa deegoox’u xa qoor ɓetaa ƭaq na ñamaak um, saamar a sutoortaa no don um, mukit um a meleƈaa nen njeeƈ njoloor.

Mbeeñil 3:14

«Bindanaam a malaaka fee na yetooxaa mbokatax ne no gimu we kam teeru faa Lawodise yee: ‹Fa lay feeke kaa inoor no xe refna Amiini. Kaa ref itam o seede o kore’u xe fo o tefu ndigil oxe, ke Roog a sakna fop a hat no ten.

Mbeeñil 3:7

«Bindanaam a malaaka fee na yetooxaa mbokatax ne no gimu we kam teeru faa Filadelfi yee: ‹Fa lay feeke kaa inoor no Tedu xe refna Ndigil ne itam. Ten saqu o jaafu le Dawid, a ref oxe na wetaa, too o leng wegkee, a ref itam oxe na wegaa, too o leng waagkiran o wet.

Mbeeñil 3:1

«Bindanaam a malaaka fee na yetooxaa mbokatax ne no gimu we kam teeru faa Sardes ee: ‹Fa lay feeke kaa inoor no xe saqna a yiif ɓetaa ƭaq ake Roog, a deegoox xa qoor ɓetaa ƭaq axe. Kaa tee: Andaam ke o fi’aa fop. Kaa o nandtaa oxaa na ñoowaa, too yaaga fop oo kaa o xon.

Mbeeñil 2:18

«Bindanaam a malaaka fee na yetooxaa mbokatax ne no gimu we kam teeru faa Tiyatiir ee: ‹Fa lay feeke kaa inoor no Ƥeenqe Roog, a kid um a miric-miricnaa nen ƈulfaan fiɗel, a caf um a telelaa nen xanjar faa naayneena na fiɗel boo a xawnel.

Mbeeñil 2:12

«Bindanaam a malaaka fee na yetooxaa mbokatax ne no gimu we kam teeru faa Pergaam ee: ‹Fa lay feeke kaa inoor no xe saqna saamar.

Mbeeñil 2:8

«Bindanaam a malaaka fee na yetooxaa mbokatax ne no gimu we kam teeru faa Ismir ee: ‹Fa lay feeke kaa inoor no xe refna o eetaand oxe fo o palakaand oxe, a ref oxe xon’ina, a xontoox.

Mace 18:20

Muu ɗik mbaat daduk a mbokatoorna no gon es, mexey a ndeer den.»

YEGIL MBAAX NE YEESU ne Saŋ a bindtuuna 5:35

Saŋ reeƭu o jam ole na kaƥaa, a meleƈaa, too nu mbug’a o moof o ndik sax, mbelakinoox yoora kaƥ ne ten.

Mbeeñil 12:1

O anddiloor o maak a feeña na asamaan: Ga’aam o tew oxaa hulooxna njeeƈ ne, a qoor ale a ref ɗuga a caf um, soo a rokoox o ndip onqaa saqna xa qoor xarɓaxay fo xa qoor xa ƭaq.

Mace 28:20

too njangin a den da ngay ke hebluuma fop. Mexey fa nuun bes fuu refna boo maa adna fee a daykaa.»

A pi ake 18:19

Ye Pooliin a mbadiidna na teeru faa Efees, a xaƴa a Pirisil fa Akilaas maaga. Ten fa xoox um o mat, a roka no mbind a qeƭ naa, a jeetaayaa fo Yaawuur waa.

A pi ake 18:21

A asoora fa den, a rokit maaga a kaal, too a lay a den ee: «A felangaa a Roog, xam nomtooxiid me nuun.»

A pi ake 19:1

Ye Apolos a refna na teeru faa Korint, Pool a xaañooga o jegel olaa na xa coong axe too a fudoortiida Efees. A soƥa maaga daalbe leng-leng,

2 Korint 6:16

Ndi nam ngenand ne Roog a waagu o yoonit fo pangool ke? Yaam in o mat ndefu ngenand Roog fa ñoow jok fee, ne Roog fa xoox um a laytuuna: «Xam gen fa den, i ñaaƴandoor. Mi na refkaa Roog den, da ndef xeet es.»

Heseki’el 46:10

O kelwaar oxe xan a rokandoor soo a sutooxandoor fa xeet fee.»