Mbeeñil 19:8 - NQAARIIT NE ROOG

⁸ A ci’e maa ta rokooritna sooy yelefu. Ndoki neene koy kaa meleƈaa too a xool qac.» Sooy yelefu neene kaa ref a pi a cofu ke no we mbogna na Roog.

Mbeeñil 19:8 Referans Kwoze

Esayi 61:10

Kaam felakinooxaa no Yaal oxe, o laaw es a may fo o ɗaay na Roog es, yaam kaa rokaam ndoki ne na muc ale soo a muuraam sabadoor ne no cofel ole, um nandtaa o kor-no-kulook oxaa rokooxna tañalax xew um mbaat o kulook oxaa mosandooritna kumooxel um.

Mbeeñil 3:18

Kaam asang koy, o bugangaa o ref o yaal halal, jikti na mi wurus faa naayneena na fiɗel. O bugangaa o ɗasin cer ƥor of yaam o fañaa gaci, jikti na mi tikoorik tan kaa o rokooxaa. O bugangaa o waag a ka, jikti na mi tuuf naa o ɗuumaa na kid of.

O leetar ole Pool a bindna GIMU WE NGENNA ROM 13:14

Fat nu ndokoox o Yaal oxe Yeesu Kiristaa. Ba nu ndeefan a pug ake nuun, ndik nu mbadin a yaaw a paaxeer ake nuun.

Mark 9:3

Toki um a meleƈa, a ndanig fur. Jeg’ee koy took lanq ke o suusuup o leng oxaa waagna ran-ginit naaga toki.

Mace 22:12

A layaan ee: ‹Xaariit es, nam rokto mene, too saqiro ndoki ngulook?› O kiin oxaaga waag’iran o doon ɗelem leng sax.

A kim a tedu ke 132:9

Yaasam saasadax we wo a ndokoox o cofel, soo we ndamooxna na wo a soroxole!

Mbeeñil 15:4

O Yaal oxe, an saɗarkeerong boog? Ndi an na fañkang o ɓoxot o ndam? Wo soom tedu. Qeet ke fop xan a mbaɗooxiidong, yaam a pi a cofu ke wo a mbeeñle a qool qac.»

Heseki’el 16:10

Ñiraaxoong piis ngemeñe, rokanong xa ñaaƭ ƭool ndinqu, laxasong sooy yelefu, soo muurong suwaa.

A pi ake 1:10

Yaa da ndefna maaga, a ndaxaaƴooxan ta retaa, goor ɗik waa ndokooxna tikoorik tan a mbeeñooxa a den,

YEGIL MBAAX NE YEESU ne Lik a bindtuuna 24:4

Rew we and’ee ke da mbar’ina o mbi. Maaga, goor ɗik a mbeeñooxa a den, a saq toki kaa na meleƈaa.

O leetar ole Pool a bindna GIMU WE NGENNA ROM 3:22

Roog kaa ɗeetaa wiin we nen jofu mbaambir um na pexey o ngim den na Yeesu Kiristaa. Kaa fi’anan we ngimna na Kiristaa fop, yaam jegee njektirand leng:

Mace 17:2

Yeesu a suptooxa mbaambir den. A tagid um a meleƈa boo nen njeeƈ ne, soo toki um a ndanig boo taw.

Xa peƭit axe 31:22

Kaa fi’anaa a xoox um kulooxel, a rokooxaa tikoorik pi’te gaare fo kaa yaxigna coy.

Heseki’el 44:17

Yaa da mbadiidkaa na xa ton-maax axe no maax-kam ole, xan a ndokoox toki coor, saqkee dara no cer den kaa fi’teena leen, boo da mbadnaa calel den na xa ton-maax axe no maax-kam ole fo kam Mbind Roog ne.

Mbeeñil 15:6

Malaaka ɓetuu ƭik ke saq’ina taamaala ɓetuu ƭik ke a sutoora no Mbind Roog ne. Malaaka fuu refna na den kaa rokoox’u sooy ndan fur naa na meleƈaa, a ngumnoox o qap wurus no laf um.

Mbeeñil 19:14

A yaj ake no yaal kumnax ke ndefna na asamaan kaa ndeefanoogun, oxuu refna a ŋaay bari. Weene koy kaa ndokoox’u sooy yelefu kaa ndanigna, too a nqool.

Esayi 3:23

fo xa ƭeendoor axe fo toki yelefu ke fo tañalax ke fo a muxul a yelefu ke.