Mbeeñil 19:7 - NQAARIIT NE ROOG

⁷ Fat i mbelakinoox, too ƭaay! Kaam ee, fat i simatin, yaam ngulook ne no Mbaal onqe a fadiida, too o toog um a jagandooxa boo a ƴut.

Mbeeñil 19:7 Referans Kwoze

Mbeeñil 21:9

Cinj kaaga, fa leng no malaaka ke saq’ina fo ndog ɓetuu ƭik ne yip’ina taamaala ɓetuu ƭik palakaand ke, a gara a layaam ee: «Gari boo um lalong o toog oxe refna o Kulook no Mbaal onqe.»

Mbeeñil 21:2

Ga’aam teeru fa tedu fee refna Yeerusaleem fa nqas fee Roog a fudnitiidna na asamaan. Kaa jagandoox nen o toog oxaa bugeena o ɓoxot o kor um.

2 Korint 11:2

Yaam kaam naal a nuun, too naal neene na Roog a inooru. Kaam ceemreemaa a nuun, nu mbog o kor o leng kut, ta ref Kiristaa. Kaam bug o ɓoxot a nuun o ten nen o toog o qoolu.

Mace 22:2

«Maat ne na asamaan kaa nand fo o maad oxaa na roofandaa ngulook no ƥeem o ngoor,

Mbeeñil 19:9

Malaaka fee a layaxam ee: «Bindi yee: We nqureena na put ngulook ale no Mbaal onqe a ƭaaya!» Cinj kaaga, a ɓaata teen ee: «Fa lay feeke ndigil kak oo, Roog layun.»

Efees 5:32

Keene ndigil kunpa’u yoo naa jegna o njiriiñ, too a feeñlel kam a pind akeene. Na las es koy, ga’aam ee leng kut oo a ndeer Kiristaa fo o fog ole no gimu we.

YEGIL MBAAX NE YEESU ne Saŋ a bindtuuna 3:29

O kor-no-kulook oxe jegu o kulook oxe, ndaa xaariit fee ten na diikooxan soo a geenoox, a naaga o jegaa o ɗaay o maak, yaa ta nanna o ñuxur um. Neene koy, o ɗaay ole mi a nandu, too ten taxu ta may boo a ɓaxoox.

Esayi 62:5

Iyo, ne o fes a gilgitaa o njaaƈ o ndoog, neene mboƥ ne wo a njegitkang. Ne o kulook a ɗaaynoortaa o kor um itam, neene o refitkaa o ɗaay no Yaal oxe.

Efees 5:23

Yaam o kor refu kelfa no teem, ne Kiristaa a refitna kelfa no fog ole no gimu we. Kiristaa fee fa xoox um refu o Muumucil oxe no gimu we ndefna cer um.

Esayi 66:10

Nuun we mbexna a Yeerusaleem, mbelakinooxyo fo ten, may fo o ɗaay yaam o ten. Nuun fop we ñaawooxoogna yaam taamaala fee dal’uuna, nqaajiryo fo ten ndiiki o ɗaay ole hitatirna.

YEGIL MBAAX NE YEESU ne Lik a bindtuuna 12:36

Nuun boog, nandyo nen wiin waa na cungaa o yaal mbind den a nomtooxiid no ngulook ne, ndax da mbaagin o mbetan yaa ta fadiidna boo a koŋ-koŋin.

Sakari 9:9

Wo Siyoŋ, o ndoog onqe, ngela felakinooxi, wo Yeerusaleem, o ndoog onqe, jibni xa soroxole! O maad of oxey a garaa me wo, a jof, a ref mbir mbadar a lanq. Kaa koy, magnandooxee too took o faam a ŋaayu, took o mol, o ƥiy no faam o rew.

Esayi 52:1

Wo Siyoŋ, yokooxi, ñofi yokoox, jegatin doole. Wo Yeerusaleem, teeru fa tedu fee, rokooxi toki of ke moƴna o mos, yaam o qucooxeer mbaat o qoolaƭaru dakkatee me wo.

A kim ale na kim ake 3:11

Nuun roog we Siyoŋ, sutooxyo mbuud o maad Salomo fee saqna o ndip onqe ya um a rokan’uuna na bes fee no ngulook um, bes fee xeeñ um a may’ina fo o ɗaay.

Filip 3:3

We nqucooxna tigi ndefu in we na mbaɗoortaa a Roog Yiif le ten, in we a tagas in a refna na Kiristaa Yeesu, in weeke ndooneerna yaakaar in no cer.

A kim a tedu ke 9:14

O Yaal oxe, yirmaam too ga coono es ke we sibaxama a ngaritna, wo xe na suqtitaxam na xa ton-maax axe na fa nqon fee,

1 Sami’el 2:1

Xaan a simata o Yaal oxe too a lay ee: «Xeeñ es kaa felakinooxaa no Yaal oxe. O cok es oxe took yaam o ten, waagataam o jal fañ es. Kaam felakinooxaa no ten fee ƴufgaxama.

Xa peƭit axe 29:2

Boo jofu we a naagna gañ, fop kaa mbelakinooxaa, soxodu we a maadooxangaa koy, xeet fee kaa iinaa.

A kim a tedu ke 107:42

Wiin jofu we a nga’aan soo a mbelakinoox, njofaƭar nuu refna a naag cuxus.

A kim a tedu ke 48:11

Wo Roog, a simat of owe nannooxaa boo no cat adna nen gon of. A ñamaak of kaa may fo o cofel.

A cangatin ale 32:43

Nuun qeet ke, simatyo xeet fee no Yaal oxe. O Yaal oxe kaa rabdinooxaa fo’oy le no dag we ten, a xawaa fañ we ten soo a ɓogdaa saax um fa xeet um.»

Esayi 66:14

Iyo, xan nu nga keene, too a qeeñ nuun xan a ndef no ɗaay, soo xa kiiƈ axe nuun a ñoowatin, nen daaƭ laa na suuƴaa no ndiig.» O Yaal oxe xan a lal dag um a ñamaak um, soo fañ we ten, ta lal a den fuux ɗomu le ten.

Mace 1:20

Ye ta xalaataa kaaga, malaaka no Yaal oxe a feeñooxaan no ƭaaɗ, a layin ee: «Yoseef, o ndaan Dawid, ba o saɗar o xot a Mari fee o toog of, yaam o ƥeenqe ta fudna, no Yiif Tedu le a inooru.

Mbeeñil 11:13

Na waxtu faaga, a jega a yo’nax lanq a cegu doole, too a qaaj xarɓaxayandeer ale na teeru faa a girdooxa. Wiin cuni ɓetuu ƭik a nqona na yo’nax alaaga no lanq ke. Lakas waa koy kaa ndiid’u boo a ƥoxotaa a Roog fee na asamaan o ndam.