Mbeeñil 19:6 - NQAARIIT NE ROOG

⁶ Cinj kaaga, nanaam o ñuxur no faan maak ta fangoortaa nen poofi cegu doole kaa na nqawraa, a saxit nen fangax ƭuuɗ maak. Kaa xaanoogu yee: «Haleluyaa! O Yaal oxe Roog in fee jegna katil, oxe maadooxaa!

Mbeeñil 19:6 Referans Kwoze

A kim a tedu ke 97:1

O Yaal oxe refu o maad, fat adna fee fop a ndef no ɗaay, a pimb ake fop a mbelakinoox.

Mbeeñil 14:2

Nanaam o ñuxur olaa inoorna na asamaan, a jibtaa nen poofi maak kaa na nqawraa, a fangoortaa nen ƭuuɗ maak. O ñuxur ole nanuuma kaa nandtoogu itam nen o ñuxur no riiriiti waa na nqilimbaa.

Mbeeñil 19:1

Cinj kaaga, nanaam o ñuxur o maak ta inoor no faan no wiin mayu na asamaan, a xaanaa yee: «Haleluyaa! Roog in kaa muclaa! O ndam fa katil a ngelaan!

A kim a tedu ke 99:1

O Yaal oxe refu o maad, fat qeet ke a send. Pindel yeeyetax ndeegooxu uum-maamaad le ten, fat lanq ke a ngiiƈ-ngiiƈin.

A kim a tedu ke 93:1

O Yaal oxe refu o maad, kaa rokoox o magnel, a humnoox doole. Lanq ke kaa saƭik koŋ boog too sendkee muk.

Mbeeñil 6:1

Cinj kaaga, ga’aam o Mbaal onqe a ñaƥtaa o leng na xa ñaas ɓetaa ƭaq axe. Nanaam itam leng no pindel nahik ke a fangooraa nen ƭuuɗ. Kaa layoogu yee: «Gari!»

Mbeeñil 1:15

a caf um a telelaa nen xanjar faa naayneena na fiɗel boo a xawnel. O ñuxur um koy kaa fangoortoogu nen poofi cegu doole kaa na nqawraa.

Heseki’el 1:24

Nanoogaam fangax le na nafir ake den yaa da ƥeroogna, ta nandtaa fangax poofi cegu doole mbaat le no ñuxur no Cegu katil oxe. Fangax combol a reeƭu nen fangax a yaj no xiixire. Boo da ngeenoox’ina, a mbudnooga a nafir ake den.

Mbeeñil 21:22

Ga’iim Mbind Roog leng kam teeru fee, yaam o Yaal oxe Roog fa njegu katil fee refu Mbind Roog um, ten fo o Mbaal onqe.

Mbeeñil 12:10

Cinj kaaga, nanaam o ñuxur o maak olaa inoorna na asamaan, a layaa yee: «Ndiiki koy, a muc ale a fadiida, yaam Roog in a feeñla katil ne no Maat um. O Muumucil oxe ta regitna a feeñla sañ-sañ fee ta jegna, yaam o caajamb oxe geenoox’ina mbaambir Roog, a jambaa fog gimu we in ñaal fo yeng a foore tafil.

Mbeeñil 8:5

Cinj kaaga, malaaka fee a janga o njaq onqe, a naqit fiɗel no sadaxand ole, a yipin teen bo ta may, soo a deɓin a lanq. Naaga, a jeg’a ƭuuɗ fo fangax fo xa kiiñaand fo a yo’nax lanq.

Mbeeñil 4:5

Xa kiiñ fo fangax fo ƭuuɗ a sutoortooga no gamb no maad le. Xa cam ɓetaa ƭaq a ngeƥand’e mbaambir gamb no maad le. Xa cam axeene ndeeƭu a yiif ɓetaa ƭaq ake Roog.

Heseki’el 43:2

Maaga, ga’aam o ndam onqe Roog fee Isra’el, ta inoortiidaa no batand. O ñuxur ole ten kaa nandtoogu fangax poofi cegu doole, lanq ke fop a may fo o ndam onqe ten.

Esayi 52:7

Ndaw o jaf o mosu took xa coong axe, no xaa na yegnitaa yegil mbaax! Kaa yegnitaa jam fa baneex fo a muc, soo a layang, wo Siyoŋ ee: «Roog of refu o maad of.»

A kim a tedu ke 97:12

Nuun jofu we, mbelakinooxyo no Yaal oxe too simat gon tedu um.

A kim a tedu ke 77:18

A eel ake a yurdiida poofi, asamaan fee a jibin ƭuuɗ, soo xa kiiñ axe wo a yetaa o saax oo saax.

Ke bindeena no xe ne’eena YOB 40:9

Ndax doole of a foda fa fee Roog, o ñuxur of a fangoortaa nen ƭuuɗ ke ten?

Yeremi 51:48

Asamaan fee fo lanq ke fo fop ke refna na den xan a ƈeel, yaa yaayaq we a songkaa a Babilon. No ɓemb-roog o janoon a inoortiidkaa.» O Yaal oxe layun.

A kim a tedu ke 47:7

Nqaanyo a Roog, nqaaneenoo. Nqaanyo o maad in, nqaaneenoo,

A kim a tedu ke 47:2

Nuun qeet ke fop, mboxyo, njibnan a Roog xa soroxole,

Mace 6:13

too ba o waas a in, i ndok no mbog, ndaa mucli a in no paaxeer oxe. [Yaam wo jegu maat fa katil fo o ndam bo na moos boo moos. Amiini.]›

Mbeeñil 1:8

O Yaal oxe Roog kaa tee: «Mi refu Alfa fa Omega, o eetaand oxe fo o palakaand oxe, ref oxe na maadaa fo xe reeƭna fo xe na garaa, o Cegu katil oxe.»

Mbeeñil 19:4

Maaga, maak qarɓeen ƭik fo maak nahuk we fo pindel nahik ke a ndalfooxa o ngooknoox, a mbaɗoox a Roog fee moofna took gamb no maad le. Kaa nqaanoogu yee: «Amiini! Haleluyaa!»