Mbeeñil 19:4 - NQAARIIT NE ROOG

⁴ Maaga, maak qarɓeen ƭik fo maak nahuk we fo pindel nahik ke a ndalfooxa o ngooknoox, a mbaɗoox a Roog fee moofna took gamb no maad le. Kaa nqaanoogu yee: «Amiini! Haleluyaa!»

Mbeeñil 19:4 Referans Kwoze

Mbeeñil 5:14

Cinj kaaga, pindel nahik ke a ndoona yee: «Amiini!» Maak we o mat a ngooknoox, a mbaɗooxaa.

A kim a tedu ke 106:48

O Yaal oxe Roog fee Isra’el a hela gidmel bo na moos boo moos, too fat xeet fee fop a lay ee: «Amiini! Haleluyaa!»

Nehemi 8:6

Esdaraas a gidma o Yaal oxe Roog fa maak fee, soo xeet fee fop a yoɗ xa ƥay, a ndoon ee: «Amiini! Yaasam ta jegit neene!» Cinj kaaga, a ƈuuga, a ngung a lanq mbaambir no Yaal oxe, ndax da mbaɗooxin.

Mbeeñil 19:1

Cinj kaaga, nanaam o ñuxur o maak ta inoor no faan no wiin mayu na asamaan, a xaanaa yee: «Haleluyaa! Roog in kaa muclaa! O ndam fa katil a ngelaan!

Mbeeñil 15:7

Leng no pindel nahik kaa a cooxa malaaka ɓetuu ƭik kaa fo mbeeƭ ɓetuu ƭik wurus naa mayna muut fo fuux le Roog fa ñoow jok fee na refkaa boo faw.

Yeremi 28:6

a lay ee: «Amiini! Yaasam o Yaal oxe a fi neene! Yaasam o Yaal oxe a fadin padafuleer ke yegnitoona, a nomtitiid Babilon boo no mbiñ onqene tig oo tig ke no Mbind ne no Yaal oxe fo fop we ƥis’eena took o hup doole.

A kim a tedu ke 89:52

O Yaal oxe, fañ we wo kaa mbenaa rek, kaam ee kaa mbenaa o jaf ole oxe ɗuumoona a ñaaƴna.

A kim a tedu ke 72:19

Gon um jegu o ndam a hela simateel boo cay! Fat lanq ke fop a may fo o ndam um! Amiini! Yaasam ta jegit neene!

A kim a tedu ke 41:13

Damtaxamo, yaam ne ñakuuma ƥanjel, soo dalnaam mbaambir of boo kili.

Nehemi 5:13

Cinj kaaga, yo’naam njiba ne no sabadoor ne mi, lay ee: «Neeke Roog a yo’nitkaa o kiin oxuu damkeerna a tegit aleene, ta ñak mbind um fa halal um. Neeke a yo’nitkeel soo a xaƴel o ƥor!» Mbokatax ne fop a mbalalooxa yee: «Yaasaam ta jegit neene!» Cinj kaaga, a simata o Yaal oxe soo a mbi ke da ndegit’ina.

1 Caloori ke 16:36

O Yaal oxe Roog fee Isra’el a hela gidmeel bo na moos boo moos! Maaga, xeet faa fop a laya yee: «Amiini!», soo a simat o Yaal oxe.

1 Korint 14:16

Yaam a reftangee neene, too o xeɗaa fo yiif soom, nam o kiin sang um sang um oxe a waagu o doonit ee: «Amiini!» too andee ke xeɗoona, a refangaa sax ee kaa o gidmoogu a Roog?

Mace 28:20

too njangin a den da ngay ke hebluuma fop. Mexey fa nuun bes fuu refna boo maa adna fee a daykaa.»

Mace 6:13

too ba o waas a in, i ndok no mbog, ndaa mucli a in no paaxeer oxe. [Yaam wo jegu maat fa katil fo o ndam bo na moos boo moos. Amiini.]›

A kim a tedu ke 104:35

Yaasam baabakaad we a ñuf no lanq ke, soxodu we a mooc teen! O laaw es, simati o Yaal oxe! Haleluyaa!

Mbeeñil 19:3

A ndakooxahina o nqaan ee: «Haleluyaa!» Fo suun ole no dox ole na teeru fa maak feene oxe yoɗooxaa bo na moos boo moos.

Mbeeñil 19:6

Cinj kaaga, nanaam o ñuxur no faan maak ta fangoortaa nen poofi cegu doole kaa na nqawraa, a saxit nen fangax ƭuuɗ maak. Kaa xaanoogu yee: «Haleluyaa! O Yaal oxe Roog in fee jegna katil, oxe maadooxaa!