Mbeeñil 19:3 - NQAARIIT NE ROOG

³ A ndakooxahina o nqaan ee: «Haleluyaa!» Fo suun ole no dox ole na teeru fa maak feene oxe yoɗooxaa bo na moos boo moos.

Mbeeñil 19:3 Referans Kwoze

Esayi 34:10

Xan a kaƥaa ñaal fo o yeng, fo suun ole a naag kur, a yoɗoox boo kujumaani cay. Saax le xan a fes a pec no suk boo no suk, too o leng reefkatee teen boo muk.

Mbeeñil 18:18

Kaa mbuuqoogu ye da nga’na fo suun ole no dox ole ten ee: «E koon, teeru faa nandna nen a teeru fa maak feeke mosee o jeg muk!»

Mbeeñil 18:9

Maad we na adna fee seeqna fo ten, a neqit no ten, xan a naang ciic a lool, a ƭomatoox yaam saax leene, yaa da nga’kaa fo suun ole no dox ole ten.

Mbeeñil 14:11

Maaga, fo suun ole na fiɗel le na toroxandaa a den xan a naag kiw a yoɗoox boo xoo. We na mbaɗooxaa a Ɓaanoor fo nitaal um koy, fo xuu andoona yee a daawa o ñaas ole no gon um, weene fop njegkee a ñootnax ñaal fo o yeng.

Mbeeñil 19:1

Cinj kaaga, nanaam o ñuxur o maak ta inoor no faan no wiin mayu na asamaan, a xaanaa yee: «Haleluyaa! Roog in kaa muclaa! O ndam fa katil a ngelaan!

Mberaand 19:28

A deɓa a kid um farna fa Sodoom fa Gomoor fo no jegel ole na xa saawit axe fop, soo a ga fo suun olaa nandna nen fo suun ndoxan a yoɗoortaa no lanq ke.

Yudaa 1:7

Mbetandooxyo itam a Sodoom fa Gomoor fo teeru lakas ke mbidna a den, andoona yee kaa ndeɓoox’u no caasaay, a seeqaa nen malaaka keene. A qaw ale no fiɗel le na refkaa boo faw a dala took den. Neene a ndefata a lalgand ale cooxeena wiin we fop.

A kim a tedu ke 104:35

Yaasam baabakaad we a ñuf no lanq ke, soxodu we a mooc teen! O laaw es, simati o Yaal oxe! Haleluyaa!

Mbeeñil 19:4

Maaga, maak qarɓeen ƭik fo maak nahuk we fo pindel nahik ke a ndalfooxa o ngooknoox, a mbaɗoox a Roog fee moofna took gamb no maad le. Kaa nqaanoogu yee: «Amiini! Haleluyaa!»