Mbeeñil 19:11 - NQAARIIT NE ROOG

¹¹ Cinj kaaga, ga’aam asamaan fee a wetoox, too pis bari a feeña. Oxe ŋaay’uuna koy Gor fo Ndigil a ne’e. O cofel a hate’taa, a maafriteel o ten.

Mbeeñil 19:11 Referans Kwoze

A kim a tedu ke 96:13

mbaambir no Yaal oxe, yaam oxe garaa. Oxe garaa, ndax ta hate adna fee. Xan a maadooxanit adna fee o cofel, qeet ke, ta maadooxanit a den ngor um.

Mbeeñil 6:2

Ɗeetaam too ga’aam pis bari, oxe ŋaay’uuna a saq a qali. Ga’aanum ta rokel o ndip. Naaga, a reta nen mbir ndax ta maaf.

A kim a tedu ke 98:9

mbaambir no Yaal oxe, yaam oxe garaa, ndax ta maadoox took lanq ke. Xan a maadooxanit adna fee o cofel, qeet ke, ta maadooxanit a den a ƭat.

Mbeeñil 3:14

«Bindanaam a malaaka fee na yetooxaa mbokatax ne no gimu we kam teeru faa Lawodise yee: ‹Fa lay feeke kaa inoor no xe refna Amiini. Kaa ref itam o seede o kore’u xe fo o tefu ndigil oxe, ke Roog a sakna fop a hat no ten.

A kim a tedu ke 50:6

Asamaan kaa yegnitaa o cofel um, yaam Roog refu o Kaahate. A maaf

Yeremi 33:15

No ñaal kaaga fo no camaane kaaga, xam looƴin no kurcala le Dawid dugatin jofu laa na ñaaƴinkaa a ƭat fo o cofel kam saax le.

Esayi 32:1

Xan a jeg o maad oxaa na maadooritkaa o cofel, soo gelwaar we ten a adoorit a ƭat.

Mbeeñil 4:1

Yaa kaaga a faafna, ga’ahinaam begax naa wetooxna kam asamaan. O ñuxur ole eet’uuma o nan, kaa fangoortoogu nen a luuƥ. Kaa lay ee: «Ŋaayiidi mene, too xam lalong ke warna o xew a cinj keene.»

Mbeeñil 3:7

«Bindanaam a malaaka fee na yetooxaa mbokatax ne no gimu we kam teeru faa Filadelfi yee: ‹Fa lay feeke kaa inoor no Tedu xe refna Ndigil ne itam. Ten saqu o jaafu le Dawid, a ref oxe na wetaa, too o leng wegkee, a ref itam oxe na wegaa, too o leng waagkiran o wet.

Esayi 45:21

Nga’iryo a ndeer nuun, yegnitin soo lambnin. An yegnit’u yaaga ke na xewaa ndiiki? Mee ndax mi o Yaal oxe yoo! Jegee roog fa lakas faa jolna mi, roog fa njofu faa na muclaa jegee, a refangee mi.

Mbeeñil 1:5

fo na Yeesu Kiristaa, refna o seede kore’u xe, a ref oxe eetna o xontoox a ndeer no xon we fo o kelwaar oxe no maad we na adna fee! Kiristaa kaa fex a in. A wata a in no pakaad ke in na pexey fo’oy um.

A kim a tedu ke 99:4

Wo o maad oxe fexna a ƭat, fat doole of a simatel. Wo saxnu meen a ƭat, ñaaƴnaa no mbind Yakoob a ƭat fo o cofel.

YEGIL MBAAX NE YEESU ne Saŋ a bindtuuna 14:6

Yeesu a doonaan ee: «Mi refu a ƭat ale fo ndigil ne fo o ñoow ole. O leng waagee o fad me Faap fee, too reeftee na mi.

Heseki’el 1:1

No hiid qarɓeen tadkandeer ole, no ñaal ƥetkandeer ne no nqool o nahkandeer onqe, reeƭaam paam o xuluɓ olaa Kebaar, a ndeer no we ƥis’eena took o hup doole. Asamaan fee a wetooxa, too ga’aam peeñil katu na Roog.

Mbeeñil 11:19

Maaga, Mbind Roog ne na asamaan a dalfooxa o wetoox, soo arka ne no ngiɓoor ne a feeñit kam fee. A jeg’a xa kiiñaand fo pangax fo ƭuuɗ fo a yo’nax lanq fo a teƥ a kalam a ƥuuɓu.

Sakari 1:8

Kam o yeng ole, daawaam mbeeñil nene: Ga’aam o koor oxaa ŋaayna pis jakeer soo a geenoox a ndeer pafid mirti kam a yulanq, too a jeg’a a cinj um pis jakeer fo oldu fo bari.

A sutax ale 15:3

O Yaal oxe o qir o say oo, ten jare o ne o Yaal oxe.

YEGIL MBAAX NE YEESU ne Saŋ a bindtuuna 1:51

Yeesu a doona taaga yee: «No ndigil, no ndigil, xan nu nga’ataa asamaan a wetoox, soo malaaka ke Roog a ŋaayaa, a mbudooxaa me o Ƥeenqe no kiin oxe a refna.»

Mbeeñil 19:19

Cinj kaaga, ga’aam a Ɓaanoor fo maad we na adna fee fo a yaj no yaal kumnax den a mbokatoor, ndax da ñoxor fo Xe ŋaay’ina bari ne fo yaal kumnax um.

Mbeeñil 19:21

Lakas we koy, laƥ ne sutooroogna no don ole no xe ŋaay’ina bari ne a mbarit’e, soo a tud ake fop a ndef no seeñaa xa tal den.