Mbeeñil 19:10 - NQAARIIT NE ROOG

¹⁰ Dalfooxaam o naag giriƥriƥ na caf um ndax um faɗooxin, ndaa a layaxam ee: «Jaɓino o fi! O tag rek refum nen a wo fo nen we fogtoona o ngim na seede’anaa a Yeesu. Roog soom helu o faɗooxel!» Ndigil ne Yeesu a feeñilna na laynooraa duleer we.

Mbeeñil 19:10 Referans Kwoze

YEGIL MBAAX NE YEESU ne Saŋ a bindtuuna 5:39

Kaa nu ƥaalaa a Pind a Tedu ke, yaam mboog ee na den nu mbaagu o njegit o ñoow o fagkeer. Den na seede’anaxam toox de!

Hebre 1:14

Xar malaaka ke a ndefu? Den fop a yiif akaa na mbaɗooxaa a Roog a ndefu, ta lulaa a den ndax da ƥisaa o ndimle me no we na ndaawkaa a muc ale.

Mbeeñil 4:10

maak qarɓeen ƭik fo maak nahuk we a ndalfooxooga o ngooknoox mbaambir no xe moof’ina took gamb no maad le, a mbaɗooxaa oxe na ñoowaa bo na moos boo moos, a mbolaa fo ndip ne den mbaambir gamb no maad le, soo a layaa yee:

Mbeeñil 12:17

Maaga, Niŋki-naŋka a fuuxana o tew oxe, too a reta a ñoxorik fo we yoq’ina na xa taan um, ndefna we na ngeekaa kebil ke Roog, too a ndam no ndigil ne Yeesu a feeñilna.

Mbeeñil 12:11

Fog gimu we in a maafaan yaam fo’oy le no Mbaal onqe fo ndigil ne da seede’oogna. Mbex’ee itam o ñoow den boo a tax da saɗar fa nqon.

1Saŋ 5:10

Oxe gimna no Ƥeenqe Roog, a jega seede feene kam um. Oxe gimeerna na Roog, a fi’aan o maamaaɓ, yaam gimee seede fee Roog a seede’anna o Ƥeem.

Hebre 12:25

Yetooxyo boog! Ba nu mbañ o nan-giloox oxe na layaa fa nuun. We mbañ’ina o nan-giloox oxe cooxoogna a den yaaga a maƭax a katu na Roog, ndaɗ’ee a qaw ale. Yaaga boog, i mbaagkee o ndaɗ, yaa i mbesna a cinj oxe fodna took asamaan, a layaa fa in.

Mace 4:10

Maaga, Yeesu a layaan ee: «Saytaane, goƭaam! Yaam a binde yee: ‹O Yaal oxe Roog of soom waro faɗoox too dagooxan.› »

A sutax ale 34:14

Nu ngungkee mbaambir roog fa lakas, yaam mi o Yaal oxe, gon es refu ‹o Naalu xe›, soo um ref Roog fa naalu itam.

Mbeeñil 14:7

Kaa layoogu fo o ñuxur o maak ee: «Saɗaryo a Roog, too ƥoxotin o ndam, yaam waxtu fee na hate fee ten a fadiida. Fat nu mbaɗoox oxe sakna asamaan fee fo lanq ke fo o maag ole fo xa quluɓ axe.»

Mbeeñil 15:4

O Yaal oxe, an saɗarkeerong boog? Ndi an na fañkang o ɓoxot o ndam? Wo soom tedu. Qeet ke fop xan a mbaɗooxiidong, yaam a pi a cofu ke wo a mbeeñle a qool qac.»

A pi ake 10:43

Duleer we fop a seede’a no ten ee oxuu gimna no ten, a daaw a baasan pakaad no gon um.»

Mbeeñil 1:9

Mi refu Saŋ fee o pog nuun no ngim onqe. Yaam ne i mbogna na Yeesu Kiristaa kaam fog fa nuun na coono fee fo no maat ne fo no ke i cungtaa o muñ. Reeƭaam no fimb laa ne’eena Patmos yaam ne waare’ooguuma fa lay fee Roog, soo seede’anaa a Yeesu.

Filip 3:3

We nqucooxna tigi ndefu in we na mbaɗoortaa a Roog Yiif le ten, in we a tagas in a refna na Kiristaa Yeesu, in weeke ndooneerna yaakaar in no cer.

YEGIL MBAAX NE YEESU ne Lik a bindtuuna 24:44

Cinj kaaga, a laya a den ee: «Kene refu ke layooguuma a nuun, ye maaduuma o refaa fa nuun, ndax ke bind’eena na mi fop kam a safe ke Moyiis fo na safe ke no duleer we fo na Kim a tedu ke a fadnoox.»

YEGIL MBAAX NE YEESU ne Lik a bindtuuna 1:19

Malaaka fee a doonaan ee: «Mi yoo Gaburi’el, na geenooxaa mbaambir Roog. Kaam luliidel me wo, ndax um layong yegil mbaax neene.

Mark 5:22

Maaga, Yayrus fee reeƭna o leng no kelfa ke no mbind a qeƭ naa a gara, a gooknoox na caf um,

2 Maad we 17:36

Mi o Yaal oxe doŋ nu mbaru o mbaɗoox, mi fee sutitna a nuun no saax laa Misira fa katil maak ne mi fo o ɓay o jegu doole le mi. Mbaambir es nu mbaru ngungaa soo ƥoxotaxam sadax.

A pi ake 13:27

We ngenna Yeerusaleem fo aa-adax den anddee a Yeesu. Andid’ee itam fa lay fee no duleer we da njangoogna na bes a ñootnax aluu refna, ndaa a mbadna fa lay den, ye da ƥoxotna a Yeesu.

Dañel 7:10

O xuluɓ fiɗel a balta mbaambir um. Wiin cuni-cuni ndagooxoogun, waa o leng a waageerna o lim a ngeenoox mbaambir um. Maaga, haahate we a moofa, too a safe ke a mbete.

A kim a tedu ke 45:11

Ndoog, rungi nof of, ɗeet too nan-giloox a paax. Weecti xeet of fo mbind faap of.

1Saŋ 5:21

Xa teɓandoong es, mbootooxyo o mbaɗoox ke refeerna Roog.

1 Tesalonik 5:15

Mbootooxyo o ndabdinoor ƭomu, ndaa naangyo o mbaaƭaa paax a ndeer no gimu we fo a ndeer no wiin we fop.

Efees 5:15

Mbootooxyo a paax boog na ñaaƈnooƭ nuun. Ba nu ndef nen waa ñakna o and ndaa nen jegu o and.

2 Korint 8:7

Ne nu njegna halal no fop, ta ref o ngim onqe fo fa lay fee fo o and ole fo o jaflax no fop fo o mbeq onqe nu njegna na in, neene itam nu mbaru o ngoorgoorlooxit no calel paaxu keene.

Mark 7:25

O tew oxaa jini a dam’ina o ƥeem o ndew, a nana wiin we a laytan, too a gara a gooknoox na caf um.

Efees 5:33

Kaa koy, a wara na nuun itam: O kor oxuu refna a wara o fex o teem, ne ta fexitna a xoox um, too o tew oxuu refna itam a wara o niw o kor um.

Dañel 2:46

Maaga, o maad Nebukadnesaar a deɓooxa na caf Dañel, a gung mbaambir um soo a simit ta ɓoxotel sadax fo qeeñe-xeeñe.

Mbeeñil 1:1

Safe leeke refu ke Yeesu Kiristaa a feeñilna. Roog ci’un o ten, ndax ta lal dag we ten ke na xewkaa no miñeer. Keene koy, Kiristaa a andnooraan a Saŋ fee o tag um, ye ta luliidna malaaka um me ten.

Mbeeñil 19:9

Malaaka fee a layaxam ee: «Bindi yee: We nqureena na put ngulook ale no Mbaal onqe a ƭaaya!» Cinj kaaga, a ɓaata teen ee: «Fa lay feeke ndigil kak oo, Roog layun.»