8 Ten taxu, no ñaal leng kut taamaala ke ta geekaneena a ndalkan. Den ndefu jir waawar fo ñaawax fo biim. A koom xan a saŋkitel fiɗel. Yaam o Yaal oxe Roog fee hate’uuna a maya katil.»
Kaa koy, mi o baawat den, jegaam katil, mi fee gon es a refna o Yaal oxe Hupna fop. Xam farit a den, ndax um ci saax le o yaadax, soo jaaxland we ngenna Babilon.»
Xa can xarɓaxay axe fa Ɓaanoor fee ga’oona, xan a sib a caga le, a nguytin, a nqaƴin o ƥor. Cinj kaaga, xan a sanqin, soo ke na yoqkaa no cer um da ndoxin na fiɗel bo tee riw.
Kaa isdoogu fo ut took a qoox den, a loolaa, a ƭomatooxaa soo a mbuuqaa yee: «Sabab! Koo ndaw sabab na teeru fa maak feeke. Na halal fee ten we njegna a kaal no maag ole fop a njegtu halal. Na waxtu fa leng kut a ñaka fop.
A ɓaata teen itam ee: «Saŋe ke na Babilon fa maak fee xan a njiƭtel, begax ciig ke ten a ndaaɓel. Neene, ke qeet ke a njalna, xan a ref kasaara, a saax ake a nqijan fiɗel le.»
Na waxtu fa leng kut halal fee ten fop a sooƴa.» We adooxan’ina a kaal ake fo ñaañaaƴ we, maamaag we fo we ngaɗ’ina o ñoow den no maag ole kaa mbod’u koƭu.
A koom, xan o Yaal oxe a xot laƥ maak mbeelu njegu doole ne ten, a xaw a Lewiyatan, mbangool ne na ƴufaa too a xuyaa, a war a Niŋki-naŋka feene kam o maag ole.
O Yaal oxe xe fangnaa o ñuxur um mbaambir xiixire um. A yaj um kaa magin lool, we na mbadnaa fa lay um a njeg doole. Ñaal ne no Yaal oxe kaa magin too a saɗarnoox. Ndi, an na waagkan o haŋ?