Mbeeñil 18:6 - NQAARIIT NE ROOG

⁶ Mbesooryo fa Babilon ne ta fesooritna fa nuun, ndabdin boo a caf a ƭak ke ta fi’na a nuun. Yipyo o mbeeƭ onqe ten a yer alaa moƴna o xaaɗ a caf a ƭak a yer ale ta fi’an’ina a nuun.

Mbeeñil 18:6 Referans Kwoze

Yeremi 50:29

Nqoyanyo a Babilon xaaxaƴ a qali we, fop we ndefna ɗana! Ndalyo me widuuna, ba o leng a daɗ. Ndabdeenoo a pi um, mbi’in deŋ ne ta fi’na lakas we! Kaa lalit o felnax um paam o Yaal oxe, paam o Tedu xe Isra’el.

A kim a tedu ke 137:8

Wo o ndoog onqe Babilon na gefkeel tuƈ, oxe na doonkang leng kut ke doon’oona a in, a ɗaaya.

Yeremi 50:15

Njibinyo o saax oo saax o wuuq xire took um! Babilon a ɓoxotooxa! Taax-took ke ten a ngaakooxa, tabax ke ten a njiƭtoox, yaam ndabdinax no Yaal oxe yoo. Ndabdinooxyo took um, mbi’in ke ta fi’na lakas we.

Mbeeñil 16:19

Babilon, refna teeru fa maak faa a xaajooxa a qaaj a tadak, teeru ke na saax ake a yen. Neene Roog a dalfooxu o wetandoorit a Babilon fa maak fee, ndax ta yernin o mbeeƭ biiñ onqe yipna fuux sumu le ten.

Mbeeñil 14:10

oxaaga kiin xan a yer na biiñ fee no fuux le Roog. Biiñ feene koy julaand tus, too Roog kaa yipan no feeƭ ole saqna fuux le ten. We na mbesooraa neene koy, xan a toroxandel kam fiɗel laa fo nqeen kaa mbaambir malaaka tedu ke fo mbaambir no Mbaal onqe.

Yeremi 51:24

Xan nu nga ne um rabditkaa a Babilon, fop we ngenna Kalde, paaxeer ke da mbi’na a Siyoŋ. Mi o Yaal oxe layun.

Mbeeñil 17:4

O tew oxe koy kaa rokoox’u ndoki daalde mosu, soo a yipoox wurus fo a ƥil a cafeñu a mosu fo xa peme. A deegoox’a itam o mbeeƭ wurus onqaa mayna fo cednooxu ƥor ke ta seeqtaa.

Sakari 9:12

Nuun faɗ we njegna yaakaar, nomtooxyo no mbiñ o mbooru nqe nuun! Xaye sax mexe layaa a nuun ee xam rabid a nuun coono nuun boo a caf a ƭak.

Yeremi 17:18

Yaasam ñaañagadil we mi a sed, mi o mat ba um sed. Yaasam da mbiriɓ, mi o mat ba um firiɓ. Garti took den ñaal taamaala, yaq a den pic.»

Yeremi 16:18

Xam eet o rabid a den boo a caf a ƭak tooñ den fo pakaad den, yaam kaa maasandit saax le mi nitaal cakalaaru qonu ke den soo a mayƭandit mbaaxaan ne mi roog tefee ndigil cednooxu ke den.»

2 Timote 4:14

Aleksaandar o paal o tafax oxe a fi’axam ƭomu, ndaa xan o Yaal oxe a rabdin a pi um.

Yeremi 51:49

Babilon a warnoora wiin mayu kam adna fee fop. Ndiiki koy, ten yoqte no njom ne yaam xon we Isra’el ta warnoorna.

Mbeeñil 17:2

Maad we na adna fee a seeqa fo ten, soo we ngenna na adna fee a mbay fa biiñ fee ten refna ceeq.»

Mbeeñil 13:10

Oxuu jagandaneena mbaƭ, xan a ref o paɗ. Oxuu jagandaneena o wartel laƥ, xan a wartel laƥ. Ten taxu we mbogna na Roog a mbara o lalit o saƭkel fo o ngim.»

Esayi 40:2

Ƥutandyo kam Yeerusaleem, yegneenoo yee coono um a naaga tak, ta waasanel tooñ um, yaam a daawta no ɓay no Yaal oxe ndabid pakaad um boo a caf a ƭak.»

Esayi 61:7

Me gaci nuun a reeƭna, xan nu mbelakinoox maaga a caf a ƭak, xa ƈeel a ndef a las nuun ee a neewandax, nu ndaaw a las a ƭak no saax nuun nen su’nit, too xan nu ñoowataa no ɗaay o fagkeer.

A kim a tedu ke 28:4

Rabdi a den mbef den, paaxeer ke da mbi’na a sagoox a den, da muudoor jale den, a ndaaw ndabid ne helna a den.

Mbeeñil 18:20

Ten taxu wo asamaan, felakinooxi! Nuun we mbogna na Roog fo apootar we fo duleer we, kaam ee mbelakinooxyo, no ne Roog a hate’na teeru feene yaam ɗom le ta fi’na a nuun.»

A ƭomatax ake 3:64

O Yaal oxe, ɓoxoti a den ndabid jale na xa ƥay den!