Mbeeñil 18:4 - NQAARIIT NE ROOG

⁴ Cinj kaaga, nanaam o ñuxur o lakas a inoortiid na asamaan, a lay ee: «Nuun xeet es, sutooxyo teen, ndax nu mbogkee no pakaad ke ten, soo njeg a las no taamaala ke naruuna o ndal,

Mbeeñil 18:4 Referans Kwoze

2 Korint 6:17

Ten taxu o Yaal oxe a lay ee: «Nu mbara njangoox a den, soo nqaajoor fa den. Ba nu nduq dara kaa xoolaƭarna, too yaaga xam dalin a nuun.

Yeremi 51:6

Ƈufyo sutoox a Babilon, oxuu refna a mucil o ñis um, ndik nu saŋkoox na qaw ale ten, yaam waxtu a tabdinax no Yaal oxe yoo. Xan a rabdin a pi um.

Yeremi 51:45

Nuun xeet es, sutooxyo me ten, oxuu refna a mucil o ñis um, a daɗ fuux ɗomu le mi, mi o Yaal oxe.

Esayi 52:11

Nuun we saqna ƥaxañ ke kesaneena a paɗax ale no Yaal oxe, njangooxyo, ñof o ndet, sutoox a Babilon, too ba nu nduq dara kaa xoolaƭarna. Ƭofityo nqool, yaa nu sutooxan.

Yeremi 50:8

Ƈufyo sutoox a Babilon, inoox no saax le no Kaakalde we! Qustooryo nen a suk pambe kaa adooxanna ged.

1 Timote 5:22

Fat o fi o ndang yaa o doonaa o kiin xa ƥay, yaam o bug o roxondin o far kam mbokatax ne no gimu we. Ba o ñofandooxin muk, too ba o fokatoor fo lakas we na bakaad den. Yufti a xoox of, waaƭ o tedel.

Esayi 48:20

Sutooxyo Babilon, ñofyo inoox no saax le no Kaakalde we. Yegnityo fo o ɗaay o nan olene boo no cat adna. Yegniteenoo, lambnin too lay ee: «O Yaal oxe a wata a Yakoob fee o tag um.»

A kim a tedu ke 50:18

O ga’angaa o kuuɗ, o xaariitoor fo ten, soo ref o yoon no seeseeq we.

2Saŋ 1:11

yaam o dalnin, o yoon fo ten no paaxeer oo.

Yeremi 51:50

Nuun we ƥostooxna laƥ ne ten, ndetyo, ba nu ngeenoox! Ke nu ngoƭna fop oo, mbetandooxyo o Yaal oxe, too fat Yeerusaleem a ref na qeeñ nuun.

Mace 23:30

Kaa nu layaa itam ee: ‹I njopir’angaa fo daan waa in, i yoonkoogee fa den, ye da mbaraa duleer waa.›

Mberaand 19:14

Lot a reta, a lay fo seemir um we ñaaƴoogna xa ƥeem ee: «Inooxyo, sutoox o mbiñ onqene, yaam o Yaal oxe xan a yaq teeru fene.» Ke ta layoogna koy, kaa dam’u seemir we ten calat.

Yeremi 51:9

Kaa layel ee: «I mbaadna a Babilon, ndaa wodee! Fat i mbaasin pelek, nqaad, oxuu refna no saax um, yaam a qaw um a daawka a asamaan, a yoɗoox boo na eel akaa.»