Mbeeñil 18:21 - NQAARIIT NE ROOG

²¹ Maaga, malaaka fa mayu katil a janga ɓil laa fodirna fo uu-un bele, a deɓin kam o maag ole, a lay ee: «Neene o mat, Babilon, teeru fa maak fee a riimitkaa fa doole, too o leng doonkatiran a ngid boo muk.

Mbeeñil 18:21 Referans Kwoze

Heseki’el 26:21

Xam fi’ong o refat kaa na diidlandaa, too refkatiro tus. Xan o waaƭeel ndaa ga’kaandee muk. Mi o Yaal oxe na refkaa boo faw layun.»

Mbeeñil 5:2

Maaga, ga’aam malaaka njegu doole naa falalooxoogna a maak ee: «An jombeeru o ñaƥit xa ñaas axe, soo a dorit a kayit ale boog?»

Mbeeñil 20:11

Cinj kaaga, ga’aam gamb no maad maak ran fo xe moofna teen. Lanq ke fa asamaan fee a qicooxa boo a ngoƭ mukit um, nga’ataand boo xoo.

Mbeeñil 18:22

O qaaxaan mbaat o kiigim mbaat o tiiriiti mbaat o luuluuƥ nanitkataand na wo. O caajal o say o leng soƥkataand na wo, too o leng nankatee oxaa na unaa.

Mbeeñil 16:20

A pimb ake fop a ƈufna, too xa coong axe nga’ataand boo xoo.

Mbeeñil 12:8

Kaa koy, Niŋki-naŋka a xawe, too ci’ataand ten fo malaaka ke ten sañ-sañ faa da ndefitna na asamaan.

Dañel 11:19

Cinj kaaga, xan o maad oxe a geleerooxan teeru cegu saŋe ke no saax um, ndaa xan a tolof a yen, a sooƴ boo xoo.

Ke bindeena no xe ne’eena YOB 20:8

Xan a sooƴ nen o ƭaaɗ too ga’kataand sen, a mooc nen mbeeñax o yeng.

Mbeeñil 18:10

Xan a mbod koƭu, yaam a saɗaraa coono ke teeru feene a gomkaa. Kaa mbugko layaa yee: «Ndaw sabab! Koo ndaw sabab! E koon Babilon fa maak, teeru fa mayu katil fee! Waxtu fa leng kut a deyaang ndax o xawel.»

Mbeeñil 10:1

Ga’aam malaaka fa njegu doole fa lakas a fudoortiidaa na asamaan, a huloox eel, soo a ñang-ee-ñang a yooroox xoox um. Mukit um kaa meleƈoogu nen njeeƈ, a caf um a miric-miricnaa nen aal fiɗel.

A kim a tedu ke 37:36

A mooca too reeƭatee meen. Waaƭaanum, ndaa waag’ataand o ga sen.

Nehemi 9:11

Xaajaa o maag ole mbaambir Ii-isra’el we, da nqaañin a ndak no beeru. We ndaaboogna a den o mat, riñaa a den kam qooƭ ke, ne ɓil a riimtaa kam poofi cegu doole.

A sutax ale 15:5

A ndiima kam juwaam fee ne gac a riimtaa, a yag-ee-yag ake a ƭuud a den boo salquƈ.