Mbeeñil 18:16 - NQAARIIT NE ROOG

¹⁶ a lay ee: «Sabab! Koo ndaw sabab na teeru fa maak fee! Kaa rokoox’u sooy fo daalde mosu, a yipoox wurus bo, a may fo a ƥil a cafeñu fo xa peme!

Mbeeñil 18:16 Referans Kwoze

Mbeeñil 17:4

O tew oxe koy kaa rokoox’u ndoki daalde mosu, soo a yipoox wurus fo a ƥil a cafeñu a mosu fo xa peme. A deegoox’a itam o mbeeƭ wurus onqaa mayna fo cednooxu ƥor ke ta seeqtaa.

Mbeeñil 18:19

Kaa isdoogu fo ut took a qoox den, a loolaa, a ƭomatooxaa soo a mbuuqaa yee: «Sabab! Koo ndaw sabab na teeru fa maak feeke. Na halal fee ten we njegna a kaal no maag ole fop a njegtu halal. Na waxtu fa leng kut a ñaka fop.

Heseki’el 28:14

Kaa o reeƭu nen mbindel yeeyetax naa a nafir ake a naangna jad. Diƈ’aaxoong, soo o ref took o joong o tedu le Roog. Kaa o foƭtoogu a caf of ndeer a ƥil a sumu jip ake.

Nahum 2:9

Niniif kaa nand nen mband ngefu naa may’ina fo foofi, ndaa ndiiki koy poofi ke owe mbalwalnaa. Ngeenooxyo! Cungyo! Kaa koy, o leng nomtooxiidee.

Mbeeñil 17:3

Yiif le Roog a gifaxam, soo malakaa fee a ɓisaam na koƥ-a-ƥor alaa. Ga’aam maaga o tew oxaa moofna took Ɓaanoor fa daalde’u fee, a may fo a kon a benir a Roog bo, a saq a qoox ɓetaa ƭaq fo xa can xarɓaxay.

Mbeeñil 18:18

Kaa mbuuqoogu ye da nga’na fo suun ole no dox ole ten ee: «E koon, teeru faa nandna nen a teeru fa maak feeke mosee o jeg muk!»