Mbeeñil 17:8 - NQAARIIT NE ROOG

⁸ Ɓaanoor fee ga’oona a ñoowooga yaaga ndaa maadatee. Kaa nar o sutoor na ngas fiɗel ale, a ɓisel a saŋkook. We ngenna kam adna fee, a kon den a mbind’aandeena kam safe le no ñoow ole, no kaa xotitna no mberaandoong adna, xan a nga a Ɓaanoor. Ɓaanoor feene a ñoowooga yaaga too maadatee, ndaa xan a nomtooxiid. Keene koy, xan a bet a den.

Mbeeñil 17:8 Referans Kwoze

Mbeeñil 17:11

Ɓaanoor fee ñoowoogna yaaga koy too maadatee, ten refu o maad ɓetuu tadkandeer oxe, ndaa a fog’a itam no maad ɓetuu ɗik eetaand we, too xan a ɓisel na saŋkax alaa.

Mbeeñil 11:7

A yegnitangaa nduleer den boo a ƈut, xan Ɓaanoor fee na sutoorkaa na ngas fiɗel ale a song a den, a maaf a den, soo a war a den.

Mbeeñil 3:10

Yaam ne gayoona ke layuuma no kaa farna no saƭkel, ten taxu mi itam oo xam gaynaakong na jamaane fee Roog a toroxandkaa adna fee fop, ndax ta ɗeetloox we ngenna no lanq ke fop.

Mbeeñil 3:5

Oxe na maafkaa, xan a rokoorit neene itam tikoorik tan, too foritkiim gon um no safe le no ñoow ole. Mbaambir Faap es fo mbaambir malaaka ke ten, xam lay ee andaanum nen oxaa fogna na mi.

Mace 25:34

Maaga, xan o Maad oxe a lay we ndefna na ñamaak um ee: ‹Ngaryo, nuun we Faap es a barke’na. Njangyo Maat ne nu njagandan’eena yaaga adna a sogaa feroox,

Mbeeñil 20:12

Maaga, ga’aam xon we, yaal toole fo we neewna doole, da ngeenoox mbaambir gamb no maad le. A jega a safe kaa mbeteena. Safe lakas a wet’e itam, refna ref safe le no ñoow ole. Xon we a ngate’e no ke bind’eena kam a safe ke, oxuu refna na pi um.

Tiit 1:2

a njeg yaakaar ne no ñoow o fagkeer ole regteena yaaga jamaane jegafulee. Roog fee naageerna o maaɓaa regtun.

Efees 1:4

Na Kiristaa Roog kaa jil a in, yaaga sakafulee adna fee, ndax i ted too ñak sik mbaambir um. Kam o mbeq um,

YEGIL MBAAX NE YEESU ne Saŋ a bindtuuna 17:24

Faap, kaam bug muu refuuma we lasaxamoona a moof fa mi, ndax da nga o ndam es, refna onqe ci’axamoona, yaam kaa o fexaam yaaga adna ferooxafulee.

Dañel 7:11

Maad’aam o ɗeetaa, ndax um ga ke na xewkaa yaam fa lay fa magnandooxu fee o njan onqe a layoogna, too ga’aam ee ɓaanoor fa nahkandeer fee a ware, soo cer um a yaqel na fiɗel fa saasu.

Mbeeñil 20:15

Oxuu gon um a bind’aandeena kam safe le no ñoow ole, xan a joorel kam a mbeel fiɗel ale.

Mbeeñil 20:10

Maaga, o ƈiƴ oxe naxoogna qeet keene a joore kam a mbeel fiɗel alaa no nqeen saasu kaa, maa Ɓaanoor fo o tuleer o maamaaɓ oxe a njoor’eena. Xan a toroxandeel ñaal fo o yeng boo faw.

A pi ake 15:18

Keene mat o Yaal oxe a layu, too ten andnoorun no mberaand naa.› »

Dañel 11:45

Xan a sip ƭiif no maad ke ten ndeer o maag ole fo o joong o tedu le no saax le moƴna o mos. Maaga o mat a saayitkaa, too o leng dimle’kiran.»

Dañel 7:26

Cinj kaaga, xan haahate we a moof, soo ngelfa um a jaɓel, ta maafel soo a gefel boo tuƈ.

Dañel 7:7

Ga’ahinaam no mbeeñil ne mi kam o yeng ole ɓaanoor fa nahkandeer fa mbitnooxu, a saɗarnoox too a saq doole fa njegee sen. A ñiiñ njelem a maak a saq’u, a ñaamaa, a listaa ke ta damna soo a dakaa yoqatin ke. Kaa jektir’u fo ƥaanoor eetaand ke fop soo a jeg xa can xarɓaxay.

1 Piyeer 1:20

Roog kaa jil’un yaaga adna sakafulaand, soo a feeñlanin a nuun ndiiki na jamaane fa mbalakaand fee.

A kim a tedu ke 69:28

Gadni a den tooñ fo ngend um, too ba o jofoor fa den muk.

Dañel 7:3

Ƥaanoor nahik magnu a sutoora na juwaam fee, fuu refna a jektir fo ngend um.

YEGIL MBAAX NE YEESU ne Lik a bindtuuna 8:31

Cini kaa a nqeɗooxa a Yeesu, too a layin ee: «Ko ndeeg ba o ɓis a in na ngas fiɗel alaa.»

YEGIL MBAAX NE YEESU ne Lik a bindtuuna 10:20

Ndiiki boog, ba nu mbelakinoox yaam ne cini ke a nananaa a nuun, ndaa mbelakinooxyo yaam ne a kon nuun a mbindeena na asamaan.»

Mbeeñil 17:2

Maad we na adna fee a seeqa fo ten, soo we ngenna na adna fee a mbay fa biiñ fee ten refna ceeq.»