Mbeeñil 17:4 - NQAARIIT NE ROOG

⁴ O tew oxe koy kaa rokoox’u ndoki daalde mosu, soo a yipoox wurus fo a ƥil a cafeñu a mosu fo xa peme. A deegoox’a itam o mbeeƭ wurus onqaa mayna fo cednooxu ƥor ke ta seeqtaa.

Mbeeñil 17:4 Referans Kwoze

Mbeeñil 18:16

a lay ee: «Sabab! Koo ndaw sabab na teeru fa maak fee! Kaa rokoox’u sooy fo daalde mosu, a yipoox wurus bo, a may fo a ƥil a cafeñu fo xa peme!

Yeremi 51:7

Babilon kaa reeƭu a tokol wurus no ɓay no Yaal oxe, alaa waynooroogna adna fa muum. Qeet ke a yera na biiñ fee ten, a njiit.

Mbeeñil 19:2

Kaa hate’taa ndigil fo o cofel, yaam a hate’a a caga maak ale naxtoogna adna fee ceeq.»

Mbeeñil 18:12

Cula keene koy ndefu: Wurus fa xaaliis fo a ƥil a cafeñu a mosu fo xa peme. Kaa njula’oogu itam piis mosu nen sooy fo daalde fo suwaa fo cuup. A njikooxoogahina o xos a qanq a cafeñu fo kaa fi’teena a ñiiñ fa ñiig fo a teex nqool fa xanjar fo njelem fo a ƥil marbar.

A ƭomatax ake 1:9

Ndoƭ ke kaa ndeeƭu na xa noflax axe no ndoki ne ten, too yiif um galag’ee muj um. Njom ne ten kaa betin, too o leng yaaliran. Kaa layaa yee: «Ey, o Yaal oxe, ga’i o ñaat es, yaam o pañ oxe xe fakooxaa!»

Mbeeñil 14:8

Malaaka fa ƭikandeer a reefana fa eetaand fee, a lay ee: «Koo a jiƭtooxa, a jiƭtooxa yoo! Babilon fa maak fee yerinna qeet ke fop biiñ fee ten, refna a yaaw a paaxeer ake na seeqnooraa.»

Dañel 11:38

Ke ta bugko faɗooxaa kañ refu roog fee no teeru cegu saŋe ke, daan um a and’eerna. Xan a niwtan wurus fa xaaliis fo a ƥil a cafeñu fo tig oo tig cegu o njiriiñ.

Heseki’el 24:13

Xoolaƭarandtaa a xoox of o njombe of. Kaam bug’ong o xooland, ndaa taxee o xool. Xoolandkataandee muk no nqoolaƭar ne wo, boo yaa fuux es a jegkaa ne ta bugna took of.

Heseki’el 24:11

Cinj kaaga, deeni a kaleera ƥor ale took a kaagaañ ake, ndax ta sum jip, xanjar fee a yaxig coy, ndoƭ ke ten a nqool qac, nqoy ke a ƥooroox.

1 Maad we 14:24

A jeg’a sax kam saax le goor waa soobooxna no njaga ne ɗeetoogeena nen tedu. Kaa laaloogu a pi a cednooxu ke no qeet ke o Yaal oxe a rax’ina mbaambir Ii-isra’el we.

Hoose 9:10

O Yaal oxe kaa tee: «Ga’aam a Isra’el nen xa biiñ kam a koƥ-a-ƥor, ga daan we nuun nen xa tun xa peraand. Kaa koy, ye da mbadiidna Baal-Pe’oor rek, a soobooxa no mbaɗooxaa a Baal fa sednooxu feene, soo a ndefat cednooxu den fa qoox den nen o fes den oleene.

Esdaraas 9:11

dalnan’oona a in na pexey duleer we dag of, ye layoona yee: ‹Saax le nu ndokkaa, ndax nu njegin, kaa roɗgandtel nqoolaƭar ne no qeet ke no jegel oleene mayƭandtuuna bo ta xet a pi a cednooxu ke den.

Heseki’el 20:30

Ten taxu layi mbind Isra’el ee: Keeke o Yaal oxe na refkaa boo faw a layu: Ndax nu nqoolaƭarandoortee nen daan we nuun soo njaga’aa yaa nu ndeefaa roog cakalaaru ke den?

2 Maad we 21:2

Manaase a fi’a kaa faaxeerna na kid no Yaal oxe, a sooboox na pi a cednooxu ke no qeet ke o Yaal oxe a rax’ina mbaambir Ii-isra’el we.

Heseki’el 36:25

Xam wiis took nuun foofi fo xoolu, too xan nu nqoolandel. Xam xooland a nuun no ndoƭ ke nuun fop fo no nitaal roog cakalaaru ke nuun.

A cangatin ale 29:17

Baa ta jeg a ndeer nuun we ndefna mene xaye o koor mbaat o tew mbaat a qaw mbaat a carind alaa xeeñ um a fesna o Yaal oxe Roog in a cinj, ndax ta faɗook roog ke no qeet keene. A jegangaa a ndeer nuun, xan a ref nen a paƴ alaa na saxaa, a rim xa tim ndali, a ref nen ndoxar.

Esayi 66:3

Oxe na sadaxtaa nqoox soo a war itam o kiin, oxe na sadaxtaa mbaal soo a gef itam o ɗuk o ɓox, oxe na sadaxtaa tuufe-duufe soo a ɓoxot itam fo’oy ruul, oxe na doxaa cuuraay soo a faɗooxaa itam pangool ke, weene wiin a ƭat ale felna a den a njilu. Feek paaxaƭaru keene felu a den,

Heseki’el 28:13

Kaa o reeƭu kam Edeen, a ƭing ale Roog. Kaa o muuroox’u fo a ƥil a cafeñu akuu ndefna: sarduwaan, topaas, jamaa, kirisolit, onik, yaspe, safiir, eskarbuukle, emerod fa wurus. A ñal ake wo fo a liit ake wo, wo a ndefan’u, a njagandan’el bes fee sakee’oona.

Mbeeñil 9:21

Wiin weene koy, mbes’ee a cinj barir fo pan fo ceeq fo kuuƭ.

Mbeeñil 21:21

Begax xarɓaxay fo begax ƭik ke koy, xa peme xarɓaxay fo xa peme xa ƭaq a ndeeƭu. Begax nuu refna o feme o leng a fi’te. A qal ale na teeru fee koy, wurus tigi faa na ɗeetooraa nen o weer a reeƭu.