Mbeeñil 17:3 - NQAARIIT NE ROOG

³ Yiif le Roog a gifaxam, soo malakaa fee a ɓisaam na koƥ-a-ƥor alaa. Ga’aam maaga o tew oxaa moofna took Ɓaanoor fa daalde’u fee, a may fo a kon a benir a Roog bo, a saq a qoox ɓetaa ƭaq fo xa can xarɓaxay.

Mbeeñil 17:3 Referans Kwoze

Mbeeñil 12:3

O anddiloor o lakas a feeña na asamaan itam. Niŋki-naŋka maak yaxgu coy a reeƭu. Kaa jeg a qoox ɓetaa ƭaq fo xa can xarɓaxay, a rokoox o ndip took xoox luu refna.

Mbeeñil 17:18

Kaa jolna keene, o tew oxe ga’oona refu teeru fa maak fee na maadooxaa took no maad we na adna fee.»

Mbeeñil 12:6

O tew oxaa koy a ƴufa kam a koƥ-a-ƥor alaa, maa Roog a jagandan’uuna, ndax ta ñoowaa maaga boo ñaal juni fo ñaal teemeed ƭik fo ñaal qarɓeen ɓetuu fa leng.

Mbeeñil 17:4

O tew oxe koy kaa rokoox’u ndoki daalde mosu, soo a yipoox wurus fo a ƥil a cafeñu a mosu fo xa peme. A deegoox’a itam o mbeeƭ wurus onqaa mayna fo cednooxu ƥor ke ta seeqtaa.

Mbeeñil 12:14

Maaga, o tew oxe a dufane a nafir a ƭak ake inoorna na canjiik a maak ale, ndax ta yetaa maa ta ñoowitkaa boo xa kiid xa tadaq fa genwal kam a koƥ-a-ƥor alaa. Neene, o tew oxe a goƭata a Mbangool.

Dañel 7:25

Xan a lay paaxeer no xe Took-ee-took, a toroxand tedu we ten, a fexey o supit a pe ake fo kebil ke, too xan tedu we a ƥoxotel na xa ƥay um boo xa kiid xa tadaq fa genwal.

Dañel 7:20

Laamtoogaam itam no kaa farna na xa can xarɓaxay axe ɓaanoor fee a jeg’ina no xoox um fo no njan onqe sax’ina, soo xa can xa tadaq a mbuuroorit mbaambir um, o njan onqeene saq’ina a kid no kiin fo o don olaa laytoogna a magnandax soo a nandtaa olaa moƴna o magin xa lakas axe.

Dañel 7:8

Ɗeetoogaam xa can axe too ga’aam o njan o ndeɓ a sax a ndeer den, soo xa can xa tadaq na xa eetaand axe a mbuuroorit mbaambir um. O njan onqe a kid no kiin a saq’u fo o don olaa laytoogna a magnandax.»

Mbeeñil 21:10

Yiif le Roog a gifaxam, too malaaka fee a ɓisaxam took o joong o maak o jigdu. Maaga, a lalaxam teeru fa tedu fee refna Yeerusaleem fee Roog a fudnitiid’ina na asamaan.

Heseki’el 8:3

A letna kaa saxitna nen o ɓay, a pok joƥ wiil no xoox es. Yiif le a gifaxam, a yoɗaam ndeer asamaan fo lanq, soo a ɓisaam Yeerusaleem no peeñil katu na Roog, farna fo ndokand ne no don-maax kam ole faambirna fo o ɓemb-roog o janoon, me nitaal roog fa naalu fee a sipeena, ten oxe na gartaa naal ne.

Heseki’el 11:24

No mbeeñil, Yiif le a gifaxam soo a nomtiidaam Kalde paam no we ƥiseena took o hup doole. Cinj kaaga, mbeeñil ne lal’eema a naaga mes.

2 Tesalonik 2:4

Kaa fapoox, soo a inooxan fop ke na xoyeel Roog mbaat ta faɗooxeel. Xan a inooxan keene, boo a ret a moof no faɗoorand ole Roog, soo a lambnaa yee Roog a refu.

Heseki’el 3:12

Maaga, Yiif le a gifaxam, too nantaam a cinj es fangax combol maak ee: «O ndam onqe no Yaal oxe a hela o simattel no ngenand um!»

A kim ale na kim ake 8:5

An oo xeene na inoortiidaa na koƥ-a-ƥor ale, a damir fo xe ta bugna bug? Yoktaaxoong ɗuga ndaxar pom ne, me ya of a fudtoonga sax sax, maaga ta rimtoonga.

Mbeeñil 1:10

Yiif le Roog a gif’axam na bes fee no Yaal oxe, too nantaam a cinj es o ñuxur o maak olaa na jibaa, a fangoortaa nen a luuƥ.

Dañel 11:36

O maad oxe xan a fi kuu feluuna. Xan a magnandoox, a fakoox mbaambir roog ke fop. Xan a lay qedu sax a Roog fee no roog ke. Xan a jeg ne ta bugna boo yaa Roog a fuuxankan, a fadin ke ta hebooxna.

2 Maad we 2:16

A layaan ee: «Ga’angi, a jega mene a ndeer no dag of goor qarɓeen ƥetik waa ndefna cambaar. Fat i lul a den, da mbaaƭik o yaal mbind of. Xeƈa Yiif le no Yaal oxe kaa gifin, a deɓkin no joong o leng mbaat na yulanq.» Eliise a doona a den ee: «Ba nu lul a den.»

1 Maad we 18:12

Cinj yaa um retkaa xaƴong, xan Yiif le no Yaal oxe a gifong, a ɓisong maa andeeruuma. Um retkaa koy, yegnin a Ahab, too ga’kirang soo ta waraam. Yaag oo toox de, no kaa xotitna no ndeƥandoong es boo ndiik kaam saɗar o Yaal oxe.

Mbeeñil 4:2

Ndak fo ndak, Yiif Tedu le a gifaxam, a ɓisaam. Maaga koy kam asamaan, a jeg’a gamb no maad. Took gamb leene koy, a jeg’a oxaa moof’ina teen.

A pi ake 8:39

Ye da sutooxna foofi laa, Yiif Tedu le a gifa a Filip. Jawdiin faa ga’atiran, ndaa a xota a ƭat um, a ɗaay bo.

Mace 27:28

A mbola tikoorik ke ten, soo a ndokanin lori yaxgu coy.

Mbeeñil 18:12

Cula keene koy ndefu: Wurus fa xaaliis fo a ƥil a cafeñu a mosu fo xa peme. Kaa njula’oogu itam piis mosu nen sooy fo daalde fo suwaa fo cuup. A njikooxoogahina o xos a qanq a cafeñu fo kaa fi’teena a ñiiñ fa ñiig fo a teex nqool fa xanjar fo njelem fo a ƥil marbar.

Mbeeñil 18:16

a lay ee: «Sabab! Koo ndaw sabab na teeru fa maak fee! Kaa rokoox’u sooy fo daalde mosu, a yipoox wurus bo, a may fo a ƥil a cafeñu fo xa peme!