Mbeeñil 17:2 - NQAARIIT NE ROOG

² Maad we na adna fee a seeqa fo ten, soo we ngenna na adna fee a mbay fa biiñ fee ten refna ceeq.»

Mbeeñil 17:2 Referans Kwoze

Mbeeñil 14:8

Malaaka fa ƭikandeer a reefana fa eetaand fee, a lay ee: «Koo a jiƭtooxa, a jiƭtooxa yoo! Babilon fa maak fee yerinna qeet ke fop biiñ fee ten, refna a yaaw a paaxeer ake na seeqnooraa.»

Mbeeñil 18:3

A yerna qeet ke fop biiñ fee ten refna ceeq. Maad we na adna fee fop a seeqa fo ten, soo jiijikax we na adna fee sax a njegit halal no neq um.»

Yeremi 51:7

Babilon kaa reeƭu a tokol wurus no ɓay no Yaal oxe, alaa waynooroogna adna fa muum. Qeet ke a yera na biiñ fee ten, a njiit.

Mbeeñil 18:9

Maad we na adna fee seeqna fo ten, a neqit no ten, xan a naang ciic a lool, a ƭomatoox yaam saax leene, yaa da nga’kaa fo suun ole no dox ole ten.

Mbeeñil 18:23

O jam kaƥkatee me wo, too o ñuxur no waa na sogaa ndolnir nanitkataand na wo. Jula we wo koy moƴ’u o njeg doole na adna fee, too kaa naxtoogu qeet ke fop pan ne wo.»

Mbeeñil 17:17

Roog kaa ɓek na qeeñ den da mbug o mbi ke ta fosooxna. Ten taxu da ƥoxotaa maat den a Ɓaanoor, boo yaa fa lay fee Roog a fadnooxkaa.

Mbeeñil 3:10

Yaam ne gayoona ke layuuma no kaa farna no saƭkel, ten taxu mi itam oo xam gaynaakong na jamaane fee Roog a toroxandkaa adna fee fop, ndax ta ɗeetloox we ngenna no lanq ke fop.

Mbeeñil 17:13

Den fop koy, tig leng kut ke a mbosooxu. A mbuga o ƥoxot a Ɓaanoor katil fee fa sañ-sañ fee da njegna fop.

Nahum 3:4

Keene fop njaga ƭomu ne Niniif gartun, ten fee yaawnooxna, a waane no pan ne ten. Kaa jikooxoogu a saax ake njaga ne ten, qeet ke, ta dam a den mbaƭ fo pan ne ten.

YEGIL MBAAX NE YEESU ne Saŋ a bindtuuna 2:10

soo a layin ee: «Wo o mat, a saax ɓetaa ƭaq a eetaa o cooxit biiñ fa mbaax fee boo yaa fop a ndeyƭooxna, soo da sog o sut fee moƴanna, e soo o moof boo waxtu fene, o sog o sutaa fa mbaax fee!»

Mbeeñil 2:22

Ten taxu xam wondnin no njong o torox, toroxand we mosna o seeq fo ten fop. Xam fi’in, a mbañangaa o mbes a cinj a pi a paaxeer ake da mosna o mbi fo ten fop.

Mbeeñil 9:21

Wiin weene koy, mbes’ee a cinj barir fo pan fo ceeq fo kuuƭ.

Mbeeñil 17:5

Gon a bind’e na tagid um, ndaa kunpa a reeƭu. Gon kunpa’u leene refu: «Babilon fa maak, yaay fee na caga ke, a ref yaay no wiin we na mbi’aa cednooxu.»

Mbeeñil 17:8

Ɓaanoor fee ga’oona a ñoowooga yaaga ndaa maadatee. Kaa nar o sutoor na ngas fiɗel ale, a ɓisel a saŋkook. We ngenna kam adna fee, a kon den a mbind’aandeena kam safe le no ñoow ole, no kaa xotitna no mberaandoong adna, xan a nga a Ɓaanoor. Ɓaanoor feene a ñoowooga yaaga too maadatee, ndaa xan a nomtooxiid. Keene koy, xan a bet a den.