Mbeeñil 17:12 - NQAARIIT NE ROOG

¹² Xa can xarɓaxay axe ga’oona, maad xarɓaxay waa ƥoxotafulaandeena maat den a ndefu. Kaa koy, xan a ci’el sañ-sañ faa da maadoorna fa Ɓaanoor boo waxtu fa leng soom.

Mbeeñil 17:12 Referans Kwoze

Mbeeñil 12:3

O anddiloor o lakas a feeña na asamaan itam. Niŋki-naŋka maak yaxgu coy a reeƭu. Kaa jeg a qoox ɓetaa ƭaq fo xa can xarɓaxay, a rokoox o ndip took xoox luu refna.

Mbeeñil 13:1

Cinj kaaga, ga’aam a Ɓaanoor a sutooraa no maag olaa. A saq’a xa can xarɓaxay fo a qoox ɓetaa ƭaq, o jan oluu refna a saq o ndip, a kon a benir a Roog a mbindel na qoox ake ten.

Dañel 7:24

Xa can xarɓaxay axe kaa ndef maad xarɓaxay waa na mbeeñkaa no maat neene. A cinj den, xan o maad o lakas oxaa jektirna fa den a feeñ, a maaf daduk na den.

Mbeeñil 17:16

Xa can xarɓaxay axe fa Ɓaanoor fee ga’oona, xan a sib a caga le, a nguytin, a nqaƴin o ƥor. Cinj kaaga, xan a sanqin, soo ke na yoqkaa no cer um da ndoxin na fiɗel bo tee riw.

Dañel 7:20

Laamtoogaam itam no kaa farna na xa can xarɓaxay axe ɓaanoor fee a jeg’ina no xoox um fo no njan onqe sax’ina, soo xa can xa tadaq a mbuuroorit mbaambir um, o njan onqeene saq’ina a kid no kiin fo o don olaa laytoogna a magnandax soo a nandtaa olaa moƴna o magin xa lakas axe.

Mbeeñil 18:19

Kaa isdoogu fo ut took a qoox den, a loolaa, a ƭomatooxaa soo a mbuuqaa yee: «Sabab! Koo ndaw sabab na teeru fa maak feeke. Na halal fee ten we njegna a kaal no maag ole fop a njegtu halal. Na waxtu fa leng kut a ñaka fop.

Mbeeñil 18:17

Na waxtu fa leng kut halal fee ten fop a sooƴa.» We adooxan’ina a kaal ake fo ñaañaaƴ we, maamaag we fo we ngaɗ’ina o ñoow den no maag ole kaa mbod’u koƭu.

Mbeeñil 18:10

Xan a mbod koƭu, yaam a saɗaraa coono ke teeru feene a gomkaa. Kaa mbugko layaa yee: «Ndaw sabab! Koo ndaw sabab! E koon Babilon fa maak, teeru fa mayu katil fee! Waxtu fa leng kut a deyaang ndax o xawel.»

Mbeeñil 10:11

Maaga, layeem ee: «Warahinaa o jo’tanaa a Roog farna fo a saax a mayu fo qeet mayu fo lak mayu fo maad mayu.»