Mbeeñil 17:10 - NQAARIIT NE ROOG

¹⁰ Ɓetuk na den a saaya. No we yoqna koy, o leng oxe xe maadaa, o lakas oxe mat garafulee, too a garangaa sax oo, miñkee meen.

Mbeeñil 17:10 Referans Kwoze

Mbeeñil 10:11

Maaga, layeem ee: «Warahinaa o jo’tanaa a Roog farna fo a saax a mayu fo qeet mayu fo lak mayu fo maad mayu.»

Mbeeñil 17:11

Ɓaanoor fee ñoowoogna yaaga koy too maadatee, ten refu o maad ɓetuu tadkandeer oxe, ndaa a fog’a itam no maad ɓetuu ɗik eetaand we, too xan a ɓisel na saŋkax alaa.

Esayi 23:15

A koom, xan Tiir a weecel boo xa kiid qarɓeen ɓetuu ƭik fodirna fo ke o maad a warna o ñoow. Cinj xa kiid qarɓeen ɓetuu ƭik axeene, xan ke a kim alene a layna na caga le, a dal a Tiir:

Mbeeñil 13:3

Leng na qoox akaa no Ɓaanoor kaa jeg’u ngaañax naa na nandtaa kaa na waraa, ndaa miñee dara ngaañax mbaawar ne a woda. Adna fa muum kaa njaaxiɗ’u, too a ndeefana a Ɓaanoor.

Mbeeñil 13:12

Kaa jiriiñoortoogu sañ-sañ fee na Ɓaanoor fa eetaand fee mbaambir um. A ser’a adna fee fo we ngenna teen da mbaɗoox a Ɓaanoor fa eetaand fee, ngaañax mbaawar um a wod’ina.

Mbeeñil 17:16

Xa can xarɓaxay axe fa Ɓaanoor fee ga’oona, xan a sib a caga le, a nguytin, a nqaƴin o ƥor. Cinj kaaga, xan a sanqin, soo ke na yoqkaa no cer um da ndoxin na fiɗel bo tee riw.